https://arm.sputniknews.ru/20220901/erevan-sevan-majrughu-pajtecvats-kamurjy-3-tari-e-nvorvogvum-e-pashinjani-andradardzy-khndrin-47579320.html
Երևան-Սևան մայրուղու պայթեցված կամուրջը 3 տարի է` նորոգվում է. Փաշինյանի անդրադարձը խնդրին
Երևան-Սևան մայրուղու պայթեցված կամուրջը 3 տարի է` նորոգվում է. Փաշինյանի անդրադարձը խնդրին
Sputnik Արմենիա
Երևան-Սևան մայրուղում կամրջի շինարարության հետևանքով այդ հատվածում ամբողջ ամառ կիլոմետրանոց հերթեր են գոյացել։ 01.09.2022, Sputnik Արմենիա
2022-09-01T12:21+0400
2022-09-01T12:21+0400
2022-09-01T13:21+0400
կամուրջ
շինարարություն
վերանորոգում
պայթյուն
մելիք մանուկյան (շշի մելո)
ավտոմեքենա
նիկոլ փաշինյան
հհ կառավարություն
https://cdn.am.sputniknews.ru/img/07e5/0b/17/35668256_0:0:1600:900_1920x0_80_0_0_4b0428b2c4ec98540fe9f343c6a1de7a.jpg
ԵՐԵՎԱՆ, 1 սեպտեմբերի – Sputnik. Երևան-Սևան ավտոճանապարհին, շշերի գործարանի հարակից հատվածում գտնվող կամրջի վերանորոգումը սկսվեց Սևանի հանգստի սեզոնի մեկնարկին ու ավարտվեց սեզոնի ավարտին։ Այսօր կառավարության նիստում մի շարք ճանապարհաշինական ծրագրերի քննարկման առիթով նման նկատառում արեց ՀՀ վարչապետ Նիկոլ Փաշինյանը։Տարածքային կառավարման ու ենթակառուցվածքների նախարար Գնել Սանոսյանը, արձագանքելով վարչապետի դիտարկմանը, հայտնեց, որ կամրջի շինարարությունն առայժմ ավարտված չէ։ Նրա խոսքով` Հայաստանում կամուրջների շինարարությունը լուրջ խնդիրների է հանդիպում։Նա նաև հայտնեց, որ կամրջի շինաշխատանքների ընթացքում պարզվել է, որ պայթյունից հետո կամրջի որոշ հատվածներ շատ ավելի են վնասված, քան նախապես ենթադրվում էր։ Արդյունքում լրացուցիչ աշխատանքների կարիք է առաջացել։Սանոսյանը նշեց, որ դրանով է պայմանավորված նաև աշխատանքի դանդաղ ընթացքը, քանի որ շինարարները սպասում են` մինչև անհրաժեշտ բետոնե կոնստրուկցիաներ պատվիրվեն, արտադրվեն, որպեսզի կարողանան աշխատանքները շարունակել։Եվ, քանի որ առաջիկայում Հայաստանում նախատեսված ճանապարհաշինական ծրագրերով տասնյակ կամուրջների նորոգում ու շինարարություն է նախատեսված, Սանոսյանը հույս հայտնեց, որ ոլորտը կակտիվանա, ու դետալները կսկսեն ավելի արագ պատրաստել։Հիշեցնենք` Երևան-Սևան մայրուղու 15-րդ կմ հատվածում գտնվող կամուրջը վնասվել էր 2019թ-ին։Օգոստոսի 2-ին` ժամը 12:30-ի սահմաններում, կամուրջը պայթեցվել էր նախկին պատգամավոր, գործարար Մելիք Մանուկյանի ավտոմեքենայի և նրան ուղեկցող մեքենաների ընթացքի ժամանակ:Նոր բացահայտումներ «Շշի Մելոյի» մահափորձից. պայթուցիկը գործի են դրել ռեստորանի շենքիցՊայթյունի հետևանքով վնասվել էին ճանապարհով ընթացող Range Rover մակնիշի 555 LL 05 համարանիշի և Nissan մակնիշի 35 MD 686 համարանիշի ավտոմեքենաները, որոնցից առաջինը պատկանում է նախկին պատգամավորին, երկրորդ մեքենայի մեջ պայթյունի պահին եղել էին նրա թիկնապահները։ Ավելի ուշ մի քաղաքացի, առանց տեղում գործողություններ իրականացնող իրավապահների թույլտվության, պայթյունի հետևանքով վնասված մեքենաներից մեկով հեռացել էր՝ չենթարկվելով ոստիկանության ծառայողների օրինական պահանջներին։ Ձեռնարկված միջոցառումների արդյունքում կարճ ժամանակում մեքենան հայտնաբերվել և վերադարձվել էր դեպքի վայր։ Իսկ դեպքի վայրից հեռացած քաղաքացուն հայտնաբերել ու ձերբակալել էին։«Ես հլը մի կողմ դրած, սա տեռոր է». «Շշի Մելոն» խոսել է իր դեմ մահափորձի մասին. «Ժողովուրդ»
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
կամուրջ, շինարարություն, վերանորոգում, պայթյուն, մելիք մանուկյան (շշի մելո), ավտոմեքենա, նիկոլ փաշինյան, հհ կառավարություն
կամուրջ, շինարարություն, վերանորոգում, պայթյուն, մելիք մանուկյան (շշի մելո), ավտոմեքենա, նիկոլ փաշինյան, հհ կառավարություն
Երևան-Սևան մայրուղու պայթեցված կամուրջը 3 տարի է` նորոգվում է. Փաշինյանի անդրադարձը խնդրին
12:21 01.09.2022 (Թարմացված է: 13:21 01.09.2022) Երևան-Սևան մայրուղում կամրջի շինարարության հետևանքով այդ հատվածում ամբողջ ամառ կիլոմետրանոց հերթեր են գոյացել։
ԵՐԵՎԱՆ, 1 սեպտեմբերի – Sputnik. Երևան-Սևան ավտոճանապարհին, շշերի գործարանի հարակից հատվածում գտնվող կամրջի վերանորոգումը սկսվեց Սևանի հանգստի սեզոնի մեկնարկին ու ավարտվեց սեզոնի ավարտին։ Այսօր կառավարության նիստում մի շարք ճանապարհաշինական ծրագրերի քննարկման առիթով նման նկատառում արեց ՀՀ վարչապետ Նիկոլ Փաշինյանը։
«Ճանապարհի մի ուղղությանը ամիսներով փակ էր, ու ճանապարհի այդ հատվածում ամեն օր, էլ չեմ ասում` շաբաթ-կիրակի ու տոն օրերին, ձևավորվում էին կիլոմետրանոց հերթեր։ Սա, կարծում եմ, շատ տիպիկ օրինակ է այն մասին, թե մենք ինչքան աշխատանք ունենք անելու հատկապես մեր գործերի պլանավորման առումով»,- ասաց Փաշինյանը` կառավարության անդամների ուշադրությունը հրավիրելով աշխատանքների պլանավորման խնդիրների վրա։
Տարածքային կառավարման ու ենթակառուցվածքների նախարար Գնել Սանոսյանը, արձագանքելով վարչապետի դիտարկմանը, հայտնեց, որ կամրջի շինարարությունն առայժմ ավարտված չէ։ Նրա խոսքով`
Հայաստանում կամուրջների շինարարությունը լուրջ խնդիրների է հանդիպում։
«Հայաստանում չկա որևէ արտադրամաս, որտեղ պատրաստի ինչ–որ բաներ լինեն արտադրված, որ երբ կամուրջը քանդեն, գնան-բերեն, սկսեն տեղադրել։ Երբեք չեն կարողանում կամրջի նախագիծը ճիշտ կազմել։ Մի բան նախագծվում է, բայց, երբ որ կամուրջը քանդում են, մի շարք խնդիրներ են բացվում, որոնք տեսանելի չէին»,- ասաց Սանոսյանը։
Նա նաև հայտնեց, որ կամրջի շինաշխատանքների ընթացքում պարզվել է, որ պայթյունից հետո կամրջի որոշ հատվածներ շատ ավելի են վնասված, քան նախապես ենթադրվում էր։ Արդյունքում լրացուցիչ աշխատանքների կարիք է առաջացել։
Սանոսյանը նշեց, որ դրանով է պայմանավորված նաև աշխատանքի դանդաղ ընթացքը, քանի որ շինարարները սպասում են` մինչև անհրաժեշտ բետոնե կոնստրուկցիաներ պատվիրվեն, արտադրվեն, որպեսզի կարողանան աշխատանքները շարունակել։
Եվ, քանի որ առաջիկայում
Հայաստանում նախատեսված ճանապարհաշինական ծրագրերով տասնյակ կամուրջների նորոգում ու շինարարություն է նախատեսված, Սանոսյանը հույս հայտնեց, որ ոլորտը կակտիվանա, ու դետալները կսկսեն ավելի արագ պատրաստել։
Հիշեցնենք` Երևան-Սևան մայրուղու 15-րդ կմ հատվածում գտնվող կամուրջը վնասվել էր 2019թ-ին։
Օգոստոսի 2-ին` ժամը 12:30-ի սահմաններում, կամուրջը
պայթեցվել էր նախկին պատգամավոր, գործարար Մելիք Մանուկյանի ավտոմեքենայի և նրան ուղեկցող մեքենաների ընթացքի ժամանակ:
Պայթյունի հետևանքով վնասվել էին ճանապարհով ընթացող Range Rover մակնիշի 555 LL 05 համարանիշի և Nissan մակնիշի 35 MD 686 համարանիշի ավտոմեքենաները, որոնցից առաջինը պատկանում է նախկին պատգամավորին, երկրորդ մեքենայի մեջ պայթյունի պահին եղել էին նրա թիկնապահները։ Ավելի ուշ մի քաղաքացի, առանց տեղում գործողություններ իրականացնող իրավապահների թույլտվության, պայթյունի հետևանքով վնասված մեքենաներից մեկով հեռացել էր՝ չենթարկվելով ոստիկանության ծառայողների օրինական պահանջներին։ Ձեռնարկված միջոցառումների արդյունքում կարճ ժամանակում մեքենան հայտնաբերվել և վերադարձվել էր դեպքի վայր։ Իսկ դեպքի վայրից հեռացած քաղաքացուն հայտնաբերել ու ձերբակալել էին։
