Կիևը պատրաստվում է Սլավյանսկում ավելի քան հարյուր տոննա թունավոր հեքսան պայթեցնել. ՌԴ ՊՆ

© Sputnik / Рамиль СитдиковՌուսաստանի Դաշնության պաշտպանության նախարարության շենքը Մոսկվայում
Ռուսաստանի Դաշնության պաշտպանության նախարարության շենքը Մոսկվայում - Sputnik Արմենիա, 1920, 25.07.2022
Բաժանորդագրվեք
НовостиTelegram
Հեքսանը հզոր նեյրոտոքսին ու կանցեռոգեն է, այն գրգռում է մաշկը, շնչելու դեպքում խոցում է թոքերը։
ԵՐԵՎԱՆ, 25 հուլիսի – Sputnik. Կիևը Սլավյանսկում՝ ձեթայուղի կոմբինատում, սադրանք է ծրագրել՝ նախատեսելով պայթեցնել թունավոր հեքսանով լի տարաները: Տեղեկությունը հայտնել է Ռուսաստանի Դաշնության հումանիտար արձագանքման միջգերատեսչական համակարգող շտաբի ղեկավար, Ռուսաստանի Դաշնության պաշտպանության կառավարման ազգային կենտրոնի պետ, գեներալ-գնդապետ Միխայիլ Միզինցևը:
«Ռուսաստանի պաշտպանության նախարարությունը նախազգուշացնում է Սլավյանսկի բնակիչներին, որ Կիևի ռեժիմն ավարտել է ուժեղ ներգործող թունավոր նյութերի օգտագործմամբ հերթական հրեշավոր սադրանքի նախապատրաստումը։ Ձեթայուղի կոմբինատում Ուկրաինայի ԶՈւ ներկայացուցիչներն առաջիկա օրերին պատրաստվում են պայթեցնել քիմիապես վտանգավոր նյութով՝ հեքսանով տարաներ, ավելի քան 120 տոննա ընդհանուր ծավալով»,- հայտնել է Միզինցևը:
Նրա խոսքով՝ Կիևի ծրագրած սադրանքի նպատակն է մեղադրել ռուս զինվորականներին ու ԴԺՀ-ի կազմավորումներին պոտենցիալ վտանգավոր օբյեկտների վրա իբր առանց տարբերակելու հարվածներ հասցնելու մեջ՝ հետագայում ԶԼՄ-ներում լայն լուսաբանմամբ:

«Մեկ անգամ ևս շեշտում ենք, որ հատուկ ռազմական գործողության խնդիրների կատարման ընթացքում Ռուսաստանի զինված ուժերը և Դոնեցկի ու Լուգանսկի Ժողովրդական Հանրապետությունների զինվորական կազմավորումները հարվածներ չեն հասցնում քաղաքացիական ենթակառուցվածքի օբյեկտներին»,- ընդգծել է գեներալը:

Նա նշել է, որ հեքսանի պայթեցումից հետո թունավոր ամպ է գոյանում, որը կտարածվի ավելի քան 10 կիլոմետրի վրա: Ուկրաինական սադրանքի ընթացքում քիմիական հարվածի գոտում կհայտնվեն քաղաքի և մոտակա գյուղերի բոլոր բնակելի շրջանները։
Հեքսանը հզոր նեյրոտոքսին ու կանցեռոգեն է։ Այն գրգռիչ ազդեցություն է ունենում մաշկի վրա, շնչելու դեպքում խոցում է թոքերը, ներգործում է որպես ուժեղ թմրանյութ, առաջացնում է քնկոտություն, գլխապտույտ, խոցում է ծայրամասային նյարդային համակարգը, թմրեցնում է ոտքերը, ճնշում է կենտրոնական նյարդային համակարգն ու գրգռում աչքերը։
Հիշեցնենք` փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։ Ռուսաստանցիներին ուղղված հեռուստաուղերձում նա ասաց, որ հանգամանքները վճռական և անհապաղ գործողություններ են պահանջում։
Ուկրաինայում մարտական գործողություններն ընթանում են արդեն 152-րդ օրը։
Ուկրաինական հետախուզությունը ծրագրել էր ռուսական ինքնաթիռ առևանգել. ՌԴ ԱԴԾ
Լրահոս
0