ՄԱԳԱՏԷ-ի ղեկավարն ասել է` որն է իրենց առաքելության գլխավոր նպատակը Զապորոժիեի ԱԷԿ-ում

© AFP 2022 / GENYA SAVILOVՌաֆայել Գրոսսի
Ռաֆայել Գրոսսի - Sputnik Արմենիա, 1920, 01.09.2022
Ռաֆայել Գրոսսի
Բաժանորդագրվեք
НовостиTelegram
Ռաֆայել Գրոսսին հանդիպել է Զապորոժիեի ԱԷԿ-ի աշխատակիցների հետ։
ԵՐԵՎԱՆ, 1 սեպտեմբերի – Sputnik. Զապորոժիեի ԱԷԿ-ում ՄԱԳԱՏԷ-ի առաքելության նպատակը ատոմակայանը միջուկային վթարից պաշտպանելն է։ Այս հայտարարությունն արել է կազմակերպության գլխավոր տնօրեն Ռաֆայել Գրոսսին Զապորոժիեի ԱԷԿ-ի աշխատակիցների հետ հանդիպման ժամանակ։
«Մենք բոլորս մեկ նպատակ ունենք՝ պաշտպանել կայանը միջուկային վթարից»,- ասել է ՄԱԳԱՏԷ-ի ղեկավարը:
Գրոսիի խոսքով՝ հարկավոր է հնարավորություն գտնել և պայմանավորվել բոլոր կողմերի հետ:
ՄԱԳԱՏԷ-ի պատվիրակության այցի նախաշեմին Էներգոդարը գնդակոծության է ենթարկվել։ Անցած մեկ օրում Ուկրաինան ԱԹՍ-ներով ու հրետանիով ավելի քան 60 հարված է հասցրել քաղաքին։
ՄԱԳԱՏԷ-ի գլխավոր տնօրենը երեկ Զապորոժիե քաղաք հասնելուն պես վստահեցրել էր, որ առաքելությունը կարող է անվտանգ իրականացվել: ՌԴ ՊՆ-ն հայտնել է, որ ուկրաինացի դիվերսանտները փորձել են զավթել Զապորոժիեի ԱԷԿ-ը։ Դիվերսանտներից երեքին գերի են վերցրել, 40-ին` ոչնչացրել։
Զապորոժիեի ԱԷԿ-ը գտնվում է Դնեպրի ձախ ափին՝ Էներգոդար քաղաքի մոտ։ Բլոկների թվով և հաստատված հզորությամբ ամենամեծ ատոմակայանն է Եվրոպայում։ ԱԷԿ-ում վեց էներգաբլոկ է տեղադրված։ Մարտ ամսից ի վեր Զապորոժիեի ԱԷԿ-ը գտնվում է ռուս զինվորականների պահպանության ներքո։ ՌԴ ԱԳՆ-ում ընդգծել են ռուս զինվորականների կողմից էլեկտրակայանը պահպանության տակ վերցնելու կարևորությունը միջուկային և ռադիոակտիվ նյութերի արտահոսքը կանխելու տեսանկյունից:
Հիշեցնենք` փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Ուկրաինայում մարտական գործողություններն ընթանում են արդեն 189-րդ օրը։
Լրահոս
0