Թուրքիայի հատուկ ներկայացուցիչը հայ-թուրքական սահման է այցելել

© AP Photo / Patrick SemanskyՍերդար Քըլըչ
Սերդար Քըլըչ - Sputnik Արմենիա, 1920, 25.07.2022
Սերդար Քըլըչ
Բաժանորդագրվեք
Yandex newsTelegram
Նա Կարսում մի շարք հանդիպումներ է անցկացրել մամուլի համար փակ ռեժիմով:
ԵՐԵՎԱՆ, 25 հուլիսի – Sputnik. Հայաստան-Թուրքիա հարաբերությունների կարգավորման գործընթացում Թուրքիայի հատուկ ներկայացուցիչ Սերդար Քըլըչն իր աշխատանքային թիմով հուլիսի 24-ին այցելել է Կարս: Տեղեկությունը հայտնում է «GazeteKars»–ը։
Ըստ հաղորդագրության` նա Աքյաքա շրջանում այցելել է հայ-թուրքական սահմանի «Դողուքափը» կոչվող անցակետ, ապա շրջել Անիի ավերակներում:
Նա Կարսում մի շարք հանդիպումներ է անցկացրել մամուլի համար փակ ռեժիմով:
Հուլիսի 12-ին նույն լրատվամիջոցը գրել էր, որ Կարսի նահանգի Աքյաքա շրջանի Իբիշքյոյ գյուղի մոտակայքում ականազերծման աշխատանքներ են տարվում, դրանցով զբաղվում է իսրայելական ծագում ունեցող մի ընկերություն։ Ըստ տեղեկությունների` Հայաստանի և Թուրքիայի ներկայացուցիչների բանակցություններում քննարկվում է Աքյաքա շրջանում «Դողուքափը» հսկիչ անցակետի բացման նախապատրաստումը:
Հիշեցնենք` Երևանն ու Անկարան 2021 թվականի դեկտեմբերին հայտարարեցին, որ պատրաստ են հարաբերությունների կարգավորման հստակ քայլեր ձեռնարկել, և երկուստեք հատուկ ներկայացուցիչներ նշանակեցին. Անկարան՝ Վաշինգտոնում Թուրքիայի նախկին դեսպան Սերդար Քըլըչին, իսկ Հայաստանը՝ Ազգային ժողովի նախագահի տեղակալ Ռուբեն Ռուբինյանին։
Ավելի ուշ ԱԳՆ-ն հայտարարեց, որ կողմերը համաձայնել են շարունակել լիարժեք կարգավորման բանակցությունները՝ առանց նախապայմանների։
Հայաստան-Թուրքիա կարգավորման գործընթացի շրջանակում երկու երկրների հատուկ ներկայացուցիչների առաջին հանդիպումը կայացավ հունվարի 14-ին Մոսկվայում, մյուս երեքը` փետրվարի 24-ին, մայիսի 3-ին և հուլիսի 1-ին Վիեննայում։
Լրահոս
0