Խոստացել են հանդիպում կազմակերպել Մհեր Գրիգորյանի հետ. արցախցիները բողոքի ակցիա են անում

© Sputnik / Asatur Yesayants«Հանուն Հադրութի» հասարակական կազմակերպության նախագահ Լևոն Հայրիյանը կառավարության շենքի առջև բողոքի ցույցին (հուլիսի 14, 2022). Երևան
«Հանուն Հադրութի» հասարակական կազմակերպության նախագահ Լևոն Հայրիյանը կառավարության շենքի առջև բողոքի ցույցին (հուլիսի 14, 2022). Երևան - Sputnik Արմենիա, 1920, 14.07.2022
Բաժանորդագրվեք
Yandex newsTelegram
Արցախցիները կրկին փորձում են պատկան մարմինների ներկայացուցիչների հետ հանդիպել ու բարձրացնել իրենց հուզող հարցերն ու պահանջները։
ԵՐԵՎԱՆ, 14 հուլիսի – Sputnik. Արցախից տեղահանվածները կրկին բողոքի ակցիա են անում ՀՀ կառավարության շենքի դիմաց։
Նրանք շարունակում են պահանջել, որ իրենց փախստականի կարգավիճակ տան, ճանաչեն Արցախի անկախությունը կամ միավորեն Հայաստանն ու Արցախը։
«Հանուն Հադրութի» հասարակական կազմակերպության նախագահ Լևոն Հայրիյանը Sputnik Արմենիայի հետ զրույցում հայտնեց, որ քիչ առաջ իրենց է մոտեցել կառավարության անվտանգության աշխատակիցների մեկը, փոխանցել է հեռախոսը և իրենք զրուցել են փոխվարչապետ Մհեր Գրիգորյանի աշխատակազմի ղեկավարի հետ, որը խոստացել է եկող շաբաթ հանդիպում կազմակերպել Գրիգորյանի հետ։

«Հանդիպման ընթացքում մենք կրկին կբարձրացնենք մեզ հուզող հարցերը և կասենք, թե ինչպես ենք պատկերացնում այդ խնդիրերի լուծումները»,- ասաց նա։

Հայրիյանի խոսքով` իրենք հատուկ ընտրել են կառավարության նիստի օրը, որպեսզի բոլորն այնտեղ լինեն, որևէ մեկը չհայտարարի, թե տեղում չէ։
Նշենք, որ արցախցիները, տևական ժամանակ է` բողոքի ակցիաներ են իրականացնում ինչպես կառավարության շենքի, այնպես էլ ՄԱԿ-ի գրասենյակի, ՀՀ արտաքին գործերի նախարարության, Ֆրանսիայի ու ԱՄՆ դեսպանատների մոտ։
Տեղահանվածների պայքարը 2 կարգախոս ունի` «Հայկական կարգավիճակ Արցախի համար» և «Փախստականի կարգավիճակ Արցախի օկուպացված տարածքներից տեղահանվածներին»։
Լրահոս
0