«Նիկո՛լ, մարդասպան». երթի մասնակիցները թղթեր շարեցին կառավարության շենքի դիմաց

Բաժանորդագրվեք
Yandex newsTelegram
«Դիմադրություն» շարժման մասնակիցները մասնակիցները համոզված են, որ Արմեն Գրիգորյանն այս իշխանության հերթական զոհն է։
«Դիմադրություն» շարժման անդամներն ու նրանց կողմնակիցները «Նիկո՛լ, մարդասպան» գրությամբ թղթեր շարեցին կառավարության շենքի դիմաց` ոստիկանների ոտքերի տակ։
Ակցիայից հետո մասնակիցները շարժվեցին դեպի Երևանի Կենտրոն և Նորք-Մարաշ շրջանների ընդհանուր իրավասության դատարանի կենտրոնի նստավայր, որտեղ այսօր մահացել է պրոդյուսեր Արմեն Գրիգորյանը։
Ակցիան շարունակվեց նաև դատարանի մոտ։ Նրանք մոմեր վառեցին Գրիգորյանի հիշատակին ու ծաղիկներ խոնարհեցին դատարանի աստիճանների վրա։
Ավելի վաղ հայտնել էինք, որ «Դիմադրության» այսօրվա հանրահավաքը նվիրված է Արմեն Գրիգորյանի հիշատակին։
Շարժման անդամներն ու կողմնակիցները համոզված են, որ նա այս իշխանության հերթական զոհն է։
Խելագարվելու դեպք է. Արամ Վարդևանյանը` Արմեն Գրիգորյանի մահվան մասին
Հիշեցնենք` Արմեն Գրիգորյանին մեղադրանք էր առաջադրվել ազգային արժանապատվությունը հրապարակայնորեն նվաստացնելուն ուղղված գործողություններ կատարելու մեղադրանքով: Ըստ մեղադրանքի` նա, անտեսելով ՀՀ Սահմանադրության 3-րդ հոդվածով ամրագրված կարգը, «Հայելի» հաղորդաշարի ընթացքում անպարկեշտ ձևով նսեմացրել է Շիրակի մարզի և Արարատյան դաշտի բնակչությանը:
Արմեն Գրիգորյանը կալանավորված էր մայիսի 18-ից։
Այսօր Կենտրոն և Նորք-Մարաշ վարչական շրջանների ընդհանուր իրավասության դատարանում ընթանում էր նրա նկատմամբ քրեական գործով առաջին դատական նիստը։ Արմեն Գրիգորյանը դատական նիստի ժամանակ ընկավ, րոպեներ անց հայտնի դարձավ, որ նա մահացել է։
Լրահոս
0