Ստամբուլում ստորագրվեց հացահատիկի արտահանման համաձայնագիրը

Բաժանորդագրվեք
НовостиTelegram
Միջոցառման ընթացքում երկու փաստաթուղթ ստորագրվեց, մեկը՝ Ուկրաինայի, մյուսը՝ Ռուսաստանի հետ։
ԵՐԵՎԱՆ, 22 հուլիսի – Sputnik. Ստամբուլում Ռուսաստանի, Ուկրաինայի, Թուրքիայի և ՄԱԿ-ի մասնակցությամբ ստորագրվեց Սև ծովի ափերից միջազգային շուկա հացահատիկի արտահանման վերաբերյալ համաձայնագիրը, հայտնում է թուրքական Hürriyet թերթը։ Փաստաթղթերը ստորագրվեցին ՄԱԿ-ի գլխավոր քարտուղար Անտոնիո Գուտերեշի վկայությամբ։

Միջոցառման ընթացքում ստորագրվեց երկու փաստաթուղթ, որոնցից մեկը Ռուսաստանի, մյուսը՝ Ուկրաինայի հետ։ Ռուսաստանից ու Թուրքիայից փաստաթղթերը ստորագրեցին պաշտպանության նախարարներ Սերգեյ Շոյգուն և Հուլուսի Աքարը, իսկ ուկրաինական կողմից փաստաթուղթը ստորագրեց Ուկրաինայի ենթակառուցվածքների նախարար Ալեքսանդր Կուբրյակովը։

Ավելի վաղ հայտնել էինք, որ ՌԴ պաշտպանության նախարար Սերգեյ Շոյգուն մեկնել է Թուրքիա, որտեղ այսօր նախատեսվում է ցորենի հարցի վերաբերյալհամաձայնագրի ստորագրում։
Հիշեցնենք, որ փաստաթղթով նախատեսվում է հացահատիկի արտահանման համար անվտանգության միջանցք ստեղծել։ Այդ է պատճառը, որ փաստաթուղթը ստորագրում են պաշտպանության նախարարները։ Այդ միջանցքով հացահատիկով բեռնված նավերը պետք է դուրս գան նավահանգիստներից և, անցնելով Բոսֆորի ու Դարդանելի նեղուցները, սահմանված ուղով մեկնեն համապատասխան երկրներ։ Նախատեսվում է, որ գործընթացի համակարգման համար Ստամբուլում կստեղծվի համապատասխան կենտրոն։ Նավերը Թուրքիայի կողմից սահմանված կետերում կանգնեցվելու և ստուգվելու են։ Դրանց մասնակցություն է ունենալու նաև ռուսական կողմը։
ՄԱԿ-ում բազմիցս հայտարարել են, որ հացահատիկի պակասի պատճառով պարենային ճգնաժամի սպառնալիք է հասունացել, Արևմուտքը Ռուսաստանին է մեղադրում ուկրաինական հացահատիկի մատակարարումները խոչընդոտելու համար։ Մոսկվան կտրականապես հերքում է մեղադրանքները։
ՌԴ նախագահ Վլադիմիր Պուտինը վստահեցրել է, որ հացահատիկն Ուկրաինայից արտահանելու խնդիրներ չկան, և Ռուսաստանը որևէ կերպ չի խոչընդոտում։ Նրա խոսքով` եթե Ուկրաինան ականազերծի նավահանգիստները, հացահատիկով բեռնված նավերը կկարողանան այնտեղից դուրս գալ առանց որևէ դժվարության։
Լրահոս
0