https://arm.sputniknews.ru/20220825/eatm-erkrnery-hamakargvats-ardzaganqum-en-martahravernerin-mishustin-47277445.html
ԵԱՏՄ երկրները համակարգված արձագանքում են մարտահրավերներին. Միշուստին
ԵԱՏՄ երկրները համակարգված արձագանքում են մարտահրավերներին. Միշուստին
Sputnik Արմենիա
ՌԴ վարչապետը նշել է, որ Եվրասիական տնտեսական միությունն ապացուցում է իր արդյունավետությունն ու կայունությունը դժվար իրավիճակում։ 25.08.2022, Sputnik Արմենիա
2022-08-25T17:49+0400
2022-08-25T17:49+0400
2022-08-25T18:05+0400
ղրղզստան
միխայիլ միշուստին
եվրասիական տնտեսական միություն (եատմ)
https://cdn.am.sputniknews.ru/img/07e6/08/19/47268691_0:279:3073:2007_1920x0_80_0_0_cc9a5f443b84db4b83475e62ea6420fd.jpg
ԵՐԵՎԱՆ, 25 օգոստոսի – Sputnik. Միջազգային հարաբերություններում բարդ ժամանակներ են, բայց ԵԱՏՄ պետությունները համակարգված արձագանքում են մարտահրավերներին` թույլ չտալով, որ իրենց տնտեսությունները փլուզվեն։ Ինչպես տեղեկացնում է ՌԻԱ Նովոստին, այս հայտարարությունն արել է ՌԴ վարչապետ Միխայիլ Միշուստինը։«Միջազգային հարաբերությունների և արտաքին տնտեսական համագործակցության կառուցվածքը բավական բարդ փոփոխություններ է ապրում, ինչը պայմանավորված է նաև Արևմուտքի հավաքական գործողություններով»,- ասել է Միշուստինը Ղրղզստանի նախագահ Սադիր Ժապարովի և ԵԱՏՄ երկրների կառավարությունների ղեկավարների հանդիպմանը։Նա նշել է, որ Եվրասիական տնտեսական միությունն ապացուցում է իր արդյունավետությունն ու կայունությունը դժվար իրավիճակում։ՌԴ վարչապետի խոսքով` այս տարվա առաջին եռամսյակում ԵԱՏՄ ՀՆԱ-ի ծավալը գերազանցել է 470 մլրդ դոլարը։«Պատժամիջոցների պայմաններում մեր երկրների համար լրացուցիչ հնարավորություններ են բացվում, և ես կարծում եմ, որ այժմ շատ կարևոր է դրանցից գրագետ օգտվելը»,- ասել է նա։Միշուստինը պարզաբանել է, որ խոսում է արդյունաբերական համագործակցությունն ուժեղացնելու, նոր, այդ թվում` բարձր տեխնոլոգիական նախագծեր գործարկելու մասին։ Դա թույլ կտա, որ ԵԱՏՄ-ն կախված չլինի ներմուծումից։Ռուսաստանի վարչապետի խոսքով` անհրաժեշտ է բացառել միության շրջանակում համագործակցելու արհեստական խոչընդոտները և թույլ չտալ, որ նոր արգելքներ ի հայտ գան։«Համոզված եմ, որ մենք թույլ չենք տա չարակամներին սեպ խրել մեր երկրների և ժողովուրդների միջև»,- հավելել է նա։Փաշինյանը ԵԱՏՄ մյուս վարչապետների հետ Իսիկ Կուլ լճի ափին է․ տեսանյութՄիշուստինը հանդիպման մասնակիցներին է փոխանցել նաև ՌԴ նախագահ Վլադիմիր Պուտինի բարեմաղթանքները։Նշենք, որ օգոստոսի 25-ին Չոլպոն-Աթա քաղաքում (Ղրղզստան) մեկնարկել է Եվրասիական միջկառավարական խորհրդի նեղ կազմով նիստը, որին մասնակցում է նաև ՀՀ վարչապետ Նիկոլ Փաշինյանը։ Օգոստոսի 26-ին նիստը կշարունակվի ընդլայնված կազմով։ԵԱՏՄ-ն միջազգային ինտեգրացիոն տնտեսական միավորում է, որը ստեղծվել է Մաքսային միության և միասնական տնտեսական տարածքի հիման վրա։ Այն գործում է 2015 թվականի հունվարի 1-ից: ԵԱՏՄ անդամներն են Ռուսաստանը, Հայաստանը, Բելառուսը, Ղազախստանը և Ղրղզստանը։Ռուսաստանը կառաջարկի ԵԱՏՄ-ի ներսում ընդլայնել առևտուրն ազգային արժույթներով
ղրղզստան
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
ղրղզստան, միխայիլ միշուստին, եվրասիական տնտեսական միություն (եատմ)
ղրղզստան, միխայիլ միշուստին, եվրասիական տնտեսական միություն (եատմ)
ԵԱՏՄ երկրները համակարգված արձագանքում են մարտահրավերներին. Միշուստին
17:49 25.08.2022 (Թարմացված է: 18:05 25.08.2022) ՌԴ վարչապետը նշել է, որ Եվրասիական տնտեսական միությունն ապացուցում է իր արդյունավետությունն ու կայունությունը դժվար իրավիճակում։
ԵՐԵՎԱՆ, 25 օգոստոսի – Sputnik. Միջազգային հարաբերություններում բարդ ժամանակներ են, բայց ԵԱՏՄ պետությունները համակարգված արձագանքում են մարտահրավերներին` թույլ չտալով, որ իրենց տնտեսությունները փլուզվեն։ Ինչպես տեղեկացնում է
ՌԻԱ Նովոստին, այս հայտարարությունն արել է ՌԴ վարչապետ Միխայիլ Միշուստինը։
«Միջազգային հարաբերությունների և արտաքին տնտեսական համագործակցության կառուցվածքը բավական բարդ փոփոխություններ է ապրում, ինչը պայմանավորված է նաև Արևմուտքի հավաքական գործողություններով»,- ասել է Միշուստինը Ղրղզստանի նախագահ Սադիր Ժապարովի և ԵԱՏՄ երկրների կառավարությունների ղեկավարների հանդիպմանը։
Նա նշել է, որ Եվրասիական տնտեսական միությունն ապացուցում է իր արդյունավետությունն ու կայունությունը դժվար իրավիճակում։
ՌԴ վարչապետի խոսքով` այս տարվա առաջին եռամսյակում ԵԱՏՄ ՀՆԱ-ի ծավալը գերազանցել է 470 մլրդ դոլարը։
«Պատժամիջոցների պայմաններում մեր երկրների համար լրացուցիչ հնարավորություններ են բացվում, և ես կարծում եմ, որ այժմ շատ կարևոր է դրանցից գրագետ օգտվելը»,- ասել է նա։
Միշուստինը պարզաբանել է, որ խոսում է արդյունաբերական համագործակցությունն ուժեղացնելու, նոր, այդ թվում` բարձր տեխնոլոգիական նախագծեր գործարկելու մասին։ Դա թույլ կտա, որ ԵԱՏՄ-ն կախված չլինի ներմուծումից։
Ռուսաստանի վարչապետի խոսքով` անհրաժեշտ է բացառել միության շրջանակում համագործակցելու արհեստական խոչընդոտները և թույլ չտալ, որ նոր արգելքներ ի հայտ գան։
«Համոզված եմ, որ մենք թույլ չենք տա չարակամներին սեպ խրել մեր երկրների և ժողովուրդների միջև»,- հավելել է նա։
Միշուստինը հանդիպման մասնակիցներին է փոխանցել նաև ՌԴ նախագահ Վլադիմիր Պուտինի բարեմաղթանքները։
Նշենք, որ օգոստոսի 25-ին Չոլպոն-Աթա քաղաքում (Ղրղզստան) մեկնարկել է Եվրասիական միջկառավարական խորհրդի նեղ կազմով նիստը, որին մասնակցում է նաև ՀՀ վարչապետ Նիկոլ Փաշինյանը։ Օգոստոսի 26-ին նիստը կշարունակվի ընդլայնված կազմով։
ԵԱՏՄ-ն միջազգային ինտեգրացիոն տնտեսական միավորում է, որը ստեղծվել է Մաքսային միության և միասնական տնտեսական տարածքի հիման վրա։ Այն գործում է 2015 թվականի հունվարի 1-ից: ԵԱՏՄ անդամներն են Ռուսաստանը, Հայաստանը, Բելառուսը, Ղազախստանը և Ղրղզստանը։
