Տնտեսվարողները 2021թ–ին 4 մլրդ դրամով պակաս շահութահարկ են հայտարարագրել

Բաժանորդագրվեք
НовостиTelegram
Շատ դեպքերում հարկ վճարողները շահութահարկի հաշվարկներում տեխնիկական վրիպակներ են թույլ տվել, որոնց արդյունքում շահութահարկը նույնպես սխալ է հաշվարկվել։
Պետական եկամուտների կոմիտեն վերլուծել է 2021թ–ի շահութահարկի տարեկան հաշվարկը:
Ըստ ՊԵԿ–ի, վերլուծության արդյունքում հայտնաբերվել են բազմաթիվ դեպքեր, երբ հարկ վճարողները շահութահարկի հաշվարկը ներկայացրել են առանց որևէ թվային հիմնավորման, սխալ հաշվարկված, հաճախ հաշվարկները որևէ աղերս չեն ունեցել հարկ վճարողի հայտարարագրած տարեկան եկամուտի հետ:
Այսպես, օրինակ, 2021թ.-ի ընթացքում հայտարարագրած խոշոր իրացման շրջանառության և շահութահարկով հարկման բազա ունեցած հարկ վճարողները շահութահարկի` այսպես կոչված «զրոյական» շահութահարկ են հայտարարագրել, որպեսզի խուսափեն սահմանված վերջնաժամկետից ուշ ներկայացնելու համար օրենքով նախատեսված տուգանքներից:
Շատ դեպքերում հարկ վճարողները շահութահարկի հաշվարկներում տեխնիկական վրիպակներ են թույլ տվել, որոնց արդյունքում շահութահարկը նույնպես սխալ է հաշվարկվել։
Արդյունքում, ՊԵԿ–ի վերահաշվարկի շնորհիվ 2021թ–ի համար հայտարարագրվել է շուրջ 4 մլրդ դրամ շահութահարկ:
ՊԵԿ–ը տնտեսվարողներին կոչ է անում ձեռնպահ մնալ նման գործելաոճից, հակառակ դեպքում պակաս հայտարարագրված հարկերի մասով կկիրառվեն տուգանքներ, իսկ ուշացումով ներկայացված ճշտված հաշվարկների համար կհաշվարկվեն տույժեր:
Լրահոս
0