Ինքնակամ կառույց «Սևան» ազգային պարկի տարածքում. համայնքապետը տուգանվել է 𝟐 միլիոն դրամով

«Սևան» ազգային պարկ - Sputnik Արմենիա, 1920, 15.07.2022
«Սևան» ազգային պարկ
Բաժանորդագրվեք
Yandex newsTelegram
Սևանի համայնքապետը երկու անգամ զգուշացվել է ինքնակամ կառույցի շինարարությունը դադարեցնելու համար, սակայն քայլեր չի ձեռնարկել։
ԵՐԵՎԱՆ, 15 հուլիսի – Sputnik. ՀՀ քաղաքաշինության, տեխնիկական և հրդեհային անվտանգության տեսչական մարմինը Սևան համայնքի ղեկավար Սարգիս Մուրադյանին տուգանել է 2 միլիոն դրամով: Տեղեկությունը հրապարակվել է տեսչական մարմնի ֆեյսբուքյան էջում։
Ըստ հաղորդագրության` «Սևան» ազգային պարկում իրականացված ուսումնասիրության արդյունքում պարզվել է, որ քաղաքացի Գ․ Գևորգյանը տարածքում գործող «Փարվանա» ռեստորանային համալիրի հարևանությամբ ինքնակամ երկաթյա կոնստրուկտորներով տաղավար է կառուցել։
«Իրավախախտման հայտնաբերման մասին տեսչական մարմինը ծանուցել է Սևան համայնքի ղեկավար Սարգիս Մուրադյանին։ Որոշ ժամանակ անց կրկնակի ստուգումների արդյունքում պարզվել է, որ ինքնակամ շինարարական աշխատանքների հետևանքները ոչ միայն չեն վերացվել, այլև աշխատանքները շարունակվում են»,–ասված է հաղորդագրությունում։
Չարաշահումներ ՀՀԿ-ական նախկին պատգամավորի եղբոր օրոք. քրեական գործ է հարուցվել
Սևանի ղեկավարին կրկին զգուշացրել են, սակայն պատասխան գրություն չեն ստացել։ Պետական կամ համայնքային սեփականություն հանդիսացող հողամասում ինքնակամ կառույցի քանդման կամ ապամոնտաժման մասին որոշում չկայացնելու համար օրենքով սահմանված կարգով Սևանի քաղաքապետը տուգանվել է։
Բացօթյա օբյեկտներում մոռանում են ծխախոտային արգելքի մասին. քանի՞ արձանագրություն է կազմվել
Լրահոս
0