Պղնձի գները տևական անկումից հետո աճի նշաններ են ցույց տալիս

© Sputnik / Павел Лисицын / Անցնել ֆոտոբանկՊղնձի հանքավայրում
Պղնձի հանքավայրում - Sputnik Արմենիա, 1920, 24.07.2022
Պղնձի հանքավայրում. Արխիվային լուսանկար
Բաժանորդագրվեք
Yandex newsTelegram
Աննշան գնաճին նպաստում են ամերիկյան ընկերությունների հաշվետվողականության բարձր մակարդակը, ինչպես նաև այն, որ Եվրոպայում գազի դեֆիցիտի հետ կապված մտավախությունները մի փոքր թուլացել են։
ԵՐԵՎԱՆ, 24 հուլիսի – Sputnik. Պղնձի և այլ արժեքավոր մետաղների գները վերջին շաբաթների անկումից հետ աճի նշաններ են ցույց տալիս։ Ինչպես նշում է Financial Post-ը` հղում անելով Reuters-ին, գները մի փոքր աճել են այն բանից հետո, երբ ամերիկյան մի շարք ընկերություններ (այդ թվում՝ Netflix-ը և Tesla-ն) իրենց տարեկան հաշվետվություններում աճ են ցուցադրել, ինչպես նաև այն բանից հետո, երբ Եվրոպայում գազի դեֆիցիտի հետ կապված մտավախությունները մի փոքր թուլացել են։
2023 թվականից հանքերը շա՞տ հարկ կտան, թե՞ քիչ. ֆիննախի ու բիզնեսի կարծիքները
Բացի այդ, վերջին օրերին մետաղների պահանջարկն աճել է դոլարի փոխարժեքի չնչին նվազման շնորհիվ։ Այս դեպքում դոլարով գնանշվող մետաղները այլ արժույթներ ունեցողների համար ավելի մատչելի են դառնում։
Հուլիսի 15-ին Լոնդոնյան բորսայում պղինձը վաճառվում էր մեկ տոննայի դիմաց 7 հազար դոլարի մակարդակում, այժմ՝ 7400 դոլարից մի փոքր պակաս։ Ապրիլի սկզբին այն կազմել է շուրջ 10500 դոլար։
Հիշեցնենք, որ պղնձի խտանյութը Հայաստանի արտահանման ծավալներում մեծ մաս է կազմում։
Լրահոս
0