ՌԴ զինվորականները համալիր վարժանքներ են անցկացնում Հայաստանի զորավարժարաններում

© Photo : press office of the SMD«Ալագյազ» զորավարժարան
«Ալագյազ» զորավարժարան - Sputnik Արմենիա, 1920, 02.08.2022
«Ալագյազ» զորավարժարան
Բաժանորդագրվեք
НовостиTelegram
Ռուսական ռազմակայանի զինծառայողների ուշադրության կենտրոնում է հրդեհաշիջման և հուսալի կապի ապահովման հմտությունների մշակումը:
ԵՐԵՎԱՆ, 2 օգոստոսի – Sputnik. Հայաստանում տեղակայված 102-րդ ռուսական ռազմակայանի զինծառայողները «Ալագյազ» բարձրլեռնային զորավարժարանում կառավարման դաշտային կետեր կտեղակայեն ու ենթակա ստորաբաժանումների հետ կայուն կապ կապահովեն:
Հարավային ռազմական օկրուգի մամուլի ծառայությունը հայտնում է, որ մասնագետները սարքավորումների օգնությամբ տեսակապով կապահովեն կառավարման կետերը, կստուգեն նորագույն սերնդի կապի համակարգերի ու սարքավորումների աշխատանքը:
ՌԴ ԶՈւ հավաքականը Հայաստան է ժամանել «Խաղաղության մարտիկ» մրցույթին պատրաստվելու համար
Մարզումների ծրագրում կներառվի դաշտային կառավարման կետերի պահպանությունն ու պաշտպանությունն ապահովելու խնդիրների մշակումը։
ՀՌՕ-ի մամուլի ծառայությունից հայտնում են նաև, որ ռազմակայանի հրշեջ հաշվարկների հետ հատուկ վարժանք է անցկացվել Գյումրու ու Երևանի կայազորների տարածքներում:
Հրշեջ թիմերը հայտնաբերել են պայմանական հրդեհը, տեղայնացրել կրակի օջախը, կապի ժամանակակից միջոցների օգնությամբ ստուգել ազդարարման համակարգը։
Հայաստանում ռուսական ռազմակայանի միավորումում հակահրդեհային անվտանգության մշտական պատրաստության ռեժիմում են գտնվում «Ալագյազ» և «Կամխուդ» զորավարժարանները, «Էրեբունի» ռազմական օդանավակայանը, ինչպես նաև Գյումրու ու Երևանի զինվորական կայազորներում տեղակայված ավելի քան 20 ռազմական ավաններ և հատուկ օբյեկտներ:
Հատուկ վարժանքներին մասնակցում են ռուսական ռազմակայանի ավելի քան 100 զինծառայողներ, ինչպես նաև գործի է դրվել շուրջ 20 միավոր ռազմական և հատուկ տեխնիկա:
ՀՌՕ բանակային ավիացիայի անձնակազմերն ուսումնական թռիչքներ են կատարել Հայաստանի լեռներում
Լրահոս
0