Կիևում հայտարարել են, որ «HIMARS»-ով հարվածելուց առաջ խորհրդակցում են ԱՄՆ-ի հետ

© Photo : U.S. Marine Corps / Lance Cpl. Quince Bisard«HIMARS» հրթիռ
«HIMARS» հրթիռ - Sputnik Արմենիա, 1920, 02.08.2022
«HIMARS» հրթիռ
Բաժանորդագրվեք
Yandex newsTelegram
Ուկրաինայի ՊՆ հետախուզության գլխավոր վարչության ներկայացուցչի խոսքով՝ ուկրաինացիներն առաջնորդվում են իրական ժամանակի ռեժիմով ստացվող տեղեկություններով։
ԵՐԵՎԱՆ, 2 օգոստոսի – Sputnik. Ամերիկյան «HIMARS» հրթիռի օգտագործմամբ հարվածներ հասցնելուց առաջ Կիևը հնարավոր թիրախները համաձայնեցնում է Վաշինգտոնի հետ: «Telegraph»-ին տված հարցազրույցում տեղեկությունը հայտնել է Ուկրաինայի պաշտպանության նախարարության հետախուզության գլխավոր վարչության ներկայացուցիչ Վադիմ Սկիբիցկին։
Նրա խոսքով՝ այդ համակարգերի օգտագործման ժամանակ ուկրաինացիներն առաջնորդվում են իրական ժամանակի ռեժիմով ստացվող տեղեկություններով։ Սկիբիցկին վստահեցրել է, որ ամերիկացիները նշանառման համար անմիջական տվյալներ չեն տրամադրում։
Նա չի կարողացել պատասխանել հարցին՝ արդյոք Ուկրաինայի ԶՈւ-ն գնդակոծումների ժամանակ օգտագործում է բրիտանական ու ամերիկյան արբանյակները, բայց ասել է, որ նրանք շատ լավ լուսանկարներ ունեն:
ՌԴ ԶՈւ-ն «HIMARS»-ի 6 արձակման կայանք և ավելի քան 200 հրթիռ է ոչնչացրել Ուկրաինայում
«Մենք այս ոլորտում համագործակցում ենք Միացյալ Թագավորության գործընկերների հետ։ Շատ լավ կապեր ունենք բոլոր բարեկամ հետախուզական հաստատությունների հետ», - եզրափակել է ուկրաինական հետախուզության ներկայացուցիչը։
Հիշեցնենք` փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։ Ռուսաստանցիներին ուղղված հեռուստաուղերձում նա ասաց, որ հանգամանքները վճռական և անհապաղ գործողություններ են պահանջում։
Ուկրաինայում մարտական գործողություններն ընթանում են արդեն 160-րդ օրը։
Լրահոս
0