Խմելու ջուրը ոռոգման համար են օգտագործում. հանդիպում Սյունիքում

© Sputnik / Arpi Beglaryan«Վեոլիա Ջուր»
«Վեոլիա Ջուր» - Sputnik Արմենիա, 1920, 29.07.2022
Բաժանորդագրվեք
Yandex newsTelegram
Հանդիպման ընթացքում խոսել են Սյունիքի մարզում խմելու ջրի մատակարարման, սպասարկման որակի, մաքրման կայանների ու ջրագծերի վիճակի մասին։
ԵՐԵՎԱՆ, 29 հուլիսի – Sputnik. Սյունիքի մարզպետ Ռոբերտ Ղուկասյանն ընդունել է «Վեոլիա Ջուր» ընկերության գլխավոր տնօրեն Մարիաննա Շահինյանին և քննարկել մարզում առկա խնդիրները։
Մարզպետը կարևորել է հանդիպումն այն համատեքստում, որ կուտակվել էին հարցեր, որոնք մարզային իշխանությունը ցանկանում էր քննարկել ընկերության ղեկավար կազմի հետ։
«Արծարծվեցին Սյունիքի մարզում՝ «Վեոլիա»-ի սպասարկման տարածքում, խմելու ջրի մատակարարման, սպասարկման որակի, մաքրման կայանների ու ջրագծերի վիճակի, տեխնիկական վերազինման, առաջիկա ծրագրերի հետ կապված ու մի շարք այլ հարցեր»,–նշված է հաղորդագրության մեջ։
«Վեոլիա Ջուր» ընկերության գլխավոր տնօրենը շրջայց է կատարել մարզում և նշել, որ Սյունիքում սպառվող ջրի քանակի անբավարար լինելու, առաջացող խնդիրների հիմնական պատճառներից են խմելու ջուրը որպես ոռոգման ջուր օգտագործելն ու ապօրինի միացումները, որոնց բազում օրինակներ են հայտնաբերել։
Որոշել էինք բերքը ծախել, ոչ թե չորացնել. Ակնալճում ոռոգման ջրի լուրջ խնդիր կա
Ռոբերտ Ղուկասյանն իր հերթին բարձրաձայնել է ոլորտում առկա մի շարք խնդիրների մասին և պատասխանատուներից հետաքրքրվել դրանց լուծմանն առնչվող ծրագրերի մասին։
Կողմերը պայմանավորվել են առավել արդյունավետ համագործակցել, խնդիրների լուծման ճանապարհին համատեղ ու համակարգված աշխատանք իրականացնել։
Լրահոս
0