Ֆիոլետովո գյուղի դպրոցականներն այցելել են «Էրեբունի» ավիաբազա

© Photo : Русский дом в ЕреванеՖիոլետովո գյուղի դպրոցականներն այցելել են «Էրեբունի» ավիաբազա։
Ֆիոլետովո գյուղի դպրոցականներն այցելել են «Էրեբունի» ավիաբազա։ - Sputnik Արմենիա, 1920, 30.08.2022
Ֆիոլետովո գյուղի դպրոցականներն այցելել են «Էրեբունի» ավիաբազա։
Բաժանորդագրվեք
НовостиTelegram
Ավիաբազայում գտնվող կործանիչները հետաքրքրեցին թե՛ տղաներին, թե՛ աղջիկներին։
ԵՐԵՎԱՆ, 30 օգոստոսի – Sputnik, Իրինա Աբրոյան։ Մոլոկանների Ֆիոլետովո գյուղի 5-12-րդ դասարանների 37 աշակերտներ ուսուցիչների ուղեկցությամբ այցելել են «Էրեբունի» ավիաբազա՝ Երևանի Ռուսական տան նախաձեռնությամբ։
Օդը դողում էր շարժիչների հռնդյունից և ուղղաթիռի պտուտակի աղմուկից, քամին տարածում էր կերոսինի հոտը, իսկ երկնքում սավառնում էին արագիլները․ այսպես դիմավորեց ավիաբազան մոլոկան աշակերտներին։
Այստեղ դպրոցականներին հետաքրքիր ծրագիր էր սպասում․ նրանց ցույց տվեցին ռազմական ինքնաթիռներն ու ուղղաթիռները, պատմեցին ավիաբազայի և դրա նշանակության մասին, նվերներ բաժանեցին և համեղ կերակրեցին ճաշարանում։
© Photo : Русский дом в ЕреванеՖիոլետովո գյուղի դպրոցականներն այցելել են «Էրեբունի» ավիաբազա։
Школьники села Фиолетово посетили военный аэродром Эребуни - Sputnik Արմենիա, 1920, 30.08.2022
Ֆիոլետովո գյուղի դպրոցականներն այցելել են «Էրեբունի» ավիաբազա։
Փոխգնդապետ Դմիտրի Շարշովը պատանի այցելուներին հայտնեց, որ ավիաբազան ստեղծվել է 1994 թվականին՝ Խորհրդային Միության փլուզումից հետո։ Քանի որ Հայաստանն իր կործանիչ ավիացիան չուներ, նա չէր կարող մարտական հերթապահություն իրականացնել և իր երկինքը պաշտպանել թշնամական պետություններից, և որոշում կայացվեց ռուսական ավիացիոն բազա տեղակայել։
Նախկինում այստեղ հերթապահում էին ՄիԳ-23 ինքնաթիռները, որոնք հետագայում փոխարինվեցին չորրորդ սերնդի ՄիԳ-29 ինքնաթիռներով։ 2012 թվականին այստեղ հայտնվեց նաև Մի-8 և Կ-52 ուղղաթիռների էսկադրիլիան (աշխարհի ամենաժամանակակից և լավագույն ուղղաթիռներից մեկը, որը բազմաթիվ երկրների սպառազինության մեջ է):
Դպրոցականներն իմացան նաև այն մասին, թե ինչպես է իրականացվում Հայաստանի Հանրապետության երկնքի պաշտպանությունը. հակառակորդի ինքնաթիռի հայտնվելու դեպքում հերթապահ օդաչուն, ազդանշանը ստանալով, պատրաստ է թռչել և կատարել առաջադրանքը. կա՛մ վախեցնել, «բռնել» և ստիպել վայրէջք կատարել, կա՛մ էլ, ծայրահեղ դեպքում, խոցել հակառակորդի ինքնաթիռը, եթե նա ագրեսիա դրսևորի։
Երեխաները ևս մեկ հետաքրքիր փաստ իմացան․ պարզվում է՝ ՄիԳ կործանիչներն օծված են և սեփական անուններն ունեն, ի պատիվ երկնային սուրբ հովանավորների՝ իշխան Վլադիմիրի, Դանիիլ Մոսկվացու և այլոց։ Նրանց պատկերները նկարված են ֆյուզելյաժին՝ այն հատվածում, որն ամենաքիչն է մաշվում օգտագործման ժամանակ։ Երկնային հովանավորները, կարելի է ասել, պաշտպանում են ռազմական օդաչուներին զանազան առաջադարանքներ կատարելիս։
© Photo : Русский дом в ЕреванеՖիոլետովո գյուղի դպրոցականներն այցելել են «Էրեբունի» ավիաբազա։
Школьники села Фиолетово посетили военный аэродром Эребуни - Sputnik Արմենիա, 1920, 30.08.2022
Ֆիոլետովո գյուղի դպրոցականներն այցելել են «Էրեբունի» ավիաբազա։
Ֆիոլետովոյի դպրոցականներին էքսկուրսիան շատ դուր եկավ. նրանց թույլ տվեցին նստել կործանիչների խցիկներում և իրենց իսկական օդաչու զգալ։ Օդաչուն՝ ավագ լեյտենանտ Սերգեյ Լին, աշակերտներին մանրամասն ներկայացրեց կործանիչի խցիկի ներքին կառուցվածքը, սարքավորումները, տեխնիկական և այլ բնութագրերը:
Մարտական մեքենաները շատ հետաքրքրեցին աղջիկներին, որոնք ոչ պակաս ոգևորությամբ սպասում էին ինքնաթիռի խցիկ բարձրանալու իրենց հերթին։ ճիշտ է՝ ոչ բոլորը, միայն նրանք, ովքեր հարմար հագուստով էին։ Իսկ այ, թեթև շրջազգեստներով աղջիկները ինքնաթիռ բարձրանալ չհամարձակվեցին՝ քամին շատ ուժեղ էր․․․ Ավագ դասարանի աշակերտուհիներից մեկը՝ Լենա Նովիկովան, հիացած էր ՄիԳ-երով և ասաց, որ «հաճույքով օդաչու կդառնար, բայց մայրիկը դժվար թե ողջունի այդպիսի ընտրությունը»։
Դե իսկ տղաները, ինչպես և հարկն է, բոլորն էլ ցանկացան ուշադիր ուսումնասիրել, ձեռք տալ մեքենաներին, նայել շարժիչները և շոշափել արգելակիչ պարաշյուտն ու կառավարման վահանակը։
© Photo : Русский дом в ЕреванеՖիոլետովո գյուղի դպրոցականներն այցելել են «Էրեբունի» ավիաբազա։
Школьники села Фиолетово посетили военный аэродром Эребуни - Sputnik Արմենիա, 1920, 30.08.2022
Ֆիոլետովո գյուղի դպրոցականներն այցելել են «Էրեբունի» ավիաբազա։
Ինչպես նշեց Երևանում ռուսական տան փոխտնօրեն Վիկտորյա Դերիպասկոն, «Էրեբունի» ավիաբազա մոլոկան դպրոցականների այս էքսկուրսիան խորհրդանշական բնույթ է կրում։
- Եթե նախանշաններին հավատանք՝ ինչպես տարին սկսես, այնպես էլ կշարունակես։ Եվ այսօր մենք որոշել ենք, այ, այսպիսի խորհրդանշական կերպով սկսել ուսումնական տարին․ դիմավորում ենք Ֆիոլետովո գյուղի երեխաներին, և մեզ շատ հաճելի է , որ սեպտեմբերի 1-ին նրանց այսպիսի նվեր ենք անում։
«Էրեբունի»-ում էքսկուրսիայից հետո դպրոցականները այցելեցին Խնկո Ապոր անվան Ազգային մանկական գրադարան, ինչպես նաև Ռուսական տուն։
© Photo : Русский дом в ЕреванеՖիոլետովո գյուղի դպրոցականներն այցելել են «Էրեբունի» ավիաբազա։
Школьники села Фиолетово посетили военный аэродром Эребуни - Sputnik Արմենիա, 1920, 30.08.2022
Ֆիոլետովո գյուղի դպրոցականներն այցելել են «Էրեբունի» ավիաբազա։
Լրահոս
0