https://arm.sputniknews.ru/20220820/rd-n-u-amn-n-ashkhatum-en-rhsk-pajmanagri-stugumnery-verskselu-ughghutjamb-47033785.html
ՌԴ-ն ու ԱՄՆ-ն աշխատում են ՌՀՍԿ պայմանագրով նախատեսված ստուգումները վերսկսելու ուղղությամբ
ՌԴ-ն ու ԱՄՆ-ն աշխատում են ՌՀՍԿ պայմանագրով նախատեսված ստուգումները վերսկսելու ուղղությամբ
Sputnik Արմենիա
Ռուսաստանի դիվանագիտական ներկայացուցչությունը հիշեցրել է, որ վերջին խորհրդաժողովի մասնակիցներին ուղղված իրենց ուղերձներում ՌԴ-ի և ԱՄՆ-ի նախագահներ Վլադիմիր... 20.08.2022, Sputnik Արմենիա
2022-08-20T20:35+0400
2022-08-20T20:35+0400
2022-08-20T21:05+0400
ռուսաստան
ամն
սպառազինություն
պայմանագիր
https://cdn.am.sputniknews.ru/img/07e4/08/06/24014324_0:0:1601:901_1920x0_80_0_0_8f98abc1f112f0745ff419cc961c5c50.jpg
ԵՐԵՎԱՆ, 20 օգոստոսի – Sputnik. Ռուսաստանն ու ԱՄՆ-ն աշխատում են Ռազմավարական հարձակողական սպառազինությունների կրճատման (ՌՀՍԿ) պայմանագրով նախատեսված ստուգումների վերսկսման ճանապարհին խոչընդոտների վերացման ուղղությամբ, հարցերի մի մասն արդեն հաջողվել է կարգավորել: Այս հայտարարությունն արել է Վաշինգտոնում Ռուսաստանի դեսպանատունը:«ՌՀՍԿ-ի մասին պայմանագրի վերաբերյալ տեսչական գործունեությունն իսկապես դադարեցվել է 2020 թվականի սկզբից՝ կողմերի համաձայնությամբ, COVID-19-ի համավարակի պատճառով։ Մենք ամերիկացի գործընկերների հետ սերտորեն աշխատում ենք ՌՀՍԿՊ-ի երկկողմ խորհրդատվական հանձնաժողովի շրջանակում տեսչական ստուգումների վերսկսման համար կազմակերպչական և տեխնիկական խոչընդոտների վերացման ուղղությամբ: Որոշ հարցեր հաջողվել է կարգավորել, բայց ոչ բոլորը»,-ասված է դիվանագիտական առաքելության մեկնաբանության մեջ։ՌԴ–ն ԱՄՆ–ին հորդորում է համագործակցել տեսչական ստուգումները վերսկսելու համարՆշվում է, որ խնդիրները պայմանավորված են ԱՄՆ-ի կողմից միակողմանի կարգով հաստատված հակառուսական սահմանափակումներով։ Դեսպանատան հայտարարության համաձայն՝ Պետդեպարտամենտի պնդումներն այն մասին, որ պատժամիջոցները չեն խոչընդոտում ամերիկյան տարածքում ՌՀՍԿՊ-ի վերաբերյալ տեսչական ստուգումների անցկացմանը, կեղծավորություն են:«Միացյալ Նահանգների և Ռուսաստանի միջև ուղիղ ավիահաղորդակցությունն ընդհատվել է։ Վաշինգտոնի դաշնակիցները փակել են իրենց օդային տարածքը տեսուչներին ԱՄՆ տեղափոխող ռուսական ինքնաթիռների տարանցիկ թռիչքների և տեխնիկական կանգառների համար: Մեր տեսչական խմբերի և թռիչքային անձնակազմերի անդամների համար խոչընդոտներ են ստեղծվում տարանցիկ վիզա ստանալու հարցում։ Ամերիկյան կողմն այդ բոլոր խնդիրները չունի։ Արդյունքում Վաշինգտոնն ակնհայտ առավելություն է ստանում»,- նշել են դեսպանատանը։Ռուսաստանի դիվանագիտական ներկայացուցչությունը հիշեցրել է, որ ՌՀՍԿՊ-ի վերաբերյալ վերջին ամփոփիչ խորհրդաժողովի մասնակիցներին ուղղված իրենց ուղերձներում ՌԴ-ի և ԱՄՆ-ի նախագահներ Վլադիմիր Պուտինն ու Ջո Բայդենը հաստատել են իրենց հավատարմությունը ՌՀՍԿՊ-ի ռեժիմին: Դրա հետ մեկտեղ ամերիկյան կողմը մինչև հիմա Ռուսաստանին որևէ կոնկրետ առաջարկ չի ներկայացրել ռազմավարական կայունության շուրջ երկխոսությունը վերսկսելու մասին։ԱՄՆ-ն չի կարողանա ստուգումներ անցկացնել ՌԴ-ի ռազմավարական սպառազինության օբյեկտներում. ԱԳՆ«Մինչդեռ Ռազմավարական հարձակողական սպառազինությունների կրճատման պայմանագիրն ավարտվում է 3,5 տարի հետո: Ռուս-ամերիկյան նախկին բանակցությունների փորձը ցույց է տալիս, որ նույնիսկ երկու կողմերի պատրաստակամության դեպքում համաձայնագրի մշակման համար մնացած ժամանակը չափազանց քիչ է»,- ընդգծել են դիվանագիտական ներկայացուցչությունում՝ Վաշինգտոնին կոչ անելով սպառազինությունների վերահսկման ոլորտում փոխգործակցել իրավահավասար հիմունքներով:
ամն
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
ռուսաստան, ամն, սպառազինություն, պայմանագիր
ռուսաստան, ամն, սպառազինություն, պայմանագիր
ՌԴ-ն ու ԱՄՆ-ն աշխատում են ՌՀՍԿ պայմանագրով նախատեսված ստուգումները վերսկսելու ուղղությամբ
20:35 20.08.2022 (Թարմացված է: 21:05 20.08.2022) Ռուսաստանի դիվանագիտական ներկայացուցչությունը հիշեցրել է, որ վերջին խորհրդաժողովի մասնակիցներին ուղղված իրենց ուղերձներում ՌԴ-ի և ԱՄՆ-ի նախագահներ Վլադիմիր Պուտինն ու Ջո Բայդենը հաստատել են իրենց հավատարմությունը ՌՀՍԿՊ-ի ռեժիմին:
ԵՐԵՎԱՆ, 20 օգոստոսի – Sputnik. Ռուսաստանն ու ԱՄՆ-ն աշխատում են Ռազմավարական հարձակողական սպառազինությունների կրճատման (ՌՀՍԿ) պայմանագրով նախատեսված ստուգումների վերսկսման ճանապարհին խոչընդոտների վերացման ուղղությամբ, հարցերի մի մասն արդեն հաջողվել է կարգավորել: Այս հայտարարությունն արել է Վաշինգտոնում Ռուսաստանի դեսպանատունը:
«ՌՀՍԿ-ի մասին պայմանագրի վերաբերյալ տեսչական գործունեությունն իսկապես դադարեցվել է 2020 թվականի սկզբից՝ կողմերի համաձայնությամբ, COVID-19-ի համավարակի պատճառով։ Մենք ամերիկացի գործընկերների հետ սերտորեն աշխատում ենք ՌՀՍԿՊ-ի երկկողմ խորհրդատվական հանձնաժողովի շրջանակում տեսչական ստուգումների վերսկսման համար կազմակերպչական և տեխնիկական խոչընդոտների վերացման ուղղությամբ: Որոշ հարցեր հաջողվել է կարգավորել, բայց ոչ բոլորը»,-ասված է դիվանագիտական առաքելության մեկնաբանության մեջ։
Նշվում է, որ խնդիրները պայմանավորված են ԱՄՆ-ի կողմից միակողմանի կարգով հաստատված հակառուսական սահմանափակումներով։ Դեսպանատան հայտարարության համաձայն՝ Պետդեպարտամենտի պնդումներն այն մասին, որ պատժամիջոցները չեն խոչընդոտում ամերիկյան տարածքում ՌՀՍԿՊ-ի վերաբերյալ տեսչական ստուգումների անցկացմանը, կեղծավորություն են:
«Միացյալ Նահանգների և Ռուսաստանի միջև ուղիղ ավիահաղորդակցությունն ընդհատվել է։ Վաշինգտոնի դաշնակիցները փակել են իրենց օդային տարածքը տեսուչներին ԱՄՆ տեղափոխող ռուսական ինքնաթիռների տարանցիկ թռիչքների և տեխնիկական կանգառների համար: Մեր տեսչական խմբերի և թռիչքային անձնակազմերի անդամների համար խոչընդոտներ են ստեղծվում տարանցիկ վիզա ստանալու հարցում։ Ամերիկյան կողմն այդ բոլոր խնդիրները չունի։ Արդյունքում Վաշինգտոնն ակնհայտ առավելություն է ստանում»,- նշել են դեսպանատանը։
Ռուսաստանի դիվանագիտական ներկայացուցչությունը հիշեցրել է, որ ՌՀՍԿՊ-ի վերաբերյալ վերջին ամփոփիչ խորհրդաժողովի մասնակիցներին ուղղված իրենց ուղերձներում ՌԴ-ի և ԱՄՆ-ի նախագահներ Վլադիմիր Պուտինն ու Ջո Բայդենը հաստատել են իրենց հավատարմությունը ՌՀՍԿՊ-ի ռեժիմին: Դրա հետ մեկտեղ ամերիկյան կողմը մինչև հիմա Ռուսաստանին որևէ կոնկրետ առաջարկ չի ներկայացրել ռազմավարական կայունության շուրջ երկխոսությունը վերսկսելու մասին։
«Մինչդեռ Ռազմավարական հարձակողական սպառազինությունների կրճատման պայմանագիրն ավարտվում է 3,5 տարի հետո: Ռուս-ամերիկյան նախկին բանակցությունների փորձը ցույց է տալիս, որ նույնիսկ երկու կողմերի պատրաստակամության դեպքում համաձայնագրի մշակման համար մնացած ժամանակը չափազանց քիչ է»,- ընդգծել են դիվանագիտական ներկայացուցչությունում՝ Վաշինգտոնին կոչ անելով սպառազինությունների վերահսկման ոլորտում փոխգործակցել իրավահավասար հիմունքներով:
