Խելագարվելու դեպք է. Արամ Վարդևանյանը` Արմեն Գրիգորյանի մահվան մասին

© Sputnik / Aram NersesyanԱրամ Վարդևանյան
Արամ Վարդևանյան - Sputnik Արմենիա, 1920, 15.07.2022
Արամ Վարդևանյան
Բաժանորդագրվեք
НовостиTelegram
Փաստաբան պատգամավորի խոսքով` քննիչը թույլ չի տվել, որ Արմեն Գրիգորյանին տեսակցեն ՔԿՀ-ում։
ԵՐԵՎԱՆ, 15 հուլիսի – Sputnik. Այսօր դատարանի նիստերի դահլիճում մահացած պրոդյուսեր Արմեն Գրիգորյանի առողջական վիճակի մասին մշտապես բարձրաձայնել է նրա պաշտպան Ռուբեն Մելիքյանը, բայց կոնկրետ դատավորներ, դատախազներ ու քննիչ անտեսել են, որովհետև կալանքի ֆետիշ են ապահովում։ Այս տեսակետը հայտնել է ԱԺ «Հայաստան» խմբակցության պատգամավոր Արամ Վարդևանյանը։

«Արմեն Գրիգորյանին այսքան օր չէինք կարողացել նույնիսկ տեսակցել ՔԿՀ-ում, որովհետև քննիչը գտել էր, որ պետք է արգելի: Պատկերացրեցի՞ք` այսքան ամիս արգելել են: Դատարանում մարդու մահ: Սա խելագարվելու դեպք է: Այդքան ասում ենք` կալանքը մի՛ ֆետիշացրեք... Բառեր չեմ գտնում: Չեմ պատկերացնում պատվեր իջեցնողն ու կատարողների խմբակը այսքան ապօրինությունների, իրավունքը ոչնչացնելու պայմաններում ո՞նց են իրենց խղճի հետ մնում..»,- ֆեյսբուքյան իր էջում գրել է Վարդևանյանը։

Հիշեցնենք` Արմեն Գրիգորյանին առաջադրված մեղադրանքն է՝ ազգային արժանապատվությունը հրապարակայնորեն նվաստացնելուն ուղղված գործողություններ կատարելը: Ըստ մեղադրանքի` նա, անտեսելով ՀՀ Սահմանադրության 3-րդ հոդվածով ամրագրված կարգը, «Հայելի» հաղորդաշարի ընթացքում անպարկեշտ ձևով նսեմացրել է Շիրակի մարզի և Արարատյան դաշտի բնակչությանը:
Արմեն Գրիգորյանը կալանավորված էր մայիսի 18-ից։
Այսօր Կենտրոն և Նորք-Մարաշ վարչական շրջանների ընդհանուր իրավասության դատարանում ընթանում էր նրա նկատմամբ քրեական գործով առաջին դատական նիստը։ Արմեն Գրիգորյանը դատական նիստի ժամանակ ընկավ, րոպեներ անց հայտնի դարձավ, որ նա մահացել է։
Լրահոս
0