Փաշինյանը Հայաստանի առջև ծառացած խնդիրները մանրամասն ներկայացրել է ԵԽ ներկայացուցիչներին

© Photo : official site of the Prime Minister of RAՆիկոլ Փաշինյանն ընդունել է Եվրոպական խորհրդարանի արտաքին հարցերով կոմիտեի (AFET) նախագահ Դեյվիդ Մքալիսթերի գլխավորած պատվիրակությանը։
Նիկոլ Փաշինյանն ընդունել է Եվրոպական խորհրդարանի արտաքին հարցերով կոմիտեի (AFET) նախագահ Դեյվիդ Մքալիսթերի գլխավորած պատվիրակությանը։ - Sputnik Արմենիա, 1920, 22.07.2022
Բաժանորդագրվեք
Yandex newsTelegram
Մքալիսթերը հավաստիացրել է, որ Եվրոպական միությունը շարունակելու է օժանդակությունը ՀՀ կառավարությանը:
ԵՐԵՎԱՆ, 22 հուլիսի – Sputnik. Հարավային Կովկասի տարածաշրջանում տեղի ունեցող գործընթացների, Արցախի հետ կապված իրավիճակի, տարածաշրջանային ենթակառուցվածքների ապաշրջափակման, ինչպես նաև Հայաստանի և Ադրբեջանի միջև սահմանազատման հարցի շուրջ հայկական կողմի դիրքորոշումները ՀՀ վարչապետ Փաշինյանը մանրամասն ներկայացրել է Եվրոպական խորհրդարանի արտաքին հարցերով կոմիտեի (AFET) նախագահ Դեյվիդ Մքալիսթերի գլխավորած պատվիրակությանը: Տեղեկությունը հայտնում է վարչապետի մամուլի ծառայությունը։

«Նիկոլ Փաշինյանն անդրադարձել է մինչ օրս Ադրբեջանում պահվող հայ ռազմագերիների խնդրին, ինչի կապակցությամբ Դեյվիդ Մքալիսթերը նշել է, որ Եվրոպական խորհրդարանը ևս կարևորում է Ադրբեջանի կողմից նրանց վերադարձի ապահովումը և շարունակելու է ջանքերն այդ ուղղությամբ»,- ասվում է հաղորդագրության մեջ:

Քննարկվել են նաև ադրբեջանական վերահսկողության տակ անցած տարածքներում հայկական մշակութային ժառանգության պահպանության վերաբերող հարցեր:
Նիկոլ Փաշինյանը և Դեյվիդ Մքալիսթերը շեշտել են ԼՂ հակամարտության գոտի ՅՈւՆԵՍԿՕ-ի առաքելության մուտքի ապահովման անհրաժեշտությունն ու այդ նպատակով հետևողական աշխատանքի իրականացումը:
Նշվում է, որ ՀՀ կառավարության ղեկավարն ընդգծել է նաև Արևելյան գործընկերության շրջանակում փոխգործակցությունը և նշել, որ մեր երկիրը կոռուպցիայի դեմ պայքարի, խոսքի ազատության, ընտրական բարեփոխումների և այլ ուղղություներով ԱԼԳ շրջանակում զբաղեցնում է առաջատար դիրքեր:
© Photo : official site of the Prime Minister of RAՆիկոլ Փաշինյանն ընդունել է Եվրոպական խորհրդարանի արտաքին հարցերով կոմիտեի (AFET) նախագահ Դեյվիդ Մքալիսթերի գլխավորած պատվիրակությանը
Премьер-министр Никол Пашинян принял делегацию, возглавляемую председателем комитета Европейского парламента по внешним сношениям Дэвидом Макалистером (22 июля 2022). Еревaн - Sputnik Արմենիա, 1920, 22.07.2022
Նիկոլ Փաշինյանն ընդունել է Եվրոպական խորհրդարանի արտաքին հարցերով կոմիտեի (AFET) նախագահ Դեյվիդ Մքալիսթերի գլխավորած պատվիրակությանը
Մքալիսթերը հավաստիացրել է, որ Եվրոպական միությունը շարունակելու է օժանդակությունը ՀՀ կառավարությանը այդ ոլորտներում:
Լրահոս
0