https://arm.sputniknews.ru/20220714/kiril-razlvogvovi-haverzhakan-veradardzy--hajkakan-akunqnerin-45249740.html
Կիրիլ Ռազլոգովի «Հավերժական վերադարձը»... հայկական ակունքներին
Կիրիլ Ռազլոգովի «Հավերժական վերադարձը»... հայկական ակունքներին
Sputnik Արմենիա
Կիրիլ Ռազլոգովը «վերադարձել է» Երևան, բայց այլ կերպարանքով. մայրաքաղաքում տեղի է ունեցել «Հարություն Խաչատրյան. հավերժ վերադարձ» գրքի շնորհանդեսը։ 14.07.2022, Sputnik Արմենիա
2022-07-14T21:46+0400
2022-07-14T21:46+0400
2022-07-14T23:33+0400
«ոսկե ծիրան» կինոփառատոն
գիրք
շնորհանդես
կիրիլ ռազլոգով
https://cdn.am.sputniknews.ru/img/07e6/07/0e/45240223_0:0:940:528_1920x0_80_0_0_1ed49a303c7b9c9edcc4289c8f444a0c.jpg
ԵՐԵՎԱՆ, 14 հուլիսի – Sputnik. Հայտնի ռուս կինոգետ Կիրիլ Ռազլոգովը, որը մահացել է անցյալ տարվա սեպտեմբերին, իր կյանքում գրել է ընդամենը երկու գիրք, որոնցից յուրաքանչյուրն ամբողջովին նվիրված է ինչ-որ մեկին. մեկն ամերիկացի մեծ ռեժիսոր Օրսոն Ուելսն է, մյուսը՝ Հարություն Խաչատրյանը։Ինքը՝ Հարություն Խաչատրյանը, որը «Ոսկե ծիրան» կինոփառատոնի հիմնադիրն է և Հայաստանի կինեմատոգրաֆիստների միության նախագահը, նշեց, որ սա իրենց համատեղ ճամփորդությունների արդյունքն է։ Նա մոռացել է իր հետ կապված պատմությունները, իսկ Կիրիլը՝ ոչ։«Մենք շատ էինք շրջում Կիրիլ Էմիլևիչի հետ, միասին շատ փառատոների ենք մասնակցել, իսկ հիմա կարդում եմ և զարմանում` ի՜նչ շատ բան է նա տեսել, ինչքա՜ն շատ բան է հասկացել»,- վերհիշում է նա:«Ոսկե ծիրան» կինոփառատոնի համահիմնադիր Միքայել Ստամբոլցյանը, խոսելով Ռազլոգովի հետ կապված հիշողությունների մասին, ասաց, որ նրա հետ ծանոթ են եղել 1964 թվականից:Կինոգետ Դավիթ Մուրադյանը Կիրիլ Էմիլևիչին մշակույթի մարդ անվանեց։«Նրա մեջ կար մշակութային աշխարհայացքի և աշխարհընկալման համակարգայնությունը, որը նա տարածում էր իր շուրջը»,- ասաց Մուրադյանը։Ի դեպ, Ռազլոգովի հետաքրքրությունը ոչ միայն հայկական կինոյի, այլև հենց Հայաստանի նկատմամբ, հնարավոր է, բացատրվում է այն հանգամանքով, որ նրա պապը հայ էր։Դստեր` Անաստասիայի խոսքով՝ իր հոր համար կարևոր էր, որ գիրքը լույս տեսներ տարբեր լեզուներով, հատկապես հայերեն։Ի դեպ, այս տարի առաջին անգամ «Ոսկե ծիրան» փառատոնն անցկացվում է առանց Կիրիլ Էմիլևիչի։Օսկարակիր ռեժիսորներ, «Ոսկե արմավենու» դափնեկիրներ. «Ոսկե ծիրանի» բացումը՝ լուսանկարներով«Հարություն Խաչատրյան. հավերժ վերադարձ» գիրքն ընթերցողի առջև բացահայտում է կինեմատոգրաֆիական կյանքի լայն համայնապատկերը Եվրոպայի, Ասիայի և Ամերիկայի կինոփառատոներում, խորհրդային և հետխորհրդային տարածքում: Գրքում ներկայացված է տարբեր մշակութային համայնքների փոխգործակցությունը, որոնք ռեժիսորին ոգեշնչում են ստեղծագործական նոր փնտրտուքների և մշտապես վերադարձնում են նրան հայկական մշակույթի ակունքներին ու փոփոխվող աշխարհում իրենց հայրենակիցների ճակատագրին:
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
«ոսկե ծիրան» կինոփառատոն, գիրք, շնորհանդես, կիրիլ ռազլոգով
«ոսկե ծիրան» կինոփառատոն, գիրք, շնորհանդես, կիրիլ ռազլոգով
Կիրիլ Ռազլոգովի «Հավերժական վերադարձը»... հայկական ակունքներին
21:46 14.07.2022 (Թարմացված է: 23:33 14.07.2022) Կիրիլ Ռազլոգովը «վերադարձել է» Երևան, բայց այլ կերպարանքով. մայրաքաղաքում տեղի է ունեցել «Հարություն Խաչատրյան. հավերժ վերադարձ» գրքի շնորհանդեսը։
ԵՐԵՎԱՆ, 14 հուլիսի – Sputnik. Հայտնի ռուս կինոգետ Կիրիլ Ռազլոգովը, որը մահացել է անցյալ տարվա սեպտեմբերին, իր կյանքում գրել է ընդամենը երկու գիրք, որոնցից յուրաքանչյուրն ամբողջովին նվիրված է ինչ-որ մեկին. մեկն ամերիկացի մեծ ռեժիսոր Օրսոն Ուելսն է, մյուսը՝ Հարություն Խաչատրյանը։
Ինքը՝ Հարություն Խաչատրյանը, որը «Ոսկե ծիրան» կինոփառատոնի հիմնադիրն է և Հայաստանի կինեմատոգրաֆիստների միության նախագահը, նշեց, որ սա իրենց համատեղ ճամփորդությունների արդյունքն է։ Նա մոռացել է իր հետ կապված պատմությունները, իսկ Կիրիլը՝ ոչ։
«Մենք շատ էինք շրջում Կիրիլ Էմիլևիչի հետ, միասին շատ փառատոների ենք մասնակցել, իսկ հիմա կարդում եմ և զարմանում` ի՜նչ շատ բան է նա տեսել, ինչքա՜ն շատ բան է հասկացել»,- վերհիշում է նա:
«Ոսկե ծիրան» կինոփառատոնի համահիմնադիր Միքայել Ստամբոլցյանը, խոսելով Ռազլոգովի հետ կապված հիշողությունների մասին, ասաց, որ նրա հետ ծանոթ են եղել 1964 թվականից:
«Նա կենսասեր, նպատակասլաց և ինքնաբավ մարդ էր։ Նա չէր ընդունվել ՎԳԻԿ, բայց վերադարձել էր այնտեղ որպես դասախոս, երբ նրան չէին ընտրել կինոյի ինստիտուտի տնօրեն։ Նա ստեղծել ու գլխավորել է սեփական ինստիտուտը»,- նշեց կինոգետը։
Կինոգետ Դավիթ Մուրադյանը Կիրիլ Էմիլևիչին մշակույթի մարդ անվանեց։
«Նրա մեջ կար մշակութային աշխարհայացքի և աշխարհընկալման համակարգայնությունը, որը նա տարածում էր իր շուրջը»,- ասաց Մուրադյանը։
Ի դեպ, Ռազլոգովի հետաքրքրությունը ոչ միայն հայկական կինոյի, այլև հենց Հայաստանի նկատմամբ, հնարավոր է, բացատրվում է այն հանգամանքով, որ նրա պապը հայ էր։
Դստեր` Անաստասիայի խոսքով՝ իր հոր համար կարևոր էր, որ գիրքը լույս տեսներ տարբեր լեզուներով, հատկապես հայերեն։
«Հայրիկիս մասին կարող եմ ասել, որ նա իրեն հայ էր համարում, շատ էր սիրում Հայաստանը, «Ոսկե ծիրանը»»,- ասաց նա:
Ի դեպ, այս տարի առաջին անգամ «Ոսկե ծիրան» փառատոնն անցկացվում է առանց Կիրիլ Էմիլևիչի։
«Հարություն Խաչատրյան. հավերժ վերադարձ» գիրքն ընթերցողի առջև բացահայտում է կինեմատոգրաֆիական կյանքի լայն համայնապատկերը Եվրոպայի, Ասիայի և Ամերիկայի կինոփառատոներում, խորհրդային և հետխորհրդային տարածքում: Գրքում ներկայացված է տարբեր մշակութային համայնքների փոխգործակցությունը, որոնք ռեժիսորին ոգեշնչում են ստեղծագործական նոր փնտրտուքների և մշտապես վերադարձնում են նրան հայկական մշակույթի ակունքներին ու փոփոխվող աշխարհում իրենց հայրենակիցների ճակատագրին:
