https://arm.sputniknews.ru/20220804/dznahvosq-dvonbasum-avdeevkajum-ukrainaji-zu-i-amracvats-shrjany-tsheghqvats-e-46242957.html
«Ձնահոսք» Դոնբասում․ Ավդեևկայում Ուկրաինայի ԶՈւ-ի ամրացված շրջանը ճեղքված է
«Ձնահոսք» Դոնբասում․ Ավդեևկայում Ուկրաինայի ԶՈւ-ի ամրացված շրջանը ճեղքված է
Sputnik Արմենիա
Ավդեևկայում ուկրաինական ԶՈւ-ի ամրացված շրջանի ճեղքումը հավաքական Արևմուտքին վերադարձնում է դաժան իրականություն․ Ռուսաստանի զինված ուժերի հատուկ... 04.08.2022, Sputnik Արմենիա
2022-08-04T23:44+0400
2022-08-04T23:44+0400
2022-08-04T23:44+0400
ուկրաինա
ռուսաստան
արևմուտք
եվրոպա
ամն
https://cdn.am.sputniknews.ru/img/07e6/06/02/42730471_0:0:3198:1799_1920x0_80_0_0_01c68e0034fbccd60f8b43615abf8bc1.jpg
Ալեքսանդր Խրոլենկո, ռազմական վերլուծաբանՈւկրաինայի զինված ուժերի՝ ութ տարում կառուցված 30 կմ-անոց Մարյինկա-Պեսկի-Ավդեևկա բետոնե ամրությունների գիծը քանդվում է։ Ամրացված շրջանի միաժամանակյա շրջապատումը տարբեր ուղղություններից նոր «կաթսա» է ձևավորում, որում կարող են ուկրաինական զինված ուժերի 70 հազար զինվորներ և օտարերկրյա վարձկաններ հայտնվել։Կիևի ռեժիմը դեպի Պեսկի և Ավդեևկա (դեպի մսաղաց) է նետում պահեստազորի նորանոր խմբավորումներ։ Սակայն ռուսական զորքերի հարվածների տակ վերջին երեք օրում նշանակման վայր են հասել 600 հավաքագրվածներից ընդամենը 80-ը։ Կործանման դատապարտված ուկրաինական ստորաբաժանումները չեն էլ փորձում հակահարձակման անցնել, ուղղակի կրակում են Դոնեցկում՝ զայրույթն ու հուսահատությունը թափելով խաղաղ բնակչության վրա։ՌԴ ԶՈւ-ն երկու հարվածով ավելի քան 500 ուկրաինացի զինվորականի է ոչնչացրել․ ՌԴ ՊՆԱմբողջ ճակատով ոչնչացվում են ուկրաինական հենակետերը։ Ուկրաինայի զինված ուժերի խնդիրն այն է, որ Դոնբասից արևմուտք լավ ամրացված դիրքեր չկան, և ճակատն անդառնալիորեն «փլվելու» է։ Շփման գիծը Ուկրաինայի ԶՈւ-ի համար անկայուն է նաև Խարկովի, Զապորոժիեի, Կրիվոյ Ռոգի, Նիկոլաևի ուղղություններով։ Ռուսական զորքերը հրթիռային հարվածներ են հասցնում Ուկրաինայի ողջ տարածքում գտնվող կարևոր ռազմական օբյեկտներին։ՌԴ ՊՆ-ն Դոնբասի գնդակոծումը կապում է թմրանյութերի կողմնակի ազդեցությունների հետԿիևի ռեժիմի համար ավելի ու ավելի դժվար է դառնում օգնություն «քերել» արևմտյան գործընկերներից։ Օրինակ` Գերմանիան շռայլորեն Ուկրաինային խոստացել է 100 Panzehaubitze 2000 ինքնագնաց հրետանային կայանք, բայց առաքելու է 2024-2027 թվականներին։ Իսկ հայտնի իրավապաշտպան Amnesty International կազմակերպությունն այսօր մեղադրել է Ուկրաինային միջազգային և ռազմական իրավունքը խախտելու համար՝ Ուկրաինայի զինված ուժերի մարտական դիրքերը «բնակեցված վայրերում, այդ թվում՝ դպրոցներում և հիվանդանոցներում» կազմակերպելու համար։Հիշեցնեմ, որ «ամբողջական պաշտպանության» այս ձևաչափը օրենսդրական մակարդակում ընդունվել է Գերագույն ռադայի քվեարկությամբ։ «Մարտավարություն» ընտրելու հարցում որպես խորհրդական հանդես են եկել Պենտագոնի և ամերիկյան ազգային գվարդիայի փորձագետները։ «Զրադան» (դավաճանությունը) աննկատ մոտեցավ, թեև Կիևը պետք է հաշվի առներ Աֆղանստանից ԱՄՆ-ի և ՆԱՏՕ-ի ամոթալի փախուստի փորձը։ Ռուսաստանի Դաշնության պաշտպանության նախարարությունն ուղղակիորեն հայտարարել է Բայդենի վարչակազմի և անձամբ Զելենսկու անմիջական պատասխանատվությունը Դոնբասում ամերիկյան HIMARS MLRS-ի հրթիռային հարվածների և «Ուկրաինայում ռազմական հանցագործությունների» համար։Ամերիկյան Newsweek շաբաթաթերթն արդեն նշում է, որ ԱՄՆ-ն Ռուսաստանի դեմ պայքարում չի կարող հույս դնել Եվրոպայի վրա. տուրբուլենտությունը չափազանց մեծ է։ Իսկ չէ՞ որ ռուսական հատուկ գործողության սկզբից ընդամենը հինգ ամիս է անցել, իսկ ցրտերը դեռ չեն սկսվել։«Հակահարված ենք տալու բոլոր նրանց, ովքեր...». Մեդվեդևը` ՌԴ գլխավոր զենքի ու Փելոսիի մասին
ուկրաինա
արևմուտք
եվրոպա
ամն
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
ուկրաինա, ռուսաստան, արևմուտք, եվրոպա, ամն
ուկրաինա, ռուսաստան, արևմուտք, եվրոպա, ամն
«Ձնահոսք» Դոնբասում․ Ավդեևկայում Ուկրաինայի ԶՈւ-ի ամրացված շրջանը ճեղքված է
Ավդեևկայում ուկրաինական ԶՈւ-ի ամրացված շրջանի ճեղքումը հավաքական Արևմուտքին վերադարձնում է դաժան իրականություն․ Ռուսաստանի զինված ուժերի հատուկ գործողությունները ընթանում հստակ պլանի համաձայն։
Ալեքսանդր Խրոլենկո, ռազմական վերլուծաբան
Ուկրաինայի զինված ուժերի՝ ութ տարում կառուցված 30 կմ-անոց Մարյինկա-Պեսկի-Ավդեևկա բետոնե ամրությունների գիծը քանդվում է։ Ամրացված շրջանի միաժամանակյա շրջապատումը տարբեր ուղղություններից նոր «կաթսա» է ձևավորում, որում կարող են ուկրաինական զինված ուժերի 70 հազար զինվորներ և օտարերկրյա վարձկաններ հայտնվել։
Կիևի ռեժիմը դեպի Պեսկի և Ավդեևկա (դեպի մսաղաց) է նետում պահեստազորի նորանոր խմբավորումներ։ Սակայն ռուսական զորքերի հարվածների տակ վերջին երեք օրում նշանակման վայր են հասել 600 հավաքագրվածներից ընդամենը 80-ը։ Կործանման դատապարտված ուկրաինական ստորաբաժանումները չեն էլ փորձում հակահարձակման անցնել, ուղղակի կրակում են Դոնեցկում՝ զայրույթն ու հուսահատությունը թափելով խաղաղ բնակչության վրա։
Ամբողջ ճակատով ոչնչացվում են ուկրաինական հենակետերը։ Ուկրաինայի զինված ուժերի խնդիրն այն է, որ Դոնբասից արևմուտք լավ ամրացված դիրքեր չկան, և ճակատն անդառնալիորեն «փլվելու» է։ Շփման գիծը Ուկրաինայի ԶՈւ-ի համար անկայուն է նաև Խարկովի, Զապորոժիեի, Կրիվոյ Ռոգի, Նիկոլաևի ուղղություններով։ Ռուսական զորքերը հրթիռային հարվածներ են հասցնում Ուկրաինայի ողջ տարածքում գտնվող կարևոր ռազմական օբյեկտներին։
Կիևի ռեժիմի համար ավելի ու ավելի դժվար է դառնում օգնություն «քերել» արևմտյան գործընկերներից։ Օրինակ` Գերմանիան շռայլորեն Ուկրաինային խոստացել է 100 Panzehaubitze 2000 ինքնագնաց հրետանային կայանք, բայց առաքելու է 2024-2027 թվականներին։ Իսկ հայտնի իրավապաշտպան Amnesty International կազմակերպությունն այսօր մեղադրել է Ուկրաինային միջազգային և ռազմական իրավունքը խախտելու համար՝ Ուկրաինայի զինված ուժերի մարտական դիրքերը «բնակեցված վայրերում, այդ թվում՝ դպրոցներում և հիվանդանոցներում» կազմակերպելու համար։
Հիշեցնեմ, որ «ամբողջական պաշտպանության» այս ձևաչափը օրենսդրական մակարդակում ընդունվել է Գերագույն ռադայի քվեարկությամբ։ «Մարտավարություն» ընտրելու հարցում որպես խորհրդական հանդես են եկել Պենտագոնի և ամերիկյան ազգային գվարդիայի փորձագետները։ «Զրադան» (դավաճանությունը) աննկատ մոտեցավ, թեև Կիևը պետք է հաշվի առներ Աֆղանստանից ԱՄՆ-ի և ՆԱՏՕ-ի ամոթալի փախուստի փորձը։ Ռուսաստանի Դաշնության պաշտպանության նախարարությունն ուղղակիորեն հայտարարել է Բայդենի վարչակազմի և անձամբ Զելենսկու անմիջական պատասխանատվությունը Դոնբասում ամերիկյան HIMARS MLRS-ի հրթիռային հարվածների և «Ուկրաինայում ռազմական հանցագործությունների» համար։
Ամերիկյան Newsweek շաբաթաթերթն արդեն նշում է, որ ԱՄՆ-ն Ռուսաստանի դեմ պայքարում չի կարող հույս դնել Եվրոպայի վրա. տուրբուլենտությունը չափազանց մեծ է։ Իսկ չէ՞ որ ռուսական հատուկ գործողության սկզբից ընդամենը հինգ ամիս է անցել, իսկ ցրտերը դեռ չեն սկսվել։
