ՌԴ դեսպանն ասել է` ինչ կարող են քննարկել Պուտինն ու Էրդողանը Սոչիում

© Sputnik / Сергей Гунеев / Անցնել ֆոտոբանկՎլադիմիր Պուտինն ու Ռեջեփ Թայիփ Էրդողանը
Վլադիմիր Պուտինն ու Ռեջեփ Թայիփ Էրդողանը - Sputnik Արմենիա, 1920, 27.07.2022
Բաժանորդագրվեք
Yandex newsTelegram
Ռուսաստանի և Թուրքիայի ղեկավարները հուլիսին երկկողմ բանակցություններ ունեցան Թեհրանում` մի շարք հարցեր քննարկելով։
ԵՐԵՎԱՆ, 27 հուլիսիSputnik. Ռուսաստանի և Թուրքիայի նախագահներ Վլադիմիր Պուտինն ու Ռեջեփ Թայիփ Էրդողանը օգոստոսի 5-ին Սոչիում կայանալիք հանդիպանը կարող են քննարկել հարցերի լայն շրջանակ, այդ թվում Ուկրաինայում, սևծովյան տարածաշրջանում և Սիրիայում տիրող իրավիճակը։ Այս մասին հայտարարել է Անկարայում ՌԴ դեսպան Ալեքսեյ Երխովը։

«Իրենց զրույցի թեմաները նախագահներն անձամբ կորոշեն։ Որպես կանոն` ՌԴ-ի և Թուրքիայի ղեկավարների միջև բարձր մակարդակով հանդիպումներում մեր երկրներին հետաքրքրող թեմաների բավական լայն շրջանակ է քննարկվում։ Դրանք և՛ միջազգային հարցերն են, և՛ տարածաշրջանային խնդիրները։ Որպես կանոն` և՛ Ուկրաինան, և՛ սևծովյան տարածաշրջանում առկա իրավիճակը, և՛ Սիրիան, և՛ երկկողմ հետաքրքրության այլ թեմաներ»,- «Россия 24» հեռուստաալիքի եթերում ասել է Երխովը։

Նախօրեին հայտնի դարձավ, որ օգոստոսի 5-ին Էրդողանը նախատեսում է այցելել Սոչի և հանդիպում ունենալ ՌԴ նախագահ Վլադիմիր Պուտինի հետ։
Հիշեցնենք, որ հուլիսի 19-ին Թեհրանում կայացան Ռուսաստանի և Թուրքիայի առաջնորդների երկկողմ բանակցությունները։
Երկկողմ հարաբերություններից բացի Պուտինը և Էրդողանը քննարկեցին Ուկրաինայում տիրող իրավիճակը, «հացահատիկային խնդիրը», սիրիական կարգավորումն ու արցախյան հարցը։
Լրահոս
0