Պենտագոնն Իրանին խորհուրդ է տվել ձեռնպահ մնալ ՌԴ-ին ռազմական օգնություն տրամադրելուց

© POOL / Անցնել ֆոտոբանկՎլադիմիր Պուտինն ու Էբրահիմ Ռայիսին
Վլադիմիր Պուտինն ու Էբրահիմ Ռայիսին - Sputnik Արմենիա, 1920, 20.07.2022
Բաժանորդագրվեք
Yandex newsTelegram
Ռուսաստանի նախագահ Վլադիմիր Պուտինը անօդաչու թռչող սարքերի մատակարարման հարցը չի քննարկել ո՛չ Իրանի նախագահ Էբրահիմ Ռայիսիի, ո՛չ էլ երկրի գերագույն առաջնորդ Ալի Խամենեիի հետ:
ԵՐԵՎԱՆ, 20 հուլիսի – Sputnik. Պենտագոնի ղեկավար Լլոյդ Օսթինը հայտարարել է, որ Իրանին խորհուրդ չի տալիս ռազմական օգնություն ցուցաբերել Ռուսաստանին, հաղորդում է ՌԻԱ Նովոստին:
Մոսկվայում և Թեհրանում ավելի վաղ հերքել էին ԱՄՆ վարչակազմի պնդումները գործարքի նախապատրաստման մասին, որի արդյունքում հարյուրավոր իրանական անօդաչու թռչող սարքեր կարող էին ուժեղացնել ՌԴ զորքերը, որոնք գործում են Ուկրաինայում հատուկ գործողության շրջանակում:
«Մենք Իրանին խորհուրդ չէինք տա անել դա։ Մենք կարծում ենք, որ դա իսկապես վատ միտք է։ Եվ ես դրանով կսահմանափակվեմ»,–ասել է Օսթինը ասուլիսի ժամանակ։
ԶԼՄ-ներն ավելի վաղ գրել էին, որ կողմերն, իբր, քննարկում են շուրջ 300 անօդաչուների ձեռքբերումը, և արբանյակային լուսանկարներ էին հրապարակել, որոնցում, նրանց պնդմամբ, պատկերված է իրանական տեխնիկայի ցուցադրությունը ռուսական պատվիրակությանը:
ԱՄՆ-ն ու նրա դաշնակիցները խոստացել են Ուկրաինային 20 հատ HIMARS տրամադրել
Ավելի վաղ Ռուսաստանի նախագահի օգնական Յուրի Ուշակովը հայտնել էր, որ Ռուսաստանի նախագահ Վլադիմիր Պուտինը անօդաչու սարքերի մատակարարման հարցը չի քննարկել ո՛չ Իրանի նախագահ Էբրահիմ Ռայիսիի, ո՛չ էլ երկրի գերագույն առաջնորդ Ալի Խամենեիի հետ:
Լրահոս
0