Ռուսաստանից Հայաստան փոխանցվող դրամական հոսքերը հատել են բոլոր ռեկորդները

Բաժանորդագրվեք
НовостиTelegram
Տասնյակ հազարավոր ռուսաստանցիների ներհոսքի շնորհիվ Ռուսաստանից Հայաստան դրամական փոխանցումների ծավալն ահռելի աճ է գրանցել։
Ռուսաստանից Հայաստան դրամական փոխանցումների ծավալը 2022 թվականի մայիսին կազմել է 266 մլն դոլար: Ապրիլից սկսած` փոխանցումների ամսական ծավալները բազմապատկվել են: Պատճառներից մեկը հայ աշխատանքային միգրանտների համար ռուսական շուկայի ամբողջական բացումն է՝ նախորդ երկու տարիների կորոնավիրուսային սահմանափակումներից հետո։
Բայց գլխավոր պատճառը տասնյակ հազարավոր ռուսաստանցիների ներհոսքն է (միջնաժամկետ կամ երկարաժամկետ բնակության), որից հետո դեպի Հայաստան դրամական փոխանցումների ծավալները սկսեցին հաշվարկվել ամսական 100 միլիոն դոլարով (մինչդեռ նախկինում հաշիվը մի քանի տասնյակ էր)։
Համեմատության համար նշենք, որ նույնիսկ 2019-ի նախաճգնաժամային մայիսին Ռուսաստանից տրանսֆերտների (ֆիզիկական անձանց դրամական փոխանցումների) ներհոսքը կազմել է մոտ 72 մլն դոլար: Ընդ որում, Հայաստանից Ռուսաստան փոխանցումների արտահոսքը մնում է նույնը (ամսական 20-30 մլն դոլար): Այդ պատճառով էլ տրանսֆերտների ներհոսքը կազմում է պատկառելի գումար՝ 239 մլն դոլար։
Տրանսֆերտների շարժը. որքա՞ն գումար է մտել Հայաստան տարվա առաջին եռամսյակում
Հավելենք, որ հունիսին ՌԴ-ից դրամական փոխանցումների ներհոսքը հասել է Հայաստանի ցուցանիշներով անհավանական չափի՝ 452 մլն դոլարի (զուտ ներհոսքը՝ 420 մլն դոլար): Հատկանշական է, որ հարևան Վրաստանում տրանսֆերտների ներհոսքը մայիսին կազմել է 313 մլն դոլար (ինչը նույնպես կապված է ռելոկանտների տեղափոխման հետ)։
Լրահոս
0