Իսպանիայում սաստիկ շոգից 5 օրում 237 մարդ է մահացել, թռչուններն ընկնում են երկնքից

© Sputnik / Alejandro Martinez Velez / Անցնել ֆոտոբանկԱրխիվային լուսանկար
Արխիվային լուսանկար - Sputnik Արմենիա, 1920, 16.07.2022
Բաժանորդագրվեք
Yandex newsTelegram
Իսպանիայում բարձր ջերմաստիճանի պատճառով մոլեգնում են նաև անտառային հրդեհները, երկրում երաշտ է։
ԵՐԵՎԱՆ, 16 հուլիսի – Sputnik. Իսպանիայում գրանցված անոմալ շոգի պատճառով վերջին 5 օրվա ընթացքում 237 մարդ է մահացել։ Տեղեկությունը հայտնում է EFE գործակալությունը։
Շոգը ոչ միայն չի նահանջում, այլև սաստկանում է։ Օդերևութաբանները երկրի որոշ հատվածներում մինչև +45℃ ջերմաստիճանի բարձրացում են կանխատեսում։
Շոգ եղանակը կպահպանվի առնվազն մինչև առաջիկա երկուշաբթի։
Իսպանիայում բարձր ջերմաստիճանի պատճառով մոլեգնում են նաև անտառային հրդեհները, երկրում երաշտ է։
Իսպանական Cadena SER ռադիոկայանը հայտնում է, որ Իսպանիայում շոգից թռչունները սկսել են երկնքից ցած ընկնել։
Ռադիոկայանի տվյալներով՝ տեղի ոստիկանությունը ահազանգեր է ստացել անհանգստացած բնակիչներից, որոնք հետևում են, թե ինչպես են թռչուններն ընկնում գետնին։ Ընդ որում, դրանք տարբեր տեսակներ են՝ աղավնիներ, սարյակներ ու նույնիսկ արագիլներ։
Մասնագետների մեկնաբանմամբ` թռչունների նման վարքագծի պատճառը ջրազրկումն է, որը հանգեցնում է ապակողմնորոշման, թռչելու անկարողության ու անկման:
Հետաքրքրական է, որ բնության այդ անոմալիան նկատվել է երկրի հյուսիս-արևմուտքում գտնվող Կաստիլիա և Լեոն համայնքում, որտեղ, որպես կանոն, տարվա այս եղանակին բավական զով է լինում։ Այժմ այդ տարածքում ջերմաստիճանը հասել է 40,6 աստիճանի, ինչն այդ տեղանքի համար ռեկորդային է։
Նշենք, որ անոմալ շոգը գրավել է ամբողջ Եվրոպան։
Ֆրանսիայում իշխանությունը չեղարկել է հրավառությունը, որը պետք է կազմակերպվեր Բաստիլի գրավման օրվա առիթով։
Ճապոնիայում անոմալ շոգ եղանակի պատճառով կառավարությունը հորդորում է խնայել էլեկտրաէներգիան
Պորտուգալիայում առաջիկա օրերին ջերմաստիճանի նոր ռեկորդ է կանխատեսվում։
Լրահոս
0