Իսպանիան օրենսդրորեն չի պարտավորեցնի բնակիչներին նվազեցնել գազի սպառումը

Բիլբաո - Sputnik Արմենիա, 1920, 21.07.2022
Բաժանորդագրվեք
Yandex newsTelegram
Իսպանիայի իշխանությունը կփնտրի, թե գազի սպառման հարցում մեղմացման ինչ միջոցներ կարելի է կիրառել։
ԵՐԵՎԱՆ, 21 հուլիսի – Sputnik. Իսպանիայի իշխանությունը չի պատրաստվում օրենսդրական մակարդակով սպառողներին պարտադրել սահմանափակել գազի օգտագործումը, չնայած գազի պահանջարկը 15 տոկոսով նվազեցնելու մասին Եվրահանձնաժողովի նախաձեռնություններին։ ՌԻԱ Նովոստիի փոխանցմամբ՝ Cadena SER ռադիոկայանին հայտնել է Իսպանիայի փոխվարչապետ ու բնապահպանական անցման նախարար Թերեսա Ռիբերան:
Եվրահանձնաժողովն այսօր նոր համակարգված միջոցներ է առաջարկել գազի պահանջարկի կրճատման ուղղությամբ։ Դրանք ենթադրում են սկզբում կամավոր ԵՄ բոլոր անդամ պետությունների համար 2022 թվականի օգոստոսի 1-ից մինչև 2023 թվականի մարտի 31-ն ընկած ժամանակահատվածում 15 տոկոսով նվազեցնել գազի պահանջարկը: Սա համապատասխանում է 45 միլիարդ խորանարդ մետր գազին։

«Մենք պատրաստվում ենք խնդրել պատասխանատու վարքագիծ դրսևորել, խնայողություն, արդյունավետություն պահպանել... Մենք չենք պատրաստվում օրենսդրության մեջ ներառել այնպիսի պարտավորություն, որով տնային թերմոստատը պետք է կարգավորվի որոշակի ջերմաստիճանի համար։ Մենք պատրաստվում ենք առաջարկություններ ներկայացնել այդ կապակցությամբ»,- Cadena SER ռադիոկայանին ասել է Ռիբերան։

Արդյունաբերության ոլորտի վերաբերյալ Ռիբերան հայտնել է, որ այստեղ Իսպանիայի իշխանությունը կփնտրի՝ «գազի սպառման հարցում մեղմացման ինչ միջոցներ կարելի է կիրառել»:
Նախօրեին Ռիբերան հայտարարել է, որ Իսպանիան դեմ է Եվրահանձնաժողովի նախաձեռնությանը, որն առաջարկել է ԵՄ երկրներին 15 տոկոսով նվազեցնել գազի պահանջարկը: Նա խորը ափսոսանք է հայտնել անդամ երկրների հետ Եվրահանձնաժողովի «երկխոսության բացակայության» կապակցությամբ ու դիմել էներգետիկայի նախարարներին՝ մեկ շաբաթից Բրյուսելում լուծել տարաձայնությունները։ Ռիբերան նշել է, որ կառավարությունը կպաշտպանի երկրի գործարար շրջանակների շահերը, քանի որ գազի օգտագործման կրճատումը կարող է հանգեցնել իսպանական արդյունաբերության «մրցունակության լուրջ կորստի»:
Եվրահանձնաժողովի առաջարկները, նախքան ուժի մեջ մտնելը, պետք է համաձայնեցվեն ԵՄ խորհրդում։
Լրահոս
0