Արմեն Գրիգորյանը դատական նիստի ժամանակ ընկավ. նրա ինքնազգացողությունը կտրուկ վատացավ

Բաժանորդագրվեք
НовостиTelegram
Դատավարությունն ընդհատվեց, Գրիգորյանին փորձեցին առաջին օգնություն ցույց տալ։
ԵՐԵՎԱՆ, 15 հուլիսի – Sputnik. Պրոդյուսեր Արմեն Գրիգորյանը Երևանի Կենտրոն և Նորք-Մարաշ շրջանների ընդհանուր իրավասության դատարանի կենտրոնի նստավայրում այսօր դատական նիստի ժամանակ ընկավ։ Նրա ինքնազգացողությունը կտրուկ վատացավ այն ժամանակ, երբ փաստաբան Ռուբեն Մելիքյանը դատարանին ներկայացնում էր պաշտպանական կողմի փաստարկները։
Գրիգորյանը աթոռին նստած էր, երբ հանկարծ թեքվեց ու ընկավ հատակին։
Դատավարությունն ընդհատվեց, ներկա դատական կարգադրիչները փորձեցին նրան բարձրացնել ու առաջին օգնություն ցույց տալ։
Նախնական տեղեկություններով` Գրիգորյանը կորցրել է գիտակցությունը և առայժմ գիտակցության չի եկել։ Դատարանում հայտարարվեց, որ շտապօգնության բրիգադն արդեն ճանապարհին է։
Արմեն Գրիգորյանին մեղադրանք է առաջադրվել այն բանի համար, որ նա ազգային արժանապատվությունը հրապարակայնորեն նվաստացնելուն ուղղված գործողություններ է կատարել: Ըստ մեղադրանքի` նա, անտեսելով ՀՀ Սահմանադրության 3-րդ հոդվածով ամրագրված սահմանադրական կարգի հիմունքներից մեկը, «Հայելի» հաղորդաշարի ընթացքում անպարկեշտ ձևով նսեմացրել է Շիրակի և Արարատյան դաշտերի բնակչությանը:
Ըստ մեղադրանքի` 2022 թվականի մայիսի 8-ին Երևան քաղաքի Ֆրանսիայի հրապարակում տեղի ունեցած հարցազրույցի ընթացքում ընդհանրական բնույթ կրող և ազգաբնակչության լայն շրջանակին վերաբերելի ձևակերպումներով հրապարակայնորեն նվաստացնելով նշված վայրերի բնակչության ազգային արժանապատվությունը, նա մտացածին գաղափարներով և հայացքներով ատելություն և թշնամանք է սերմանել հայ ազգի շրջանում:
Արմեն Գրիգորյանը կալանավորված է մայիսի 18-ից։
Այսօր Կենտրոնի դատարանում ընթանում էր նրա նկատմամբ քրեական գործով առաջին դատական նիստը։
Պրոդյուսեր Արմեն Գրիգորյանի դեմ քրգործով նախաքննությունն ավարտվել է. պաշտպան
Լրահոս
0