«Ազովի» գրոհայինները զորանոց են կահավորել Պոլտավայի մարզի բժշկական կենտրոնում. ՌԴ ՊՆ

© Sputnik / Министерство обороны РФ / Անցնել մեդիապահոցՄիխայիլ Միզինցև
Միխայիլ Միզինցև - Sputnik Արմենիա, 1920, 16.08.2022
Միխայիլ Միզինցև
Բաժանորդագրվեք
НовостиTelegram
Զինյալները բժշկական անձնակազմին ու հիվանդներին վռնդել են բուժհաստատությունից։
ԵՐԵՎԱՆ, 16 օգոստոսի – Sputnik. Պոլտավայի մարզում «Ազով» ազգայնական գումարտակի (ահաբեկչական կազմակերպություն, արգելված է ՌԴ-ում) զինյալները զորանոց են կահավորել բժշկական կենտրոնում: Տեղեկությունը հայտնել է Ռուսաստանի Դաշնության պաշտպանության կառավարման ազգային կենտրոնի ղեկավար, գեներալ-գնդապետ Միխայիլ Միզինցևը։
««Ազով» գումարտակի զինյալները տեղակայվել են Պոլտավայի մարզի Նովիե Սանժարի բնակավայրի բժշկական կենտրոնում, զինամթերքի պահեստ կահավորել և բժշկական անձնակազմին ու հիվանդներին լկտիաբար վռնդել բուժհաստատությունից»,– ասել է Միզինցևը:
Նա հայտնել է, որ ուկրաինական զինված խմբավորումները կենտրոնացել են նաև Ալեքսանդրովկայի հիվանդանոցի շենքում, զրահատեխնիկա տեղակայել հարակից տարածքում։ Ընդ որում՝ մերձակա տների բնակիչներին չեն տարհանել։
Ուկրաինայի զորքերի ստորաբաժանումները տեղակայվել են նաև Արտյոմովսկ քաղաքի տուբերկուլյոզային հիվանդանոցի տարածքում, անցակետեր ու կրակակետեր կահավորել, ականապատել շենք տանող ճանապարհները, բայց տեղի բնակչությունն այդ մասին միտումնավոր չի զգուշացվել:
Ուկրաինական զորքերի ստորաբաժանումները Կրամատորսկի քաղաքային հոգեբուժարանում զինապահեստներ, հրետանի և համազարկային հրթիռային համակարգեր են տեղակայել, որոնցից պարբերաբար գնդակոծում են մոտակա բնակավայրերը:
Հիշեցնենք` փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Ուկրաինայում մարտական գործողություններն ընթանում են արդեն 174-րդ օրը։
Լրահոս
0