Սյունիք այցելելիս պետք չէ թշնամու «պոստերով» անցնել. Առուշ Առուշանյան

Առուշ Առուշանյան - Sputnik Արմենիա, 1920, 12.08.2022
Առուշ Առուշանյան. Արխիվային լուսանկար
Բաժանորդագրվեք
НовостиTelegram
Առուշ Առուշանյանի խոսքով` Գորիսում այս պահին մոտ երկու միլիարդ դրամի կապիտալ շինարարական աշխատանքներ են սկսված:
ԵՐԵՎԱՆ, 12 օգոստոսի – Sputnik. Սյունիքի մարզի Գորիս քաղաքում այս պահին հինգ թաղամասի փողոցներ են կառուցվում, ներառյալ՝ հին կենտրոնը: Տեղեկությունը Գորիսում լրագրողների հետ զրույցում ասաց համայնքապետ Առուշ Առուշանյանը:
Նշենք, որ Գորիս քաղաքում այսօր շահագործման հանձնվեց Գորիսի վերակառուցված Արտաշեսյան փողոցը և կից խաղահրապարակը:

«Ինչո՞ւ է այս թաղամասն ընտրվել՝ որովհետև երբեք չի եղել ասֆալտապատ ու բարեկարգ: Բացի այդ, Գորիսում հյուրատների բիզնեսը լավ է աշխատում։ Կարծում եմ, որ կան բնակարաններ, որոնք բնակեցված չեն, մարդիկ հյուրատներ կսարքեն, նոր տնտեսական հնարավորություն կստեղծվի»,- ասաց նա:

Առուշանյանը անդրադարձավ լրագրողներից մեկի այն հարցին, թե ինչո՞վ է պայմանավորված, որ պասիվացել է տուրիստական ավտոբուսների հոսքը դեպի Սյունիք։
«Մեր հասարակության մոտ կա թյուրըմբռնում, որ Գորիս կամ առհասարակ Սյունիք այցելելու համար պատադիր պետք է թշնամու «պոստերով» անցնեն, այդպիսի բան չկա: Ես բոլորին հրավիրում եմ, այստեղ անվտանգ է, այստեղ ամեն բան շատ ավելի լավ է, քան Հայաստանի այլ մարզերում»,- ասաց նա:
Նրա խոսքով` այս պահին մոտ երկու միլիարդ դրամի կապիտալ շինարարական աշխատանքներ են ընթանում:
Լրահոս
0