ՀՀ–ում ՀՌՕ ռազմակայանի կինոլոգներն ու կենդանիները ընդհանուր մարզումներ կանցկացնեն

© Sputnik / Valery Melnikov / Անցնել ֆոտոբանկԱրխիվային լուսանկար
Արխիվային լուսանկար - Sputnik Արմենիա, 1920, 29.07.2022
Բաժանորդագրվեք
Yandex newsTelegram
Կինոլոգիական հաշվարկները հատուկ պարապմունքներ կանցկացնեն ականների հայտնաբերման և պահակային ծառայության գծով։
ԵՐԵՎԱՆ, 29 հուլիսի – Sputnik. ՀՀ–ում Հարավային ռազմական օկրուգի ռազմակայանի պահակային և ական որսացող ծառայողական շների ճամփավար զինծառայողները ընդհանուր մարզումների համալիր կանցկացնեն իրենց կենդանիների հետ։ Այս մասին հայտնում է ՀՌՕ մամուլի ծառայությունը։
Շներին վարժեցնելու են կանգնեցնել և ուղեկցել խախտում իրականացնողներին, հրաժարվել օտարների կողմից առաջարկվող կերից, պաշտպանել ռազմական օբյեկտները, ինչպես նաև աշխատել ականապատ դաշտերի հետախուզման, բնակավայրերի և առանձին օբյեկտների ականազերծման ժամանակ։
Ռազմական կինոլոգներն իրենց շներով ծառայողական հրահանգներ կմշակեն, կսովորեն հաղթահարել տարատեսակ խոչընդոտներ, օրինակ` պատնեշներ, աստիճաններ, ինժեներական արգելափակոցների գոտիներ, խրամատներ, ջրափոսեր և փայտե բում, որը նախատեսված է կահավորված հինգ մետրանոց հատվածը խոչընդոտի միջով անցնելու համար, ինչպես նաև տիրոջը պաշտպանելու գործողություններ:
Ընդհանուր պատրաստվածությունից հետո կինոլոգիական հաշվարկները հատուկ պարապմունքներ կանցկացնեն ականների հայտնաբերման և պահակային ծառայության գծով։
Դասընթացի ավարտից հետո ծառայողական շներն օգնելու են ՀՌՕ զինծառայողներին զորամիավորման օբյեկտների պաշտպանության պահակային ծառայություն իրականացնելիս, ինչպես նաև բարձրլեռնային զորավարժարաններում հատուկ վարժանքների անցկացման ժամանակ։
Լրահոս
0