https://arm.sputniknews.ru/20220815/amusins-mtatsel-e-erkrasharzh-e-inch-en-patmum-surmalui-vatsharakannery-46763562.html
Ամուսինս մտածել է` երկրաշարժ է. ի՞նչ են պատմում «Սուրմալուի» վաճառականները
Ամուսինս մտածել է` երկրաշարժ է. ի՞նչ են պատմում «Սուրմալուի» վաճառականները
Sputnik Արմենիա
«Սուրմալուի» առևտրականները հույս ունեն, որ պետությունը փոխհատուցում կտրամադրի, քանի որ վնասները մեծ են։ 15.08.2022, Sputnik Արմենիա
2022-08-15T18:01+0400
2022-08-15T18:01+0400
2022-08-15T18:08+0400
«սուրմալու» առևտրի կենտրոն
տոնավաճառ
պայթյուն
զոհ
հրդեհ
ավերակներ
https://cdn.am.sputniknews.ru/img/07e6/08/0f/46745596_0:57:1600:958_1920x0_80_0_0_2eb86b817bf2a03ef90207a51c5cf05d.jpg
ԵՐԵՎԱՆ, 15 օգոստոսի – Sputnik. «Սուրմալու» առևտրի կենտրոնի աշխատակիցները պայթյունի պահին չեն հասկացել, թե ինչ է կատարվում` շատերին թվացել է, թե երկրաշարժ է եղել։Sputnik Արմենիայի հետ զրույցում տեղի խաղալիքների խանութներից մեկի ղեկավարը նշեց, որ այդ պահին խանութից դուրս է եկել, առևտրի կենտրոնի առջև մեքենայի մեջ իր երկու անչափահաս երեխաներն են եղել։«Պայթյունն այնքան ուժեղ է եղել, որ մեքենան ամբողջությամբ վնասվել է։ Երեխաները, բարեբախտաբար, շատ չեն տուժել` քերծվածքներ էին ստացել և առաջին բուժօգնությունից հետո դուրս են գրվել»,- ասաց տղամարդը։ Նրա խանութում գտնված աշխատակիցն էլ է հասցրել դուրս գալ շենքից` պայթյունի ուժեղ ձայն լսելով։Մինչ այդ, ըստ տղամարդու, կասկածելի որևէ բան տեղի չի ունեցել։Իսկ տիկին Սուսաննայի խանութը ներքևում` առաջին հարկում է եղել, այն հիմա մոխրի է վերածվել։«Ես տեղում չէի, սակայն ամուսինս է ներսում եղել. նա մտածել է, թե երկրաշարժ է, և աշխատողների հետ արագ դուրս է եկել փողոց։ Խանութից դուրս գալիս վերևից քարեր են ընկել, ամուսնուս ճակատն է վնասվել։ Մեր կոշիկի խանութը դրանից հետո պայթել է` ապրանք չի մնացել»,- ասաց տիկին Սուսաննան։Նա նշեց`րոպեներ անց, երբ դեպքի վայր է եկել, դեռ պայթուցիկների ձայներ էին լսվում։ Կնոջ խոսքով` հրավառ նյութերն իրավունք չունեին պահեստներում պահելու` դրանք պետք է մարդկանցից հեռու մի վայրում պահեին։Նշենք, որ մինչ այս պահը կառույցը դեռ մխում է, իսկ տեղում որոնողափրկարարական աշխատանքներին զուգահեռ նաև հեռացնում են կուտակված աղբը։ «Սուրմալուի» հարակից բոլոր խանութները փակ են` տարածքն ու անցուդարձը հսկում են ոստիկանները։Դեպքի վայրում նաև որոնվողների հարազատներն են։Հայկական Կարմիր խաչը հոգեբանական աջակցություն է ցուցաբերել 120 անձանցՀիշեցնենք՝ «Սուրմալու» առևտրի կենտրոնում պայթյուն է տեղի ունեցել օգոստոսի 14-ին՝ մոտավորապես 13։23-ին։Զոհերի թիվն այս պահին 6 է, 17 քաղաքացի անհետ կորած է համարվում: Տարբեր ԲԿ-ներում բուժումը շարունակում է 13 տուժած։Հրդեհաշիջման աշխատանքներին մասնակցում է 350 փրկարար, 150 կամավոր։Որոնողափրկարարական աշխատանքները շարունակվում են։
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
«սուրմալու» առևտրի կենտրոն, տոնավաճառ, պայթյուն, զոհ, հրդեհ, ավերակներ, видео
«սուրմալու» առևտրի կենտրոն, տոնավաճառ, պայթյուն, զոհ, հրդեհ, ավերակներ, видео
Ամուսինս մտածել է` երկրաշարժ է. ի՞նչ են պատմում «Սուրմալուի» վաճառականները
18:01 15.08.2022 (Թարմացված է: 18:08 15.08.2022) «Սուրմալուի» առևտրականները հույս ունեն, որ պետությունը փոխհատուցում կտրամադրի, քանի որ վնասները մեծ են։
ԵՐԵՎԱՆ, 15 օգոստոսի – Sputnik. «Սուրմալու» առևտրի կենտրոնի աշխատակիցները պայթյունի պահին չեն հասկացել, թե ինչ է կատարվում` շատերին թվացել է, թե երկրաշարժ է եղել։
Sputnik Արմենիայի հետ զրույցում տեղի խաղալիքների խանութներից մեկի ղեկավարը նշեց, որ այդ պահին խանութից դուրս է եկել, առևտրի կենտրոնի առջև մեքենայի մեջ իր երկու անչափահաս երեխաներն են եղել։
«Պայթյունն այնքան ուժեղ է եղել, որ մեքենան ամբողջությամբ վնասվել է։ Երեխաները, բարեբախտաբար, շատ չեն տուժել` քերծվածքներ էին ստացել և առաջին բուժօգնությունից հետո դուրս են գրվել»,- ասաց տղամարդը։ Նրա խանութում գտնված աշխատակիցն էլ է հասցրել դուրս գալ շենքից` պայթյունի ուժեղ ձայն լսելով։
Մինչ այդ, ըստ տղամարդու, կասկածելի որևէ բան տեղի չի ունեցել։
Իսկ տիկին Սուսաննայի խանութը ներքևում` առաջին հարկում է եղել, այն հիմա մոխրի է վերածվել։
«Ես տեղում չէի, սակայն ամուսինս է ներսում եղել. նա մտածել է, թե երկրաշարժ է, և աշխատողների հետ արագ դուրս է եկել փողոց։ Խանութից դուրս գալիս վերևից քարեր են ընկել, ամուսնուս ճակատն է վնասվել։ Մեր կոշիկի խանութը դրանից հետո պայթել է` ապրանք չի մնացել»,- ասաց տիկին Սուսաննան։
Նա նշեց`րոպեներ անց, երբ դեպքի վայր է եկել, դեռ պայթուցիկների ձայներ էին լսվում։ Կնոջ խոսքով` հրավառ նյութերն իրավունք չունեին պահեստներում պահելու` դրանք պետք է մարդկանցից հեռու մի վայրում պահեին։
«Մենք Չինաստան ենք գնում-գալիս և նման բան չենք տեսել` բոլոր պահեստները դաշտերում են։ Չենք իմացել, որ հրավառության նյութեր էլ կան պահեստներում` գիտեինք, որ հագուստեղեն, կոշկեղեն կա։ Կարծում եմ` պետք է պետությունը փոխհատուցում տրամադրի, քանի որ այդքան չարչարվել ենք, դպրոցի սեզոնին ընդառաջ առևտուր ենք արել»,- ասաց կինը և ավելացրեց` լավ է, որ ամուսինն է ողջ մնացել։
Նշենք, որ մինչ այս պահը կառույցը դեռ մխում է, իսկ տեղում որոնողափրկարարական աշխատանքներին զուգահեռ նաև հեռացնում են կուտակված աղբը։ «Սուրմալուի» հարակից բոլոր խանութները փակ են` տարածքն ու անցուդարձը հսկում են ոստիկանները։
Դեպքի վայրում նաև որոնվողների հարազատներն են։
Հիշեցնենք՝ «Սուրմալու» առևտրի կենտրոնում
պայթյուն է տեղի ունեցել օգոստոսի 14-ին՝ մոտավորապես 13։23-ին։
Հրդեհաշիջման աշխատանքներին մասնակցում է 350 փրկարար, 150 կամավոր։
Որոնողափրկարարական աշխատանքները շարունակվում են։
