Միջուկային պայմանավորվածությունները կախված են ԱՄՆ–ի դիրքորոշումից. Իրանի արտգործնախարար

© Sputnik / Сергей Гунеев / Անցնել ֆոտոբանկԱմիր Աբդոլլահիան
Ամիր Աբդոլլահիան - Sputnik Արմենիա, 1920, 19.07.2022
Բաժանորդագրվեք
Yandex newsTelegram
Սպիտակ տունը պետք է հրաժարվի իր չափազանց ուռճացված պահանջներից և իրատեսական քայլեր ձեռնարկի։
ԵՐԵՎԱՆ, 19 հուլիսի – Sputnik. Իրանը պատրաստ է միջուկային ծրագրի շուրջ համաձայնության, բայց շատ բան կախված է Միացյալ Նահանգների դիրքորոշումից, հայտարարել է Իրանի արտաքին գործերի նախարար Հուսեյն Ամիր Աբդոլլահիանը ԵՄ արտաքին գործերի ու անվտանգության քաղաքականության հարցերով բարձր ներկայացուցիչ Ժոզեպ Բորելի հետ հեռախոսազրույցում, հաղորդում է Իրանի արտաքին քաղաքական գերատեսչությունը:

«Իրանի կառավարության վճռականության հարցում չկա ոչ մի կասկած. հասնելու ենք ամուր, ուժեղ և կայուն համաձայնության»,-ասել է Աբդոլլահիանը:

Բայց դրա համար, ըստ նախարարի, Սպիտակ տունը պետք է հրաժարվի չափազանց ուռճացված պահանջներից և իրատեսական քայլեր ձեռնարկի, այդ թվում՝ պատժամիջոցներից հրաժարվելու հարցում։
ՌԴ-ն կողմ է, որ Իրանի հետ միջուկային գործարքը վերականգնվի. Պուտինի օգնական
Աբդոլլահիանը մեկնաբանել է այսօր Թեհրանում Իրանի, Թուրքիայի և Ռուսաստանի ղեկավարների մասնակցությամբ եռակողմ հանդիպումը։ Նախարարն ընդգծել է, որ Իրանը կարևորում է համաշխարհային պարենային և էներգետիկ անվտանգությունը։
Իր հերթին Բորելը ողջունել է միջուկային համաձայնագրի կնքմանն ուղղված Իրանի ջանքերը և վստահեցրել, որ ինքն անձամբ է աշխատում գործընթացն արագացնելու ուղղությամբ՝ կապ հաստատելով և խորհրդակցելով բոլոր կողմերի հետ։
Լրահոս
0