Պուտինը հայտարարել է, որ շուտով «Ցիրկոն» գերձայնային հրթիռներ կմատակարարվեն ՌԴ ԶՈւ-ին

© Photo : Пресс-служба Минобороны РФՑիրկոն» գերձայնային հրթիռային համալիրներ
Ցիրկոն» գերձայնային հրթիռային համալիրներ - Sputnik Արմենիա, 1920, 31.07.2022
Ցիրկոն» գերձայնային հրթիռային համալիրներ. Արխիվային լուսանկար
Բաժանորդագրվեք
Yandex newsTelegram
Առաջին նավը, որը կօգտագործի «Ցիրկոնը», կլինի «Ծովակալ Գորշկով» ֆրեգատը։
ԵՐԵՎԱՆ, 31 հուլիսի – Sputnik. Ռուսաստանի Զինված ուժեր «Ցիրկոն» գերձայնային հրթիռային համալիրների մատակարարումը կսկսվի առաջիկա ամիսներին: ՌԻԱ Նովոստիի փոխանցմամբ՝ հայտարարել է ՌԴ նախագահ Վլադիմիր Պուտինը Սանկտ Պետերբուրգում կայացած ռազմածովային շքերթի ընթացքում:

«Բավական է հիշատակել աշխարհում նմանը չունեցող նորագույն «Ցիրկոն» գերձայնային հրթիռային համալիրների մասին, որոնք իրենց ճանապարհին ոչ մի խոչընդոտ չեն ճանաչում։ Ռուսաստանի Զինված ուժեր դրանց մատակարարումը կսկսվի առաջիկա ամիսներին»,- ասել է Պուտինը։

Նա նշել է, որ առաջին նավը, որը կօգտագործի «Ցիրկոնը», կլինի «Ծովակալ Գորշկով» ֆրեգատը:
«Այդ ահեղ զենքով առաջինը մարտական հերթապահության է անցնելու «Ծովակալ Գորշկով» ֆրեգատը»,- հայտարարել է ՌԴ նախագահը։
Նրա խոսքով՝ նավի ծառայության իրականացման շրջանը կընտրվի՝ ելնելով Ռուսաստանի անվտանգության ապահովման շահերից։
Ռուսաստանում Ռազմածովային նավատորմի օրը նշվում է ամեն տարի հուլիսի վերջին կիրակի օրը։ Այս տարի Ռուսաստանի Ռազմածովային նավատորմը նշում է իր 326-ամյակը։ Բացի այդ, այս տարի նավատորմի կազմում ներառվել է «Բելգորոդ» ատոմային սուզանավը, որը «Պոսեյդոն» ստորջրյա միջուկային անօդաչուների առաջին փորձնական կրողը կդառնա։
Ինչպես հայտնում է Կրեմլի կայքը, Պուտինը «Ռապտոր» մոտորանավով, ՌԴ պաշտպանության նախարար Սերգեյ Շոյգուի, ՌԾՆ գլխավոր հրամանատար Նիկոլայ Եվմենովի և Արևմտյան ռազմական շրջանի զորքերի հրամանատարի ժամանակավոր պաշտոնակատար Վլադիմիր Կոչետկովի ուղեկցությամբ անցել է մարտական նավերի շարքի առջևով` Ֆիննական ծոցի ավազանում և Կրոնշտադտի ռեյդի ընթացքում։
ՌԾՈւ-ն կայծակնային պատասխան կտա նրանց, ովքեր ոտնձգություն կկատարեն Ռուսաստանի դեմ. Պուտին
Ավելի վաղ ՌԴ ՌԾՆ գլխավոր հրամանատարի տեղակալ Վլադիմիր Կասատոնովը լրագրողներին հայտնել էր, որ այս անգամ շքերթին կմասնակցի 47 նավ և 42 օդանավ: Իսկ Կրոնշտադտի շքերթի ժամանակ զորահանդեսին կմասնակցեն «Սեվերոդվինսկ», «Մագադան» և «Վեպր» սուզանավերը: Նորամուծությունների թվում են կանանց անձնակազմն ու մեծ թվով առագաստանավերը։
Իսկ շքերթը կավարտվի Սենատի հրապարակի առափնյա հատվածով զորահանդեսային հաշվարկների հանդիսավոր անցումով:
Լրահոս
0