ՄԱԿ-ը հայտնել է, թե ուր կարող է գնալ ուկրաինական հացահատիկով բեռնված առաջին նավը

© Sputnik / Андрей Шапран / Անցնել ֆոտոբանկԲեռնված նավ
Բեռնված նավ - Sputnik Արմենիա, 1920, 28.07.2022
Բեռնված նավ. Արխիվային լուսանկար
Բաժանորդագրվեք
Yandex newsTelegram
ՄԱԿ-ի ներկայացուցիչները Պարենի համաշխարհային ծրագրի գործընկերների հետ քննարկել են ուկրաինական հացահատիկի արտահանման համար առաջնահերթ երկրների ցանկը:
ԵՐԵՎԱՆ, 28 հուլիսի – Sputnik. Հացահատիկով բեռնված առաջին նավը Ուկրաինայից պարենի գործարքի շրջանակում կարող է մեկնել Սոմալի։ Այս մասին ճեպազրույցում ասել է ՄԱԿ-ի գլխավոր քարտուղարի հումանիտար հարցերով տեղակալ Մարտին Գրիֆիթսը։
Գրիֆիթսը նշել է, որ Պարենի համաշխարհային ծրագրի ներկայացուցիչների հետ նա քննարկել է, թե արդյոք նրանք ունե՞ն ուկրաինական հացահատիկն ուղարկելու առաջնահերթ երկրների ցանկ։

«Ակնհայտ առաջին թեկնածուն Սոմալին է, որտեղ սով է»,- ասաց ՄԱԿ-ի գլխավոր քարտուղարի տեղակալը:

Նա նաև ասել է, որ ՄԱԿ-ն ակնկալում է ուկրաինական պարենի արտահանման ծավալն ուկրաինական նավահանգիստներից պարենային գործարքի շրջանակում հասցնել մինչև ամսական 5 մլն տոննայի։
«Մենք կցանկանայինք, որքան հնարավոր է՝ շուտ շարժվել դեպի այդ նպատակը»,- ասել է Գրիֆիթսը։
Հիշեցնենք, որ Ստամբուլում հուլիսի 22-ին տեղի է ունեցել բազմակողմ համաձայնագրերի ստորագրում ռուսական ապրանքների արտահանման մատակարարման սահմանափակումները վերացնելու և ուկրաինական հացահատիկի արտահանմանն աջակցելու մասին:
Գործարքը, որը ստորագրել են Ռուսաստանի, Թուրքիայի, Ուկրաինայի և ՄԱԿ-ի ներկայացուցիչները, ենթադրում է Սև ծովով ուկրաինական հացահատիկի, պարենամթերքի և պարարտանյութերի դուրսբերում 3 նավահանգստից, ներառյալ Օդեսան:
Ստամբուլում աշխատանքն է սկսել պարենային գործարքի իրականացման համակարգող կենտրոնը
Լրահոս
0