Фон для радио  - Sputnik Արմենիա, 1920
ՌԱԴԻՈ

Մեկ տարում ՀՀ–ում բոլոր գազաբալոնային սարքավորումներով մեքենաները կփորձաքննվեն

Մինչև 2023թ.–ի օգոստոսի 1-ը ՀՀ–ում բոլոր գազաբալոնային սարքավորումներով մեքենաները կհասցնեն փորձաքննվել
Բաժանորդագրվեք
Yandex newsTelegram
«Գազմաստեր» ՍՊԸ տնօրեն Արկադի Սարգսյանը Sputnik Արմենիայի հետ զրույցում անդրադարձել է գազաբալոնների վկայագրման գործընթացին։
Բազմաթիվ մեքենաներ կան, որոնց գազաբալոնները մնացել են չփորձաքննված, ու պետությունը մարդկանց հերթագրվելու հնարավորություն տվեց` ժամանակ տրամադրելով մինչև 2023 թվականի օգոստոսի 1-ը, ինչը բավարար է բոլոր մեքենաները սպասարկելու համար, Sputnik Արմենիայի հետ զրույցում ասաց «Գազմաստեր» ՍՊԸ տնօրեն Արկադի Սարգսյանը։
Նշենք, որ ՀՀ տարածքային կառավարման և ենթակառուցվածքների նախարարության մամուլի ծառայությունը հուլիսի 30-ին հայտարարել էր, որ տրանսպորտային միջոցների գազաբալոնների վկայագրման համար հերթագրված վարորդները մինչև իրենց հերթագրման օրը հնարավորություն կստանան լիցքավորելու իրենց մեքենաները գազալցակայաններում։
Նման որոշում է կայացվել` հաշվի առնելով գազաբալոնների վկայագրման համար առաջացած մեծ հերթերը, ինչպես նաև տրանսպորտի անխափան աշխատանքն ապահովելու կարևորությունը և գազաբալոնների վկայագրման գործընթացի արդյունավետ ու պատշաճ կազմակերպումը։
«Մեկ գազաբալոնի փորձաքննությունն ու համապատասխան վկայագրի տրամադրումը մեզ մոտ տևում է մոտ քսան րոպե, իսկ հերթագրումը տևում է մոտ հինգ րոպե։ Օրական սպասարկում ենք 60-70 մեքենա։ Փորձաքննության ընթացքում 10 գազաբալոններից մեկը խոտանվում է։ Կան մարդիկ, ովքեր ափսոսում են, որ պատրաստ չեն բալոնների փոխարինման գործընթացին, մյուսներն էլ գոհունակություն են հայտնում, որ պետությունն իրենց ստիպեց գնալ նման քայլի և լինել աչալուրջ։ Ով շատ է մտածում իր և ընտանիքի անվտանգության մասին, բնականաբար ավելի շնորհակալ է»,– տեղեկացրեց «Գազմաստեր» ՍՊԸ տնօրենը։
Սարգսյանի դիտարկմամբ` մինչև 2023 թվականի օգոստոսի 1-ը հերթագրման ժամկետ տրամադրելուց հետո Հայաստանում բոլոր գազաբալոնային սարքավորումներով մեքենաները կհասցնեն փորձաքննվել, որովհետև ամեն օր լաբորատորիաներ ունեցող մասնավոր սեկտորն ավելանում է։
«Հեռախոսազանգերով գրանցումները բավականին մեծ թիվ են կազմում, դիմումներն այնքան շատ են, որ մարդկանց կեսին դնում ենք անմիջական հերթի մեջ, մյուս կեսին տեղափոխել ենք առցանց գրանցման հարթակ։ Հարցն այն է, որ առցանց հերթագրման դեպքում մարդն ուղղակի գազալցակայանում պետք է հայտնի, թե որ կազմակերպությունում է հերթագրված, իսկ մեզ մոտ անմիջական հերթ կանգնող անձինք ստանում են համապատասխան կտրոն և մեր կնիքով ու ստորագրությամբ հերթագրման վկայական»,– մանրամասնեց «Գազմաստեր» ՍՊԸ տնօրենը։
Սարսափելի հերթեր. քանի՞ րոպե է պետք գազաբալոնի վկայագրի համար, ի՞նչ են մտածում վարորդները
Սարգսյանի տեղեկացմամբ` իրենք հիմա բախվում են միայն ժամանակի հետ կապված խնդրին։ Ըստ նրա` վարորդները դեռ փետրվարից կարող էին հերթագրվել, այնինչ շատերը չմոտեցան, թերահավատորեն վերաբերվեցին գործընթացին։ Սարգսյանը հայտնեց, որ առկա գազաբալոնների քանակը բավարար է, որպեսզի անպիտանները փոխարինվեն նորով։ Հիմնականում խոտանվում են բեռնատարների գազաբալոնները, որովհետև շատերը սարքավորված են դեռ խորհրդային ժամանակաշրջանի գազաբալոններով, որոնց պիտանելիության ժամկետն արդեն երկու անգամ սպառվել է։
Հիշեցնենք` ավելի վաղ կառավարությունը որոշում էր կայացրել, ըստ որի` օգոստոսի 1-ից նոր գործընթաց պետք է սկսվեր, և գազով շահագործվող բոլոր տրանսպորտային միջոցների գազաբալոնները պետք է վկայագրվեին, այլապես դրանք գազալցակայաններում չէին լիցքավորվի։ Այժմ վերջնաժամկետ է ընտրվել 2023 թվականի օգոստոսի 1-ը։
Լրահոս
0