Բլոգեր Միկա Բադալյանի կալանքը երկարաձգվել է 20 օրով

© Sputnik / Asatur YesayantsԲլոգեր Միկա Բադալյանը բողոքի ակցիային
Բլոգեր Միկա Բադալյանը բողոքի ակցիային - Sputnik Արմենիա, 1920, 18.07.2022
Բլոգեր Միկա Բադալյանը բողոքի ակցիային. Արխիվային լուսանկար
Բաժանորդագրվեք
Yandex newsTelegram
Ավելի վաղ փաստաբանը հայտնել էր, որ կալանքը չի կարող երկարաձգվել, քանի որ նոր քրեական օրենսգրքում չկա այն հոդվածը, որով մեղադրանք է առաջադրվել։
ԵՐԵՎԱՆ, 18 հուլիսի – Sputnik. Բլոգեր Միկա Բադալյանի կալանքը երկարաձգվել է 20 օրով։ Այս մասին սոցցանցերում գրել է նրա փաստաբան Էրիկ Ալեքսանյանը։
«Միքայել Բադալյանի կալանքի ժամկետը երկարացվել է 20 օրով»,- գրել է փաստաբանը` ավելացնելով, որ որոշումը կայացրել է դատավոր Շիրինյանը։
Բադալյանի պաշտպանական կողմը նշում է, որ ՀՀ քրեական նոր օրենսգրքի ուժի մեջ մտնելուց հետո ուժը կորցրած է ճանաչվել 259-րդ հոդվածը, սակայն քննիչը դրա հիման վրա է առաջարկել երկարաձգել կալանքը։
Նշենք, որ տարբեր քրեական գործերով կալանավորվել են «Դիմադրություն» բողոքի շարժման տասը ակտիվիստներ։ Ընդդիմությունը նրանց կալանավորումը համարում է քաղաքական հետապնդում։
Հիշեցնենք, որ Բադալյանը բերման է ենթարկվել Երևանի Ազատության հրապարակից ապրիլի 22-ին։ Հայաստանի քննչական կոմիտեի հաղորդագրության համաձայն` Բադալյանը, չունենալով ստույգ տվյալներ, ապրիլի 11-ին իր Telegram ալիքում հայտարարություն է տարածել, որ Հայաստանում, հնարավոր է՝ ահաբեկչություններ իրականացվեն։
«Ռեպրեսիաների հույսին են»․ Միկա Բադալյանի աջակիցները դատարանի շենքի մոտ են
Լրահոս
0