https://arm.sputniknews.ru/20220721/hajastanum-tntesakan-aktivutjan-atshy-orinachap-e-pvordzagety-khvosel-e-naev-riskeri-masin-45578652.html
Հայաստանում տնտեսական ակտիվության աճը օրինաչափ է․ փորձագետը խոսել է նաև ռիսկերի մասին
Հայաստանում տնտեսական ակտիվության աճը օրինաչափ է․ փորձագետը խոսել է նաև ռիսկերի մասին
Sputnik Արմենիա
Թաթուլ Մանասերյանն անհրաժեշտ է համարում երկրի տնտեսության կառուցվածքի հետագա կատարելագործումը և պետական մարմինների թիմային աշխատանքը: 21.07.2022, Sputnik Արմենիա
2022-07-21T12:11+0400
2022-07-21T12:11+0400
2022-07-21T12:17+0400
թաթուլ մանասերյան
հայաստան
տնտեսություն
https://cdn.am.sputniknews.ru/img/07e6/07/15/45576859_0:0:1600:901_1920x0_80_0_0_4982a165510629a4a3e31b3381d9b559.jpg
ԵՐԵՎԱՆ, 21 հուլիսի - Sputnik. Հայաստանում տնտեսական ակտիվության աճը 10,2 տոկոսով օրինաչափ է և պայմանավորված է մի շարք գործոններով, որոնք առաջացել են նաև Ուկրաինայի իրավիճակի համապատկերում։ Sputnik Արմենիա մուլտիմեդիոն մամուլի կենտրոնում կայացած մամուլի ասուլիսի ժամանակ նման կարծիք հայտնեց «Այլընտրանք» հետազոտական կենտրոնի ղեկավար Թաթուլ Մանասերյանը։Ավելի վաղ Եվրասիական զարգացման բանկի վերլուծաբանները հաղորդել էին, որ Հայաստանը ԵԱՏՄ-ում տնտեսական աճի առաջատարն է:Նրա խոսքով՝ Հայաստանը ԵԱՏՄ մյուս երկրների շարքում առանձնացել է մի շարք պատճառներով։ Տնտեսագետը կարծում է, որ տնտեսական ակտիվության աճն ապահովվել է դեպի Հայաստան քաղաքացիների ներհոսքի ավելացման, սպառողների թվի աճի շնորհիվ: Ուկրաինայում տեղի ունեցող իրադարձությունների պատճառով բազմաթիվ ֆիզիկական և իրավաբանական անձինք իրենց բիզնեսի զարգացման համար նախընտրում են Հայաստանը։Վերջին տվյալներով՝ այլ երկրներից հանրապետություն է ժամանել մոտ 140 հազար քաղաքացի։ Մանասերյանը նշեց, որ փոքր Հայաստանի համար դա բավական տպավորիչ թիվ է։Հայաստանը տնտեսական աճով առաջ է անցել ԵԱՏՄ բոլոր երկրներիցՄեկ այլ գործոն է ամերիկյան արժույթի արժեզրկումը Հայաստանում։ Արդյունքում ներկրողները շահավետ իրավիճակում են հայտնվել, իսկ տեղական սպառողների համար ներկրված ապրանքներն ավելի էժան են դարձել։Դրա հետ մեկտեղ, Մանասարյանի կարծիքով, պետական վերահսկողության մասով խնդիրներ կան. դրամի ամրապնդման դեպքում մի շարք ապրանքների գները պետք է նվազեին, սակայն դա մինչ օրս տեղի չի ունեցել:Նրա խոսքով՝ տնտեսական աճի վրա ազդում է նաև զբոսաշրջության և հանքարդյունաբերության ոլորտներում առկա ակտիվությունը։Փորձագետը անխուսափելի է համարում հարվածը, որը Հայաստանի տնտեսությունը կզգա այն բանից հետո, երբ Հայաստան ժամանած վճարունակ քաղաքացիների մի մասը հայրենիք կվերադառնա:Հնարավոր ռիսկերի վերացման առումով տնտեսագետը կարևորում է մի շարք կառույցների՝ ֆինանսների նախարարության, էկոնոմիկայի նախարարության, Պետեկամուտների կոմիտեի, Կենտրոնական բանկի թիմային աշխատանքը։
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
թաթուլ մանասերյան, հայաստան, տնտեսություն
թաթուլ մանասերյան, հայաստան, տնտեսություն
Հայաստանում տնտեսական ակտիվության աճը օրինաչափ է․ փորձագետը խոսել է նաև ռիսկերի մասին
12:11 21.07.2022 (Թարմացված է: 12:17 21.07.2022) Թաթուլ Մանասերյանն անհրաժեշտ է համարում երկրի տնտեսության կառուցվածքի հետագա կատարելագործումը և պետական մարմինների թիմային աշխատանքը:
ԵՐԵՎԱՆ, 21 հուլիսի - Sputnik. Հայաստանում տնտեսական ակտիվության աճը 10,2 տոկոսով օրինաչափ է և պայմանավորված է մի շարք գործոններով, որոնք առաջացել են նաև Ուկրաինայի իրավիճակի համապատկերում։
Sputnik Արմենիա մուլտիմեդիոն մամուլի կենտրոնում կայացած մամուլի ասուլիսի ժամանակ նման կարծիք հայտնեց «Այլընտրանք» հետազոտական կենտրոնի ղեկավար Թաթուլ Մանասերյանը։
Ավելի վաղ Եվրասիական զարգացման բանկի վերլուծաբանները հաղորդել էին, որ Հայաստանը ԵԱՏՄ-ում տնտեսական աճի առաջատարն է:
«Մենք չենք զարմանում ԵԱՏՄ շրջանակում գրանցված դրական արդյունքներից։ Կոմպակտ տնտեսություն ունեցող երկրներն ավելի արագ են ինտեգրացիոն միավորումներում, օրինակ՝ ԵԱՏՄ-ում, դրական փոփոխություններ գրանցում։ Այդ երկրներում սահմանված արտոնությունների ազդեցությունն ավելի նկատելի է»,- ասաց Մանասերյանը։
Նրա խոսքով՝ Հայաստանը ԵԱՏՄ մյուս երկրների շարքում առանձնացել է մի շարք պատճառներով։ Տնտեսագետը կարծում է, որ տնտեսական ակտիվության աճն ապահովվել է դեպի Հայաստան քաղաքացիների ներհոսքի ավելացման, սպառողների թվի աճի շնորհիվ: Ուկրաինայում տեղի ունեցող իրադարձությունների պատճառով բազմաթիվ ֆիզիկական և իրավաբանական անձինք իրենց բիզնեսի զարգացման համար նախընտրում են Հայաստանը։
Վերջին տվյալներով՝ այլ երկրներից հանրապետություն է ժամանել մոտ 140 հազար քաղաքացի։ Մանասերյանը նշեց, որ փոքր Հայաստանի համար դա բավական տպավորիչ թիվ է։
Մեկ այլ գործոն է ամերիկյան արժույթի արժեզրկումը Հայաստանում։ Արդյունքում ներկրողները շահավետ իրավիճակում են հայտնվել, իսկ տեղական սպառողների համար ներկրված ապրանքներն ավելի էժան են դարձել։
Դրա հետ մեկտեղ, Մանասարյանի կարծիքով, պետական վերահսկողության մասով խնդիրներ կան. դրամի ամրապնդման դեպքում մի շարք ապրանքների գները պետք է նվազեին, սակայն դա մինչ օրս տեղի չի ունեցել:
Նրա խոսքով՝ տնտեսական աճի վրա ազդում է նաև զբոսաշրջության և հանքարդյունաբերության ոլորտներում առկա ակտիվությունը։
Մանասերյանի կարծիքով՝ իշխանությունը պետք է աշխատի ազգային տնտեսության կառուցվածքի կատարելագործման ուղղությամբ։ Աճի նշված գործոնները իրավիճակային բնույթ են կրում. դրանք սկզբում դրականորեն են ազդում տնտեսության վրա, սակայն հետագայում կարող են ավելի լուրջ խնդիրների հանգեցնել։
Փորձագետը անխուսափելի է համարում հարվածը, որը Հայաստանի տնտեսությունը կզգա այն բանից հետո, երբ Հայաստան ժամանած վճարունակ քաղաքացիների մի մասը հայրենիք կվերադառնա:
Հնարավոր ռիսկերի վերացման առումով տնտեսագետը կարևորում է մի շարք կառույցների՝ ֆինանսների նախարարության, էկոնոմիկայի նախարարության, Պետեկամուտների կոմիտեի, Կենտրոնական բանկի թիմային աշխատանքը։
