ՌԴ-ն բավականաչափ ուժ ունի դաշնակիցներին պաշտպանելու համար. Նարիշկին

© Sputnik / Aram NersesyanՍերգեյ Նարիշկին
Սերգեյ Նարիշկին - Sputnik Արմենիա, 1920, 18.07.2022
Սերգեյ Նարիշկին
Բաժանորդագրվեք
Yandex newsTelegram
ՌԴ ԱՀԾ ղեկավարի կարծիքով՝ ԱՊՀ շրջանակում ինտեգրացիոն նախագծերը կայունության ամուր երաշխիք են:
ԵՐԵՎԱՆ, 18 հուլիսի – Sputnik. Ռուսաստանը բավականաչափ ուժ ու ռեսուրս ունի, որպեսզի դժվար պահին պաշտպանի դաշնակիցներին ու ընկերներին։ Այսօր Երևանում ռուսական ԶԼՄ-ների հետ հանդիպմանը այս հայտարարությունն արեց ՌԴ արտաքին հետախուզության ծառայության տնօրեն Սերգեյ Նարիշկինը։ Նա համոզմունք հայտնեց, որ ԱՊՀ տարածքում ինտեգրացիոն գործընթացները կայունության ամուր երաշխիք են։
Նարիշկինը հիշեցրեց, որ այդ տարածքում գործում են ինտեգրացիոն կառույցներ՝ Եվրասիական տնտեսական միությունը, Հավաքական անվտանգության պայմանագրի կազմակերպությունը։
Իմ այցը կապ չունի ԱՄՆ ԿՀՎ-ի տնօրենի այցի հետ. Նարիշկին
«Այդ բոլոր կառույցները ստեղծվել են` հաշվի առնելով դրանց կազմում գտնվող բոլոր պետությունների շահերը։ Ինտեգրացիոն պաշտպանական գործիքները կայունության և անվտանգության պահպանման լավ երաշխիք են: Բացի այդ, ՌԴ-ն բավականաչափ ուժ ու ռեսուրս ունի, որպեսզի դժվար պահին պաշտպանի դաշնակիցներին ու ընկերներին»,- ընդգծեց նա։
ԱՀԾ ղեկավարը միաժամանակ նշեց, որ աշխարհը աշխարհակարգի վերաձևակերպման բարդ և սուր փուլում է։ Նա կարծում է, որ Արևմուտքի տոտալիտար-լիբերալ վարչակարգերը, որոնք նախկին աշխարհն իրենց կալվածքն էին համարում, ամեն ինչ անում են այդ անարդար աշխարհակարգը պահպանելու համար և հանուն դրա պատրաստ են ամեն ինչի, այդ թվում՝ ամենատարբեր տարածաշրջաններում իրավիճակի ապակայունացման։ Օրինակները շատ են, դրանք մեծ թվով ճգնաժամային իրավիճակներ են, այդ թվում՝ Ուկրաինայի իրադարձությունները։
ՌԴ-ն պատրաստ է աջակցել ՀՀ-ին առանձին հետախուզական ծառայություն ստեղծելու դեպքում․ Նարիշկին
Լրահոս
0