https://arm.sputniknews.ru/20220804/pjuniky-khvoshvor-hashvvov-partvec-crvena-zvezdajin-46196971.html
«Փյունիկը» խոշոր հաշվով պարտվեց «Ցրվենա Զվեզդային»
«Փյունիկը» խոշոր հաշվով պարտվեց «Ցրվենա Զվեզդային»
Sputnik Արմենիա
Դավիթ Յուրչենկոյին հինգ անգամ ստիպված եղավ գնդակը հանել ցանցից։ 04.08.2022, Sputnik Արմենիա
2022-08-04T00:52+0400
2022-08-04T00:52+0400
2022-08-04T00:56+0400
հայաստան
երևան
փյունիկ
ֆուտբոլ
https://cdn.am.sputniknews.ru/img/07e6/08/04/46196823_0:0:1600:901_1920x0_80_0_0_bf955e592b36d3f4aec1fdaae7081241.jpg
ԵՐԵՎԱՆ, 4 օգոստոսի – Sputnik, Խաչիկ Չախոյան. Հայաստանի չեմպիոն «Փյունիկը» Բելգրադի «Ռայկո Միտիչ» մարզադաշտում 0։5 հաշվով պարտվեց Սերբիայի չեմպիոն «Ցրվենա Զվեզդային» Չեմպիոնների լիգայի որակավորման երրորդ փուլի առաջին խաղում։Չեմպիոնների լիգայի որակավորման երրորդ փուլից սկսած` ՈւԵՖԱ-ն սկսեց հանդիպումների ընթացքում կիրառել VAR համակարգը, և այն առաջինը օգնության եկավ «Փյունիկը»։ Մեր թիմը շատ համարձակ սկսեց խաղը և բաց թողեց մրցակցի հակագրոհը։ Օսման Բուկարին գնդակն ուղարկեց Դավիթ Յուրչենկոյի դարպասը, բայց հետո խաղից դուրս վիճակ արձանագրվեց, ու խաղի մեկնարկը մեր թիմի համար ծանր չեղավ։ Բայց 29-րդ րոպեին մերոնց ոչ ոք չէր կարող փրկել։ Ինչպես և չհաշված գոլի ժամանակ, մեր ֆուտբոլիստները ձախողվեցին խաղադաշտի կենտրոնում, ու այս անգամ Օսման Բուկարին արագությամբ նախ շրջանցեց մեր ֆուտբոլիստին, ապա դարպասապահ Յուրչենկոյին ու բացեց խաղի հաշիվը։ Մեր թիմի ֆուտբոլիստները այդպես էլ չկարողացան հակախաղ գտնել Բուկարիի դեմ, որը հանդիպման 33-րդ րոպեին վարպետորեն շրջանցեց մեր պաշտպանին ու գոլային փոխանցում կատարեց Կինգս Կանգվային՝ հաշիվը դարձնելով 2։0։Բաց թողած երկու գնդակներից հետո ճնշումը «Փյունիկի» վրա շատ մեծացավ։ Եվ նորից ուշադրության կենտրոնում հայտնվեց Բուկարին։ Այս ֆուտբոլիստը հանդիպման առաջին խաղակեսում միայնակ լուծեց հաղթողի հարցը։ Հերթական հակագրոհը սերբական թիմի կատարմամբ ավարտվեց Բուկարիի դիպուկ հարվածով, ու մերոնք արդեն պարտվում էին երեք գնդակի տարբերությամբ։ Իսկ առջևում դեռ մեկ խաղակես էլ կար։Որոշեցին 11-մետրանոցները. «Արարատ-Արմենիան» պարտվեց և լքեց Կոնֆերենցիաների լիգայի մրցաշարըՀանդիպման երկրորդ մասն ավելի հանգիստ տեմպով ընթացավ։ «Փյունիկն» արդեն դաշտի տերերի դարպասը գրավելու հնարավորություններ ունեցավ։ Սակայն գնդակը ևս մեկ անգամ հայտնվեց «Փյունիկի» դարպասում։ Այս դեպքում արդեն սխալվեց մեր դարպասապահ Դավիթ Յուրչենկոն։ «Ցրվենա Զվեզդան» ամենայն հավանականությամբ լուծեց հաղթողի հարցը ոչ միայն այս խաղում, այլ նաև դիմակայությունում։ Այս տարբերակը հաստատվեց խաղի 77-րդ րոպեին, երբ Ստեֆան Միտրովիչը հինգերորդ անգամ ստիպեց Յուրչենկոյին գնդակը հանել ցանցից։ Պարտվեցինք խոշոր հաշվով, ինչը մեծ անակնկալ չէր։ «Ցրվենա Զվեզդան» իրոք շատ ուժեղ էր։Հավելենք, որ Չեմպիոնների լիգայի որակավորման փուլում պարտվելու դեպքում (ինչն արդեն շատ հավանական է) «Փյունիկը» Եվրոպայի լիգայի փլեյ օֆֆում մրցելու է «Շերիֆ» -«Վիկտորիա» զույգի պարտվողի հետ։ Իսկ պատասխան խաղը «Ցրվենա Զվեզդայի» հետ մեր չեմպիոնը անցկացնելու է օգոստոսի 9-ին Երևանում։Հիշեցնենք` հուլիսի 26-ին Չեմպիոնների լիգայի որակավորման երկրորդ փուլի պատասխան խաղում «Փյունիկը» Լյուքսեմբուրգում 4։1 հաշվով հաղթել էր «Դյուդելանժին»։
երևան
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հայաստան, երևան, փյունիկ, ֆուտբոլ
հայաստան, երևան, փյունիկ, ֆուտբոլ
«Փյունիկը» խոշոր հաշվով պարտվեց «Ցրվենա Զվեզդային»
00:52 04.08.2022 (Թարմացված է: 00:56 04.08.2022) Դավիթ Յուրչենկոյին հինգ անգամ ստիպված եղավ գնդակը հանել ցանցից։
ԵՐԵՎԱՆ, 4 օգոստոսի – Sputnik, Խաչիկ Չախոյան.
Հայաստանի չեմպիոն «Փյունիկը» Բելգրադի «Ռայկո Միտիչ» մարզադաշտում 0։5 հաշվով պարտվեց Սերբիայի չեմպիոն «Ցրվենա Զվեզդային» Չեմպիոնների լիգայի որակավորման երրորդ փուլի առաջին խաղում։
Չեմպիոնների լիգայի որակավորման երրորդ փուլից սկսած` ՈւԵՖԱ-ն սկսեց հանդիպումների ընթացքում կիրառել VAR համակարգը, և այն առաջինը օգնության եկավ «Փյունիկը»։ Մեր թիմը շատ համարձակ սկսեց խաղը և բաց թողեց մրցակցի հակագրոհը։ Օսման Բուկարին գնդակն ուղարկեց Դավիթ Յուրչենկոյի դարպասը, բայց հետո խաղից դուրս վիճակ արձանագրվեց, ու խաղի մեկնարկը մեր թիմի համար ծանր չեղավ։ Բայց 29-րդ րոպեին մերոնց ոչ ոք չէր կարող փրկել։ Ինչպես և չհաշված գոլի ժամանակ, մեր ֆուտբոլիստները ձախողվեցին խաղադաշտի կենտրոնում, ու այս անգամ Օսման Բուկարին արագությամբ նախ շրջանցեց մեր ֆուտբոլիստին, ապա դարպասապահ Յուրչենկոյին ու բացեց խաղի հաշիվը։ Մեր թիմի ֆուտբոլիստները այդպես էլ չկարողացան հակախաղ գտնել Բուկարիի դեմ, որը հանդիպման 33-րդ րոպեին վարպետորեն շրջանցեց մեր պաշտպանին ու գոլային փոխանցում կատարեց Կինգս Կանգվային՝ հաշիվը դարձնելով 2։0։
Բաց թողած երկու գնդակներից հետո ճնշումը «Փյունիկի» վրա շատ մեծացավ։ Եվ նորից ուշադրության կենտրոնում հայտնվեց Բուկարին։ Այս ֆուտբոլիստը հանդիպման առաջին խաղակեսում միայնակ լուծեց հաղթողի հարցը։ Հերթական հակագրոհը սերբական թիմի կատարմամբ ավարտվեց Բուկարիի դիպուկ հարվածով, ու մերոնք արդեն պարտվում էին երեք գնդակի տարբերությամբ։ Իսկ առջևում դեռ մեկ խաղակես էլ կար։
Հանդիպման երկրորդ մասն ավելի հանգիստ տեմպով ընթացավ։ «Փյունիկն» արդեն դաշտի տերերի դարպասը գրավելու հնարավորություններ ունեցավ։ Սակայն գնդակը ևս մեկ անգամ հայտնվեց «Փյունիկի» դարպասում։ Այս դեպքում արդեն սխալվեց մեր դարպասապահ Դավիթ Յուրչենկոն։ «Ցրվենա Զվեզդան» ամենայն հավանականությամբ լուծեց հաղթողի հարցը ոչ միայն այս խաղում, այլ նաև դիմակայությունում։ Այս տարբերակը հաստատվեց խաղի 77-րդ րոպեին, երբ Ստեֆան Միտրովիչը հինգերորդ անգամ ստիպեց Յուրչենկոյին գնդակը հանել ցանցից։ Պարտվեցինք խոշոր հաշվով, ինչը մեծ անակնկալ չէր։ «Ցրվենա Զվեզդան» իրոք շատ ուժեղ էր։
Հավելենք, որ Չեմպիոնների լիգայի որակավորման փուլում պարտվելու դեպքում (ինչն արդեն շատ հավանական է) «Փյունիկը» Եվրոպայի լիգայի փլեյ օֆֆում մրցելու է «Շերիֆ» -«Վիկտորիա» զույգի պարտվողի հետ։ Իսկ պատասխան խաղը «Ցրվենա Զվեզդայի» հետ մեր չեմպիոնը անցկացնելու է օգոստոսի 9-ին Երևանում։
Հիշեցնենք` հուլիսի 26-ին Չեմպիոնների լիգայի որակավորման երկրորդ փուլի պատասխան խաղում
«Փյունիկը» Լյուքսեմբուրգում 4։1 հաշվով հաղթել էր «Դյուդելանժին»։
