Նեոնացիստները սադրանք են պատրաստում Դնեպրոպետրովսկում կամուրջը պայթեցնելու ծրագրով. ՌԴ ՊՆ

© Sputnik / Министерство обороны РФ / Անցնել ֆոտոբանկՄիխայիլ Միզինցև
Միխայիլ Միզինցև - Sputnik Արմենիա, 1920, 14.07.2022
Բաժանորդագրվեք
Yandex newsTelegram
Գեներալ Միզինցևը ներկայացրել է Ուկրաինայում Ռուսաստանի հատուկ գործողության ընթացքի ամփոփագիրը:
ԵՐԵՎԱՆ, 14 հուլիսի – Sputnik. Ուկրաինացի նեոնացիստներն ականապատել են Դնեպրոպետրովսկի մարզի Վոլչյա գետի վրայով անցնող կամուրջն ու պատրաստվում են պայթեցնել այն` դրանում Ռուսաստանին ու ԴԺՀ-ին մեղադրելու համար: Տեղեկությունը հայտնել է Ռուսաստանի Դաշնության պաշտպանության կառավարման ազգային կենտրոնի ղեկավար, գեներալ-գնդապետ Միխայիլ Միզինցևը:
Բացի այդ, Մեզենցևի խոսքով, ուկրաինացի զինվորականների ստորաբաժանումները տեղակայվել են Նիկոլաևի մեքենաշինական վարժարանի շենքում, մերձակա տարածքում ռազմական տեխնիկա ու հրետանու դիրքեր տեղակայելով։
Ուկրաինացի զինվորականները ԴԺՀ–ի հիվանդանոցներում սպառազինություն են տեղակայում. ՌԴ ՊՆ
Նա նշել է, որ հարակից տարածքում մեծ քանակությամբ ռազմական տեխնիկա է գտնվում, հրետանու դիրքեր են սարքած, ուսումնական հաստատության պարագծով հենակետեր են դրված, հաստատությանը մոտենալու հատվածներն ականապատված են, բայց տեղի բնակչությանն այդ մասին տեղյակ չէ:
Միզինցևը նաև հայտնել է, որ «Կրակեն» ազգայնական գումարտակի զինյալները Խարկովի Վլադիսլավ Զուբենկոյի փողոցի բազմահարկ բնակելի շենքերի ստորին ու վերին հարկերում տեղադրել են հենակետեր և զինամթերքի պահեստներ, բակերում տեղակայել են ՀԿՌՀ ու զրահատեխնիկա:
«Տեղի բնակիչներին արգելվում է լքել իրենց բնակարանները, իսկ անվտանգ շրջաններ ինքնուրույն տարհանվելու նրանց բոլոր փորձերը խստորեն կասեցվում են»,-ընդգծել է ՌԴ պաշտպանության կառավարման ազգային կենտրոնի ղեկավարը:
Միզինցևը նշել է նաև, որ, բացի այդ, ԴԺՀ Կրամատորսկի շրջանի Բիբլասովկա մասնավոր տների տարածքում տեղակայված են ուկրաինացի ազգայնականների ստորաբաժանումներ, տեղակայված են ինքնագնաց հրետանային կայանքներ ու զինամթերքի պահեստներ: Տվյալ շրջանից քաղաքացիական բնակչության տարհանում չի իրականացվում միտումնավոր կերպով:
Հիշեցնենք` փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Ուկրաինայում մարտական գործողությունները շարունակվում են արդեն 141-րդ օրը։
Լրահոս
0