Մենք զգոն ենք. Ավանեսյանը` Covid-19-ի տարածումը կանխարգելելու մասին

© Photo : official site of the Prime Minister of RAԱռողջապահության նախարար Անահիտ Ավանեսյանը ՀՀ կառավարության հերթական նիստում
Առողջապահության նախարար Անահիտ Ավանեսյանը ՀՀ կառավարության հերթական նիստում - Sputnik Արմենիա, 1920, 21.07.2022
Առողջապահության նախարար Անահիտ Ավանեսյանը ՀՀ կառավարության հերթական նիստում. Արխիվային լուսանկար
Բաժանորդագրվեք
Yandex newsTelegram
ՀՀ-ում կորոնավիրուսով պայմանավորված, ներկա պահին սահմանափակումներ չեն գործում, սակայն իրավիճակի սրման դեպքում, հնարավոր է՝ գնան այդ ճանապարհով։
ԵՐԵՎԱՆ, 21 հուլիսի – Sputnik. ՀՀ առողջապահության նախարարությունը վստահեցնում է` Covid-19-ով հիվանդացության աճի առումով իրենք զգոն են, իսկ առողջապահական համակարգը պատրաստ է ցանկացած զարգացման։
Կառավարության նիստից հետո այս մասին ճեպազրույցում ասաց ՀՀ առողջապահության նախարար Անահիտ Ավանեսյանը։

«Վերջին մեկ ամսում հիվանդացության աճ ունենք, ինչը պայմանավորված է ճամփորդությունների ակտիվացման հետ։ Եվրոպական երկրներում ալիքը բավականին ակտիվ կերպով զարգանում է, ու մենք կանխատեսում էինք նման իրավիճակ։ Երկու շաբաթվա ընթացքում կհասկանանք, արդյոք այս ալիքը տարածվելու միտում ունի՞, թե՞ գնում ենք կայունացման»,- նշեց Ավանեսյանը։

Նախարարը նաև շեշտեց, որ դեռևս համաճարակային իրավիճակն այնպիսին չէ, որ սահմանափակումների կարիք լինի, բայց հարկ եղած դեպքում անպայման կդիմեն այդ քայլին։
Նա հորդորեց քաղաքացիներին բուժհաստատություններ գնալիս դիմակ դնել, քանի որ ռիսկային միջավայրում են։ Խորհուրդ տվեց նաև 2 դեղաչափով պատվաստված անձանց մինչև սեպտեմբեր ամիսը բուստեր ստանալ, որպեսզի օրգանիզմն աշնան ալիքներին ևս պաշտպանված լինի։
Կրկին պետք է սկսել պահպանել հակահամաճարակային կանոնները. մասնագետները` Covid-ի աճի մասին
Լրահոս
0