Фон для радио  - Sputnik Արմենիա, 1920
ՌԱԴԻՈ

Անունը կա, ամանում չկա. ինչպե՞ս են որսի մասին օրենքի բացերն ազդում ոլորտի վրա

Սարիբեկյան. Հրացանավոր մարդ լինելը դեռևս որսորդ լինել չի նշանակում
Բաժանորդագրվեք
НовостиTelegram
«Օրինավոր որսի ակումբ» նախաձեռնության համակարգող Էդուարդ Սարիբեկյանը Sputnik Արմենիայի եթերում անդրադարձել է Հայաստանում սիրողական որսաշրջանի մեկնարկին և որսորդության հետ կապված խնդիրներին։
Հայաստանում որսի նկատմամբ չկա համապատասխան վերահսկողություն, այսինքն` նախարարը տալիս է որսի սեզոնի բացման հրաման, նշվում են կենդանիների ու թռչունների համապատասխան չափաքանակները, սակայն տեսչական մարմիններն ի զորու չեն վերահսկելու գործընթացը, որովհետև չունեն համապատասխան տեխնիկական հնարավորություններ և մարդկային ռեսուրսներ։ Sputnik Արմենիայի հետ զրույցում այս մասին ասաց «Օրինավոր որսի ակումբ» նախաձեռնության համակարգող Էդուարդ Սարիբեկյանը։
Նշենք` շրջակա միջավայրի նախարար Հակոբ Սիմիդյանի հրամանով սահմանվել են 2022-2023 թվականների որսի կենդանիների ցանկը, դրանց օգտագործման թույլատրելի չափաքանակները և որսի ժամկետները։ Ըստ այդմ` որսի թույլտվություն ունեցող անձինք կարող են իրականացնել մոխրագույն ագռավի, սովորական կաչաղակի, գայլի և շնագայլի սահմանափակ որս։

«Պետք է ուժեղացնել տեսչական մարմինները և ազդել որսորդների մտածողության վրա, իսկ գիտակից որսորդ ունենալու համար անհրաժեշտ է կոնսոլիդացնել որսորդական հանրությունը մասնագիտացված որսորդական ՀԿ-ների միջոցով, սակայն վերջիններիս խնդիրը մինչ օրս լուծված չէ։ Կարելի է հարյուր տեսական կարգ մշակել, վարչական միջոցառումներ իրականացնել, բայց քանի դեռ որսորդը չի հասկացել ժամանակակից որսի տրամաբանությունն ու էությունը, մենք մեր երկրում քաղաքակիրթ որսորդություն չենք կարող ունենալ»,- ասաց Սարիբեկյանը։

Ըստ նրա` տեսչական մարմիններն ունեն անելիքներ, բայց չեն կարողանում մեծ ծավալի աշխատանք իրականացնել, որովհետև Հայաստանի ամբողջ տարածքում մի քանի տասնյակ հազարավոր որսորդների որսը վերահսկել հնարավոր չէ առկա պայմաններում։
Սարիբեկյանի պնդմամբ` որսորդական ՀԿ-ները գնալով արժեզրկվում են, որովհետև «Որսի և որսորդական տնտեսությունների մասին» օրենքում կան մի շարք դրույթներ, որոնք մինչ այժմ կիրառված չեն։ Ըստ նրա` այդ օրենքով նախատեսված է միասնական որսորդական վկայական, որը ստանալու համար մարդիկ պետք է որսմինիմում հանձնեն, մինչդեռ ցայսօր չի մշակվել այդ որսմինիմումը` քննության համար նախատեսված որսի կանոնների հավաքածուն, հարցերի ցանկը։
Ո՞րն է որսորդներին առնչվող օրենսդրական փոփոխությունների նպատակը
«Եթե որսորդական ՀԿ-ն բարեխիղճ է, ապա իր շարքերն է ընդունում այնպիսի մարդկանց, որոնք իր մոտ հանձնում են այդ մինիմումը, բայց քանի որ պաշտոնական փաստաթուղթ չկա, մասնագիտացված ՀԿ-ները քննությունը կազմակերպում են իրենց նախաձեռնությամբ, մինչդեռ պետությունն ինքը պետք է մշակի որսմինիմում, և քաղաքացին էլ միասնական որսորդական վկայականը պետք է ստանա պետությունից, այլ ոչ թե առանձին ՀԿ-ից»,- ասաց «Օրինավոր որսի ակումբ» նախաձեռնության համակարգողը։
Նրա բնութագրմամբ` հրացանավոր մարդ լինելը դեռևս որսորդ լինել չի նշանակում, քանի որ որսորդությունը կուլտուրա է, մշակույթ և ապրելակերպ, ավանդույթների ամբողջություն, որը փոխանցվում է սերնդեսերունդ, հետևաբար չի կարելի ընդհանրացնել հրացանավոր մարդկանց և որսորդներին, այ, հենց այդտեղ է, ըստ Սարիբեկյանի, մասնագիտացված կազմակերպությունների դերն ու նշանակությունը։

«Հայաստանում կա զենքի մասին օրենք, ՀՀ քաղաքացին կարող է զենք ձեռք բերել երկու ճանապարհով` մեկն ինքնապաշտպանության նպատակով (այդ դեպքում պետք է ապացուցի, որ իսկապես ինքնապաշտպանության համար է և զենք ստանալու համար անցնի երկար ընթացակարգեր), իսկ մյուս ճանապարհը, որն ավելի դյուրին է, որսորդությամբ զբաղվելու նպատակով որսորդմիության անդամ դառնալն է»,- բացատրեց Սարիբեկյանը։

Նրա համոզմամբ` զենքի մասին օրենքից պետք է հանել որոշ սահմանափակումներ, և քանի որ պետությունը թույլ է տալիս քաղաքացուն զենք ձեռք բերել, ուրեմն պետք է հեշտացնի այդ գործընթացը, այլ ոչ թե ուղղորդի զարտուղի ճանապարհներով գնալ և որսորդմիության անդամ դառնալ զենք ձեռք բերելու համար։
Նշենք, որ շրջակա միջավայրի նախարար Հակոբ Սիմիդյանը վերը նշված հրամանը ստորագրել է օգոստոսի 11-ին։
Մարդիկ կկրակեն իրար վրա. փորձագետները մտահոգված են Հայաստանում «որսորդական» նոր օրենքներով
Ըստ այդմ, որս կարելի է անել միայն հինգշաբթի, ուրբաթ, շաբաթ և կիրակի օրերին, ինչպես նաև «ՀՀ տոների և հիշատակի օրերի մասին» օրենքով հաստատված տոների և հիշատակի օրերին։
Հրամանն ուժի մեջ մտնելու հաջորդ օրվանից որսորդական միություններին տրամադրվում են նախապես հայտագրված քանակի լիցենզիաներ, որոնք կազմակերպությունների ներսում կբաշխվեն որսորդական միության անդամների միջև։
Լրահոս
0