Օգոստոսի 12-ի լույս 13-ի գիշերը Հայաստանում կարելի է աստղաթափ տեսնել

© Sputnik / Виталий Тимкив / Անցնել մեդիապահոցԱսուպային հոսքեր
Ասուպային հոսքեր - Sputnik Արմենիա, 1920, 11.08.2022
Ասուպային հոսքեր
Բաժանորդագրվեք
НовостиTelegram
Գիշերը համընկնում է Լիալուսնի փուլի հետ, որի պայծառ լույսը կխանգարի գիշերային պարզ երկնքի տեսանելիությանը։
ԵՐԵՎԱՆ, 11 օգոստոսի – Sputnik. Օգոստոսի 12-ի լույս 13-ի գիշերը Հայաստանում աստղաթափ կլինի։ Տեղեկությունը հայտնում է Բյուրականի աստղադիտարանը։
Երկիրն Արեգակի շուրջն իր տարեկան պտույտի ժամանակ անցնում է մի շարք երկնաքարերի կույտերի միջով՝ առաջացնելով ասուպային հոսքեր, որոնք հայտնի են «աստղաթափ» կամ «աստղային անձրև» անվանումներով։
Սվիֆտի-Տուտլի գիսավորի թողած փոշու և սառցե հատիկների օղակի միջով անցնելիս առաջանում է Պերսեիդների հոսքը։ Մթնոլորտի հետ շփումից դրանք սկսում են այրվել՝ առաջացնելով գեղեցիկ տեսարան։ Տպավորություն է, թե աստղեր են ընկնում։ Երկրից թվում է, թե այդ պայծառ շիթերը թափվում են Պերսևս (կամ Պերսեոս) համաստեղությունից։ Այստեղից էլ անվանումը՝ Պերսեիդներ։
Ասուպային հոսքը այս տարի սկսվել է հուլիսի 17-ից, և առավելագույն պիկը լինելու է օգոստոսի 12/13-ի գիշերը։
Ցավոք, այս տարի պիկի գիշերը համընկնում է Լիալուսնի փուլի հետ, որի պայծառ լույսը խանգարում է գիշերային պարզ երկնքի տեսանելիությանը։
Հայկի ծնունդն աստղային վերածնունդ է. աստղաթափը Քարահունջ էր բերել բազմաթիվ զբոսաշրջիկների
Լրահոս
0