https://arm.sputniknews.ru/20220803/khajtarak-vitshak-inchu-e-hajastanjan-buherum-16-hazar-tegh-tapur-mnacel-46184263.html
Խայտառակ վիճակ. ինչու է հայաստանյան բուհերում 16 հազար տեղ թափուր մնացել
Խայտառակ վիճակ. ինչու է հայաստանյան բուհերում 16 հազար տեղ թափուր մնացել
Sputnik Արմենիա
ՀՀ կրթության և գիտության նախկին նախարարի կարծիքով` պետք է վերականգնել որոշ մասնագիտությունների պարագայում ատեստատներով ընդունելու պրակտիկան։ 03.08.2022, Sputnik Արմենիա
2022-08-03T22:44+0400
2022-08-03T22:44+0400
2022-08-03T22:44+0400
ռադիո
հայաստան
բուհ
էդուարդ ղազարյան
պոդկաստ
https://cdn.am.sputniknews.ru/img/07e6/08/03/46183602_0:0:1600:901_1920x0_80_0_0_6b56fc61575bf7ca2da74c2c503c9e02.jpg
Շրջանավարտների գիտելիքները չեն բավարարում ընդունելության ներկայացվող պահանջներին
Sputnik Արմենիա
Շրջանավարտների գիտելիքները չեն բավարարում ընդունելության ներկայացվող պահանջներին
Հանրակրթության վիճակը շատ լուրջ է, պետությունն ավելի շատ մտածում է ռազմավարական ծրագրի շրջանակում պետական բուհերը միավորելու մասին, բայց դա ավելի շուտ կկրի մեխանիկական բնույթ, և դրանից դժվար թե որակը բարձրանա։ Sputnik Արմենիայի հետ զրույցում այս տեսակետը հայտնեց ՀՀ կրթության և գիտության նախկին նախարար, ակադեմիկոս Էդուարդ Ղազարյանը։Ավելի վաղ հայտնել էինք, որ Հայաստանի պետական և ոչ պետական բուհերում շուրջ 16 հազար վճարովի և անվճար տեղ թափուր է մնացել:Ըստ նրա` թափուր տեղերի մեծ մասը կապված է մասնավոր բուհերի հետ, քանի որ նրանք էլ են մասնակցում կենտրոնացված քննություններին։«Մասնավոր բուհերը ներկայացնում են վճարովի տեղերի հայտեր, իսկ նախարարությունն էլ հաստատում է նրանց պահանջը։ Շատ բուհերում կարծում են, որ իրենց մոտ կարող են ընդունելության քննություններին մասնակցել նաև նախորդ տարիների դիմորդները, սակայն փորձը ցույց է տալիս, որ նրանք, այնուամենայնիվ, չեն կարողանում հաղթահարել շեմը։ Եթե մասնավոր ուսումնական հաստատություններում կոնտինգենտ չհավաքվի, դրանք ինքնաբերաբար կփակվեն»,– պարզաբանեց Ղազարյանը։Նրա խոսքով` հատկապես խայտառակ վիճակ է Ագրարային համալսարանում, Ղազարյանը հիշեցրեց, որ նախկինում այդտեղ մոտ 30 մասնագիտությունների գծով դիմորդներին ընդունում էին ավարտական վկայագրերով` ատեստատներով, իսկ հետո դա վերացվեց, և բոլորին հորդորեցին մասնակցել ընդունելության կենտրոնացված քննություններին։«Նույն վիճակն է Մանկավարժական համալսարանի բնագիտական մասնագիտությունների մասով։ Նրանք չեն դիմանում նույն պահանջներին, ինչ, օրինակ, կենսաբանություն առարկան պահանջում է Բժշկական համալսարան ընդունվողներից, հետևաբար պետք է վերականգնել որոշ մասնագիտությունների պարագայում ատեստատներով ընդունելու պրակտիկան, մանավանդ որ այսօր ոչ միայն մարզերում, այլև Երևանի հանրակրթական դպրոցներում կա բնագիտական առարկաների գծով մասնագետների պակաս»,– ասաց ՀՀ կրթության և գիտության նախկին նախարարը։Նշենք, որ Հայաստանյան բուհերն այս տարի տրամադրել են 22 հազար անվճար և վճարովի տեղեր։ Ընդհանուր առմամբ միասնական քննություններին մասնակցել է 13 887 դիմորդ, սակայն այն հանձնել են 11 587-ը։ Մրցութային երկու փուլերով տարբեր բուհեր ընդունվել է ընդհանուր առմամբ 9 729 դիմորդ:Կան բուհեր, որ ընդհանրապես դիմորդներ չեն ունեցել. ԳԹԿ փոխտնօրենն ամփոփեց ընդունելությունը
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հայաստան, բուհ, էդուարդ ղազարյան, պոդկաստ, аудио
հայաստան, բուհ, էդուարդ ղազարյան, պոդկաստ, аудио
Խայտառակ վիճակ. ինչու է հայաստանյան բուհերում 16 հազար տեղ թափուր մնացել
ՀՀ կրթության և գիտության նախկին նախարարի կարծիքով` պետք է վերականգնել որոշ մասնագիտությունների պարագայում ատեստատներով ընդունելու պրակտիկան։
Հանրակրթության վիճակը շատ լուրջ է, պետությունն ավելի շատ մտածում է ռազմավարական ծրագրի շրջանակում պետական բուհերը միավորելու մասին, բայց դա ավելի շուտ կկրի մեխանիկական բնույթ, և դրանից դժվար թե որակը բարձրանա։
Sputnik Արմենիայի հետ զրույցում այս տեսակետը հայտնեց ՀՀ կրթության և գիտության նախկին նախարար, ակադեմիկոս Էդուարդ Ղազարյանը։
«Պետք է ելնել ռեալ իրականությունից, արդյոք մեր շրջանավարտների գիտելիքները բավարարո՞ւմ են ներկայացվող պահանջներին։ Փորձը ցույց է տալիս, որ ոչ»,– ասաց Ղազարյանը։
Ըստ նրա` թափուր տեղերի մեծ մասը կապված է մասնավոր բուհերի հետ, քանի որ նրանք էլ են մասնակցում կենտրոնացված քննություններին։
«Մասնավոր բուհերը ներկայացնում են վճարովի տեղերի հայտեր, իսկ նախարարությունն էլ հաստատում է նրանց պահանջը։ Շատ բուհերում կարծում են, որ իրենց մոտ կարող են ընդունելության քննություններին մասնակցել նաև նախորդ տարիների դիմորդները, սակայն փորձը ցույց է տալիս, որ նրանք, այնուամենայնիվ, չեն կարողանում հաղթահարել շեմը։ Եթե մասնավոր ուսումնական հաստատություններում կոնտինգենտ չհավաքվի, դրանք ինքնաբերաբար կփակվեն»,– պարզաբանեց Ղազարյանը։
Նրա խոսքով` հատկապես խայտառակ վիճակ է Ագրարային համալսարանում, Ղազարյանը հիշեցրեց, որ նախկինում այդտեղ մոտ 30 մասնագիտությունների գծով դիմորդներին ընդունում էին ավարտական վկայագրերով` ատեստատներով, իսկ հետո դա վերացվեց, և բոլորին հորդորեցին մասնակցել ընդունելության կենտրոնացված քննություններին։
«Նույն վիճակն է Մանկավարժական համալսարանի բնագիտական մասնագիտությունների մասով։ Նրանք չեն դիմանում նույն պահանջներին, ինչ, օրինակ, կենսաբանություն առարկան պահանջում է Բժշկական համալսարան ընդունվողներից, հետևաբար պետք է վերականգնել որոշ մասնագիտությունների պարագայում ատեստատներով ընդունելու պրակտիկան, մանավանդ որ այսօր ոչ միայն մարզերում, այլև Երևանի հանրակրթական դպրոցներում կա բնագիտական առարկաների գծով մասնագետների պակաս»,– ասաց ՀՀ կրթության և գիտության նախկին նախարարը։
Նշենք, որ Հայաստանյան բուհերն այս տարի տրամադրել են 22 հազար անվճար և վճարովի տեղեր։ Ընդհանուր առմամբ միասնական քննություններին մասնակցել է 13 887 դիմորդ, սակայն այն հանձնել են 11 587-ը։ Մրցութային երկու փուլերով տարբեր բուհեր ընդունվել է ընդհանուր առմամբ 9 729 դիմորդ:
