Ես ոգևորված եմ, որ շուտով առաջին անգամ Հայաստան եմ այցելելու. Բրայան Մեյի գրառումը

© AP Photo / Willy Sanjuan «Queen» խմբի կիթառահար, «Starmus» փառատոնի համահիմնադիր Բրայան Մեյը
 «Queen» խմբի կիթառահար, «Starmus» փառատոնի համահիմնադիր Բրայան Մեյը - Sputnik Արմենիա, 1920, 05.08.2022
«Queen» խմբի կիթառահար, «Starmus» փառատոնի համահիմնադիր Բրայան Մեյը. Արխիվային լուսանկար
Բաժանորդագրվեք
Yandex newsTelegram
Աշխարհահռչակ «Queen» խմբի կիթառահարը «Ինստագրամի» իր էջում հրապարակել է Տավուշի մանկապատանեկան երգչախմբի ելույթն ու հիացական մեկնաբանություն թողել։
ԵՐԵՎԱՆ, 5 օգոստոսի – Sputnik. Աշխարհահռչակ «Queen» խմբի կիթառահար, «Starmus» փառատոնի համահիմնադիր Բրայան Մեյն անհամբեր սպասում է իր առաջին այցին Հայաստան։ Բրայան Մեյն այս մասին հայտարարել է «Ինստագրամի» իր էջում։
Նա հրապարակել է Տավուշի մանկապատանեկան երգչախմբի` «Bohemian Rhapsody» երգի կատարումը և շատ դրական գնահատել։
«Անդիմադրելի են։ Սա Հայաստանի Տավուշի մանկապատանեկան երգչախումբն է։ Ես ոգևորված եմ, որ շուտով առաջին անգամ Հայաստան եմ այցելելու: «Սթարմուսը» կանչում է»,- գրել է նա։
Նշենք, որ վերջերս Տավուշի մանկապատանեկան երգչախմբի ֆանտաստիկ ելույթներն ուղղակի իրարանցում առաջացրին սոցցանցերում։ Ամենաշատը տարածվեց հենց «Queen»-ի երգացանկից «We Will Rock You» կատարումը։ Երգչախմբի խմբավարն այժմ Մարիա Գալստյանն է։
Հավելենք, որ այս տարի սեպտեմբերի 5-11-ը Հայաստանում կանցկացվի «STARMUS» փառատոնը։ Փառատոնը հիմնադրվել է 2009 թվականին։ «STARMUS»-ը Հայաստանում անցկացնելու նախաձեռնությամբ 2019 թվականին հանդես է եկել ՀՀ նախկին նախագահ Արմեն Սարգսյանը։ Փառատոնն անցկացվում է ՀՀ կառավարության աջակցությամբ, կազմակերպվում է «50 տարի Մարսի վրա» խորագրով։
Լրահոս
0