Հայաստանի և Ադրբեջանի պաշտպանության նախարարների միջև ուղիղ կապը չի գործում. ՀՀ ՊՆ

© Photo : official site of MoD of RAՀՀ ՊՆ Սուրեն Պապիկյանը
ՀՀ ՊՆ Սուրեն Պապիկյանը - Sputnik Արմենիա, 1920, 05.08.2022
ՀՀ ՊՆ Սուրեն Պապիկյանը. Արխիվային լուսանկար
Բաժանորդագրվեք
Yandex newsTelegram
Շուրջ մեկ տարի առաջ վարչապետ Փաշինյանը պաշտպանության նախարար Սուրեն Պապիկյանին հանձնարարել էր Ադրբեջանի կողմից հրադադարի խախտման դեպքերի մասին տեղեկատվություն փոխանակել ուղիղ կապի միջոցով։
ԵՐԵՎԱՆ, 5 օգոստոսի– Sputnik. ՀՀ պաշտպանության նախարար Սուրեն Պապիկյանի ու Ադրբեջանի նրա պաշտոնակից Զաքիր Հասանովի միջև անցած տարեվերջին հաստատված ուղիղ կապն այժմ չի գործում։
Այս մասին, ի պատասխան Sputnik Արմենիայի հարցի, ասաց ՀՀ ՊՆ մամուլի խոսնակ Արամ Թորոսյանը։
Հիշեցնենք` 2021թ-ի նոյեմբերի 23-ին առցանց ասուլիսում վարչապետ Նիկոլ Փաշինյանը հայտարարել էր, որ պաշտպանության նախարար Սուրեն Պապիկյանին հանձնարարել է ակտիվորեն օգտագործել Ադրբեջանի ՊՆ ղեկավարի հետ կոմունիկացիան ու Ադրբեջանի ԶՈւ կողմից հրադադարի խախտման դեպքերի մասին տեղեկատվություն փոխանակել` առաջարկելով, որ նույնն անի Ադրբեջանը։

«Կարող եմ ասել, որ Հայաստանի և Ադրբեջանի պաշտպանության նախարարների միջև կապն արդեն ստեղծվել է»,- նշել էր Փաշինյանը։

2021թ-ի դեկտեմբերի 15-ին ՀՀ վարչապետ Նիկոլ Փաշինյանի և Ադրբեջանի նախագահ Իլհամ Ալիևի հետ հանդիպմանը ԵԽ նախագահ Շառլ Միշելը բարձր էր գնահատել իր իսկ աջակցությամբ 2 երկրների պաշտպանության նախարարների միջև ուղիղ կապի հաստատմանն ուղղված քայլերը։
Նա շեշտել էր, որ այս մեխանիզմը կարող է նպաստել միջադեպերը կանխելուն և դրական ազդեցություն ունենալ լարվածության թուլացման առնչությամբ։
Լրահոս
0