https://arm.sputniknews.ru/20220729/hnaravvor-e-ardjvoq-haeki-ashkhatanqy-erkaradzgel-evs-10-tarvov-parzabanum-e-marcinkevichy-45964016.html
Հնարավո՞ր է արդյոք ՀԱԷԿ–ի աշխատանքը երկարաձգել ևս 10 տարով. պարզաբանում է Մարցինկևիչը
Հնարավո՞ր է արդյոք ՀԱԷԿ–ի աշխատանքը երկարաձգել ևս 10 տարով. պարզաբանում է Մարցինկևիչը
Sputnik Արմենիա
Ռուսաստանցի փորձագետը կարծում է, որ հայկական կողմը պետք է ակտիվորեն աշխատի միջազգային մասնագետների հետ։ 29.07.2022, Sputnik Արմենիա
2022-07-29T16:17+0400
2022-07-29T16:17+0400
2022-07-29T18:11+0400
հայաստանի ատոմային էլեկտրակայան (աէկ)
«ռոսատոմ»
ատոմակայան
ասուլիս
հայաստան
https://cdn.am.sputniknews.ru/img/1589/68/15896888_0:0:1600:901_1920x0_80_0_0_471727b06ba090759c1b082399fb3328.jpg
ԵՐԵՎԱՆ, 29 հուլիսի – Sputnik. Մեծամորի ատոմակայանի շահագործման ժամկետի երկարաձգումը տեխնիկական տեսանկյունից բավական հավանական սցենար է։ Այս մասին Sputnik Արմենիա մամուլի կենտրոնում կազմակերպած Մոսկվա-Երևան-Մինսկ-Թբիլիսի տեսակամրջի ժամանակ հայտարարեց «Գեոէներգետիկա.ինֆո» ամսագրի գլխավոր խմբագիր, էներգետիկայի փորձագետ Բորիս Մարցինկևիչը։Ինչպես հայտնի է, 2015 թվականին Հայաստանն ու Ռուսաստանը համաձայնագիր ստորագրեցին, որի շրջանակում ՌԴ-ն Հայաստանին 270 մլն դոլարի վարկ և 30 մլն դոլարի դրամաշնորհ հատկացրեց մինչև 2026 թվականը հայկական ԱԷԿ-ի շահագործումը երկարաձգելու համար։ Սակայն վերջին շրջանում «Ռոսատոմի» ներկայացուցիչները չեն բացառում, որ այս ժամկետի ավարտին ռեակտորը կրկին կարդիականացնեն մինչև 2036 թվականը գործելու համար։ Այս առիթով Sputnik Արմենիան հետաքրքրվեց Մարցինկևիչից, թե որքանո՞վ է իրատեսական նման սցենարը` հաշվի առնելով աշխարհում տեղի ունեցող քաղաքական իրադարձությունները, ՌԴ-ի դեմ պատժամիջոցները և այլն։Փորձագետը նկատեց, որ ատոմային ոլորտը փորձում է զերծ մնալ քաղաքական բուռն իրադարձություններից, հատկապես ՄԱԳԱՏԷ-ն, որն ատոմային էներգետիկան զարգացնելու ցանկություն ունեցող երկրներին ընդամենը երկու հարց ունի` արդյոք հաստատե՞լ են միջուկային զենքը չտարածելու մասին պայմանագրին միանալու գործընթացը, և արդյոք կա՞ն տեխնոլոգիաներ, որոնք համապատասխանում են «հետֆուկուսիմյան պահանջներին»։Պետք է նշել, որ ԱԷԿ-ի աշխատանքի ժամկետը երկարաձգելուն զուգահեռ քննարկվում է նաև նոր կայանի կառուցման հարցը։ Խնդիրը միայն ռեակտորի հզորությունն ընտրելու մեջ է։ Այսպես, եթե գործող էներգաբլոկը հիմնանորոգումից հետո դուրս է գալու 430-440 ՄՎտ հզորության վրա, ապա նորի համար դիտարկվում է 1000-1300 ՄՎտ-ն։ Մասնագետներից շատերը Հայաստանի համար նման հզորությունն ավելցուկային են համարում։ Հայկական ԱԷԿ–ը նոր պահեստարաններ կկառուցի. կայանի տնօրեն«Գեոէներգետիկա.ինֆո»-ի գլխավոր խմբագրի կարծիքով, սակայն, տեսականորեն կարելի է դիտարկել ВВЭР-600 էներգաբլոկի տարբերակը, այսինքն` միջին հզորության։Մարցինկևիչը նշեց, որ այդպիսի ռեակտոր այսօր կառուցվում է Կոլսկայա ԱԷԿ-ի համար։ Սակայն նման ագրեգատ կարելի է հարմարեցնել նաև Հայաստանի համար, որտեղ, բնականաբար, այլ կլիմայական պայմաններ են և սեյսմիկ այլ գոտի։ Նա համոզված է, որ ցանկության դեպքում բոլոր այդ տեխնիկական հարցերը լուծելի են։
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հայաստանի ատոմային էլեկտրակայան (աէկ), «ռոսատոմ», ատոմակայան, ասուլիս, հայաստան
հայաստանի ատոմային էլեկտրակայան (աէկ), «ռոսատոմ», ատոմակայան, ասուլիս, հայաստան
Հնարավո՞ր է արդյոք ՀԱԷԿ–ի աշխատանքը երկարաձգել ևս 10 տարով. պարզաբանում է Մարցինկևիչը
16:17 29.07.2022 (Թարմացված է: 18:11 29.07.2022) Ռուսաստանցի փորձագետը կարծում է, որ հայկական կողմը պետք է ակտիվորեն աշխատի միջազգային մասնագետների հետ։
ԵՐԵՎԱՆ, 29 հուլիսի – Sputnik. Մեծամորի ատոմակայանի շահագործման ժամկետի երկարաձգումը տեխնիկական տեսանկյունից բավական հավանական սցենար է։ Այս մասին
Sputnik Արմենիա մամուլի կենտրոնում կազմակերպած Մոսկվա-Երևան-Մինսկ-Թբիլիսի տեսակամրջի ժամանակ հայտարարեց «Գեոէներգետիկա.ինֆո» ամսագրի գլխավոր խմբագիր, էներգետիկայի փորձագետ Բորիս Մարցինկևիչը։
Ինչպես հայտնի է, 2015 թվականին
Հայաստանն ու Ռուսաստանը համաձայնագիր ստորագրեցին, որի շրջանակում ՌԴ-ն Հայաստանին 270 մլն դոլարի վարկ և 30 մլն դոլարի դրամաշնորհ հատկացրեց մինչև 2026 թվականը հայկական ԱԷԿ-ի շահագործումը երկարաձգելու համար։ Սակայն վերջին շրջանում «Ռոսատոմի» ներկայացուցիչները չեն բացառում, որ այս ժամկետի ավարտին ռեակտորը կրկին կարդիականացնեն մինչև 2036 թվականը գործելու համար։ Այս առիթով
Sputnik Արմենիան հետաքրքրվեց Մարցինկևիչից, թե որքանո՞վ է իրատեսական նման սցենարը` հաշվի առնելով աշխարհում տեղի ունեցող քաղաքական իրադարձությունները, ՌԴ-ի դեմ պատժամիջոցները և այլն։
Փորձագետը նկատեց, որ ատոմային ոլորտը փորձում է զերծ մնալ քաղաքական բուռն իրադարձություններից, հատկապես ՄԱԳԱՏԷ-ն, որն ատոմային էներգետիկան զարգացնելու ցանկություն ունեցող երկրներին ընդամենը երկու հարց ունի` արդյոք հաստատե՞լ են միջուկային զենքը չտարածելու մասին պայմանագրին միանալու գործընթացը, և արդյոք կա՞ն տեխնոլոգիաներ, որոնք համապատասխանում են «հետֆուկուսիմյան պահանջներին»։
«Բնականաբար, Հայկական ԱԷԿ-ի սկզբնական վերագործարկումը (մինչև 2026թ.- խմբ.) առանց ՄԱԳԱՏԷ-ի հետ համաձայնեցնելու տեղի չէր ունենա։ Եթե դա տեղի է ունեցել, նշանակում է` մինչև 2026 թվականը այն հստակ կաշխատի։ Եվս 10 տարով շահագործման ժամկետի երկարաձգման անվտանգությունն ապացուցելու համար որևէ քաղաքականություն անհրաժեշտ չէ։ Անհրաժեշտ է ընդամենը սերտ համագործակցել բոլոր միջազգային կազմակերպությունների հետ, հավանաբար նաև «Եվրոատոմից» մարդկանց հետ։ Դրա համար ժամանակ կա։ Եթե հայկական կողմն ու «Ռոսատոմը» ասում են, որ դա հնարավոր է, ապա նրանք պատրաստ են այն բանին, որ բոլոր այդ փորձագետները տեղում ստուգումներ են իրականացնելու։ Ամեն ինչ կախված է տեխնիկական մասնագետներից»,- հավելեց Մարցինկևիչը։
Պետք է նշել, որ ԱԷԿ-ի աշխատանքի ժամկետը երկարաձգելուն զուգահեռ քննարկվում է նաև նոր կայանի կառուցման հարցը։ Խնդիրը միայն ռեակտորի հզորությունն ընտրելու մեջ է։ Այսպես, եթե գործող էներգաբլոկը հիմնանորոգումից հետո դուրս է գալու 430-440 ՄՎտ հզորության վրա, ապա նորի համար դիտարկվում է 1000-1300 ՄՎտ-ն։ Մասնագետներից շատերը Հայաստանի համար նման հզորությունն ավելցուկային են համարում։
«Գեոէներգետիկա.ինֆո»-ի գլխավոր խմբագրի կարծիքով, սակայն, տեսականորեն կարելի է դիտարկել ВВЭР-600 էներգաբլոկի տարբերակը, այսինքն` միջին հզորության։
Մարցինկևիչը նշեց, որ այդպիսի ռեակտոր այսօր կառուցվում է Կոլսկայա ԱԷԿ-ի համար։ Սակայն նման ագրեգատ կարելի է հարմարեցնել նաև Հայաստանի համար, որտեղ, բնականաբար, այլ կլիմայական պայմաններ են և սեյսմիկ այլ գոտի։ Նա համոզված է, որ ցանկության դեպքում բոլոր այդ տեխնիկական հարցերը լուծելի են։
