Սննդամթերքի գնաճը հուլիսին դանդաղել է. էժանացել են միրգն ու բանջարեղենը

Բաժանորդագրվեք
Yandex newsTelegram
2022թ.–ի հուլիսին Հայաստանում արձանագրված սննդամթերքի 12–ամյա գնաճը 2021թ. հուլիսի համեմատ կազմել է 13.5%, իսկ վերջին 1 ամսվա ընթացքում 2022թ.-ի հունիսի համեմատ 4.3%–ով նվազել է։
Վիճակագրական կոմիտեն հրապարակել է հուլիսին Հայաստանում արձանագրված գների դինամիկան, և պարզ է դառնում, որ հունիսի համեմատ գրանցված գնանկումը հիմնականում պայմանավորված է մրգերի ու բանջարեղենի էժանացմամբ։ Պաշտոնական վիճակագրության համաձայն` 1 ամսվա ընթացքում բանջարեղենի գները նվազել են 33.7 տոկոսով, մրգերինը` 8.9։ Իսկ անցյալ տարվա համեմատ միրգն այս տարվա հուլիսին 21.7 տոկոսով թանկ է, բանջարեղենը` 0.9 տոկոսով էժան։
Գնաճը չարիք է հասարակության բոլոր շերտերի համար. Ներսես Երիցյան
Հուլիսին հունիսի համեմատ էժանացել է նաև ձկնեղենը` 0.2 տոկոսով, յուղն ու ձեթը` 1.8 տոկոսով։
Նվազագույն սպառողական զամբյուղում ներառված մնացած սննդամթերքը շարունակել է թանկանալ. հացն ու ալյուրը` 0.9 տոկոսով, մսամթերքը` 2.2, կաթը, պանիրն ու ձուն` 1, շաքարավազը, թեյն ու սուրճը 0.5, ծխախոտը 0.1 տոկոսով։
Հետաքրքրական է, որ թանկացել է անգամ շշալցված ջուրը` 1 տոկոսով։
Որքանով դրամի ամրացումը կօգնի զսպել շաքարավազի և ալյուրի գները. ԿԲ դիտարկումը
Լրահոս
0