Վայոց Ձորում գազատար ավտոմեքենայի հրդեհից այրվել է 1000 քմ խաղողի այգի և 1 հա խոտածածկույթ
09:03 17.08.2022 (Թարմացված է: 09:17 17.08.2022)
© Photo : official site of MESCS of RA Վայոց Ձորում գազատար ավտոմեքենա է այրվել։
Վայոց Ձորում գազատար ավտոմեքենա է այրվել։
© Photo : official site of MESCS of RA
Բաժանորդագրվել
Երեկ ցերեկը բռնկված հրդեհը հաջողվել է մարել այսօր առավոտյան, ժամը 7։08-ին։
ԵՐԵՎԱՆ, 17 օգոստոսի – Sputnik. Վայոց Ձորում գազատար ավտոմեքենայի հրդեհվելու հետևանքով այրվել են ավտոմեքենան, արտահոսած գազը, մոտակա 1000 քմ խաղողի այգին և 1 հա խոտածածկույթ:
ԱԻՆ մամուլի ծառայությունից նաև հայտնում են, որ գազատար ավտոմեքենայի վարորդը հոսպիտալացվել է Եղեգնաձորի ԲԿ, որտեղ բժիշկները նրա առողջական վիճակը գնահատել են բավարար:
© Photo : official site of MESCS of RA Վայոց Ձորում գազատար ավտոմեքենա է այրվել։
Վայոց Ձորում գազատար ավտոմեքենա է այրվել։
© Photo : official site of MESCS of RA
Ավելի վաղ հայտնել ենք, որ օգոստոսի 16-ին, ժամը 14։58-ին Վայոց Ձորի մարզային ճգնաժամային կառավարման կենտրոն ահազանգ է ստացվել, որ Վայք-Զեդեա ավտոճանապարհին «ZIL» մակնիշի գազատար ավտոմեքենա է այրվում։
Դեպքի վայր էին մեկնել ԱԻՆ ՓԾ մարզային փրկարարական վարչության օպերատիվ խումբը և հրշեջ-փրկարարական ջոկատներից երկու մարտական հաշվարկ։
Պարզվել էր, որ Երևան-Մեղրի ավտոճանապարհի 135-րդ կմ-ին հրդեհ է բռնկվել հեղուկ գազով բեռնված (մոտ 3 տ) «ZIL 130» մակնիշի բեռնատարում (վարորդ՝ Ա․ Ի․, ծնված 1973 թ.). առկա էր պայթյունի վտանգ:
© Photo : official site of MESCS of RA Վայոց Ձորում գազատար ավտոմեքենա է այրվել։
Վայոց Ձորում գազատար ավտոմեքենա է այրվել։
© Photo : official site of MESCS of RA
Հայտարարվել էր հրդեհի բարդության թիվ 2 կանչ․դեպքի վայր էր մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատներից ևս երկու մարտական հաշվարկ։
Հրդեհը մեկուսացվել է ժամը 17:14-ին, մարվել՝ օգոստոսի 17-ի ժամը 07։08-ին։