Երևան-Մեղրի ճանապարհին մեքենաներ են բախվել․ տուժածներից մեկի վիճակը ծայրահեղ ծանր է

© Sputnik / Andranik GhazaryanՇտապօգնության ավտոմեքենա
Շտապօգնության ավտոմեքենա - Sputnik Արմենիա, 1920, 23.07.2022
Շտապօգնության ավտոմեքենա
Բաժանորդագրվեք
Yandex newsTelegram
Ավտովթարի հետևանքով տուժածներից մեկը 12 տարեկան է։
ԵՐԵՎԱՆ, 23 հուլիսի – Sputnik. Երևան-Մեղրի ավտոճանապարհին ավտոմեքենաներ են բախվել, 5 մարդ է տուժել։ Տեղեկությունը հայտնում է ՀՀ արտակարգ իրավիճակների նախարարությունը։
Ըստ հաղորդագրության` Վայոց Ձորի մարզային ճգնաժամային կառավարման կենտրոնն ահազանգը ստացել է հուլիսի 22-ին` ժամը 20:22-ին։
Դեպքի վայր են մեկնել ԱԻՆ ՓԾ մարզային փրկարարական վարչության օպերատիվ խումբը և հրշեջ-փրկարարական ջոկատից մեկ մարտական հաշվարկ։
Պարզվել է, որ Երևան-Մեղրի Մ-2 ավտոճանապարհի 100-րդ կմ-ին բախվել են «Hyundai Accent» (ուղևորներ՝ Տ․ Բ․` ծնված 1963 թ., Գ․ Գ․` ծնված 1958 թ.) և «Lexus GX» (ուղևորներ՝ Լ․ Լ․` ծնված 1958 թ., Հ․ Ք․` ծնված 2010 թ., Յ․ Ա․` ծնված 1982 թ.) մակնիշների ավտոմեքենաները:
Մինչ փրկարարների կանչի վայր հասնելը ավտոմեքենաների ուղևորները հոսպիտալացվել են Եղեգնաձոր քաղաքի ԲԿ, որտեղ «Lexus GX» մակնիշի ավտոմեքենայի ուղևորների առողջական վիճակը գնահատվել է միջին ծանրության, «Hyundai Accent» մակնիշի ավտոմեքենայի ուղևոր Տ. Բ․-ինը՝ կայուն ծանր, իսկ Գ. Գ․-ինը՝ ծայրահեղ ծանր։
Տ. Բ․-ն տեղափոխվել է Երևան, իսկ Գ. Գ․-ն՝ Վայք քաղաքի ԲՄ:
Փրկարարները հոսանքազրկել են «Lexus GX» մակնիշի ավտոմեքենան, փակել «Hyundai Accent» մակնիշի ավտոմեքենայի գազաբալոնի փականը և սահմանազատել տարածքը:
Գեղարքունիքի մարզում «Opel»–ը մխրճվել է ծառի մեջ. 8 տուժածից 5-ը մանկահասակ երեխաներ են
Լրահոս
0