Ռուս խաղաղապահները տեղակայվել են Արցախը ՀՀ-ին կապող նոր երթուղու ժամանակավոր հատվածում

© Sputnik / Aram NersesyanԽաղաղապահները Արցախում
Խաղաղապահները Արցախում - Sputnik Արմենիա, 1920, 29.08.2022
Խաղաղապահները Արցախում. Արխիվային լուսանկար
Բաժանորդագրվեք
НовостиTelegram
Ռուս խաղաղապահները վերահսկողություն են իրականացնում Շուշիի շրջանի Բերդաձորի ենթաշրջանի տարածքով իրականացվող երթուղում։
ԵՐԵՎԱՆ, 29 օգոստոսի – Sputnik. Ռուս խաղաղապահները տեղակայվել են Արցախը Հայաստանին կապող նոր երթուղու ժամանակավոր հատվածում, մինչև հիմնական միջանցքի կառուցումը։ Տեղեկությունը Sputnik Արմենիային հայտնեց Արցախի տարածքային կառավարման և ենթակառուցվածքների նախարարի մամուլի խոսնակ Վիկտորյա Պետրոսյանը։
Հայտնել էինք, որ Արցախի Անվտանգության խորհրդի նիստում որոշում է կայացվել Հայաստանի հետ կապը նոր երթուղով` Շուշիի շրջանի Բերդաձորի ենթաշրջանի տարածքով իրականացնել օգոստոսի 30-ից, ժամը 20։00-ից։

«Արցախը Հայաստանին կապող ժամանակավոր երթուղին (4,7 կմ հատվածը) ամբողջությամբ ասֆալտապատված է։ Այն գործելու է նույն տրամաբանությամբ, ինչ Ստեփանակերտ-Գորիս-Բերձոր ճանապարհն էր գործում։ Այս պահին ռուս խաղաղապահները տեղակայված են այնտեղ և վերահսկողություն են իրականացնում. ճանապարհն արդեն գործում է»,–ասաց Պետրոսյանը։

Նրա խոսքով` ճանապարհը սպասարկվելու է համապատասխան մասնագետների կողմից և, անկախ եղանակային պայմաններից, երթևեկության առումով որևէ խնդիր չպետք է լինի։
Պետրոսյանը նշեց, որ Աղավնոյի, Սուսի և Բերձորի բոլոր բնակիչներն այս պահին տարհանված են` նրանց մեծ մասը վերաբնակեցվել է ՀՀ–ում, իսկ մի մասն էլ Արցախում է վերահաստատվել։ Պետրոսյանի խոսքով` իրենք հոգում են նրանց ծախսերը, որոնք հաստատվել են արցախյան հյուրանոցներում, իսկ բնակարանային կոմիտեն ժամանակավոր կացարանով է ապահովում նրանց, մինչև հիմնական կացարան կտրամադրեն։
Նշենք, որ նոր երթուղու հիմնական ճանապարհը 2023–ի գարնանից անցնելու է Սյունիքի Կոռնիձոր գյուղի կողքով և միանալու է Ադրբեջանի կողմից կառուցված ճանապարհին(Հակարի գետի կամուրջ)։ Իսկ մինչ այդ կամուրջին կկապի ժամանակավոր ճանապարհը
Արցախ-Հայաստան նոր երթուղու գործարկման ժամկետը փոխվել է
Լրահոս
0